Кумитаи кор бо ҷавонон ва варзиши назди Ҳукумати кишвар санаи 16 ноябр ба ифтихори Рӯзи Президенти Ҷумҳурии Тоҷикистон дар ҳамкорӣ бо мақомоти иҷроияи маҳаллии ҳокимияти давлатии шаҳру ноҳияҳои кишвар дар қаламрави ҷумҳурӣ 302 чорабинии варзиширо доир менамояд.
Иқдоми мазкур бо мақсади оммавияти варзиш, тарғиби тарзи ҳаёти солим ва пеш аз ҳама ҷонибдорӣ ва пайравӣ аз сиёсати варзишпарваронаи Пешвои маҳбуби миллат муҳтарам Эмомалӣ Раҳмон доир шуда, дар доираи он мусобиқаҳои варзишӣ бо усули деҳа ба деҳа ва дар марказҳои шаҳру ноҳияҳои кишвар бо доираи васеи варзишгарону алоқамандони варзиш гузаронида мешаванд.
Ба таъкиди масъулин мусобиқаҳои варзишӣ аз рӯи навъҳои футбол, волейбол, баскетбол, шоҳмот, шашка, гӯштини миллӣ, тарзи озод, юнону румӣ, дзюдо, таэквандо, каратэ, вазнбардорӣ, варзиши сабук ва гимнастикаи бадеӣ доир карда мешаванд.
Эзоҳи худро нависед