Довари 33-солаи ФИФА аз Тоҷикистон Гулмуроди Саъдулло довари бозии интихобии Ҷоми ҷаҳон-2026 таъйин шуд. Дар ин бора сомонаи Федератсияи футболи Тоҷикистон хабар медиҳад.

Ҳайати доварони Гулмуроди Саъдулло бозии панҷуми даври дуюми марҳилаи интихобии Ҷоми ҷаҳон-2026 дар гурӯҳи “С” миёни дастаҳои мунтахаби Сингапур ва Кореяи Ҷанубиро ҳакамӣ мекунад. Ин вохӯрӣ 6 июн дар Сингапур баргузор мешавад. Ёварони довари ФИФА Ҳасан Каримов ва Вафо Қараев ба Гулмуроди Саъдулло кӯмак хоҳанд кард.

Бояд гуфт, Гулмуроди Саъдулло қаблан рақобатҳои Ҷоми Осиё, ки дар Довҳаи Қатар баргузор гардида буданд, ҳаками карда буд.

Яҳё МАҲМАДНАБИЕВ, “ҶТ”