Ҷиҳати рушди соҳаи варзиш дар ҳудуди шаҳри Бохтар 3 варзишгоҳ, мактаби варзишӣ, 32 толори варзишӣ, 91 майдончаҳои варзишӣ ва майдони теннис буда, ба онҳо зиёда аз 1200 нафар ҷавонону наврасон ҷалб гардидаанд.

Ба таъкиди масъулин дар шаш моҳи аввали соли 2019 байни наврасону ҷавонон ва кормандони ташкилоту муассисаҳои шаҳрӣ 38 мусобиқа аз рӯи 19 намуди  варзиш бо иштироки 2350 нафар наврасону ҷавонон гузаронида шудааст. Ҳамчунин, варзишгарони шаҳр дар 15 мусобиқаҳои ҷумҳуриявӣ ва 3 мусобиқаи байналмилалӣ иштирок намуда, 91 медал ба даст оварданд, ки аз он 31 медали тилло, 24 медали нуқра ва 36 медали биринҷӣ мебошад. 

Гуфта шуд, дар нимсолаи аввали соли ҷорӣ дар шаҳр 1 адад варзишгоҳ, 2 адад майдони варзишӣ ва 1 адад ҳавзи шиноварии кӯдакона сохта ба истифода дода шудааст.

Фаромӯз Бобоев, рӯзноманигор