Лигаи футболи Тоҷикистон ба тақвими бозиҳои чемпионати мамлакат байни дастаҳои лигаи олӣ тағйирот ворид намудааст.

Тибқи иттилои дафтари матбуотии Федератсияи футболи Тоҷикистон (ФФТ) бозиҳои даври ҷамъбастии ҳаждаҳуми чемпионат, ки баргузории онҳо 2 октябр гуфта мешуд, ду рӯз баъд, яъне рӯзи 4 октябр доир хоҳад шуд.

Манбаъ хабар медиҳад, ки ҳамаи бозиҳои даври ҷамъбастӣ дар як рӯз ва дар як соати муайян доир мегарданд.
- Мувофиқи Низомномаи мусобиқа ду дастаи зинаҳои охири мусобиқаро ишғолнамуда, ба лигаи якум мераванд ва ду дастаи мақоми аввали лигаи якум, дар мавсими соли оянда дар лигаи олӣ баромад мекунад,- изҳор доштааст ФФТ.

Садбарг Суярова, "ҶТ"