ВАРЗИШ
Шанбе 25 Март 2023 01:24
2279
Тими мунтахаби бонувони Тоҷикистон дар гурӯҳи “А” бо дастаҳои мунтахаби бонувони Урдун, Филиппин, Баҳрайн, Ироқ ва АМА бозӣ мекунад.

Даври интихобии гурӯҳи “А” 3-12 апрел дар шаҳри Душанбе баргузор мешавад. Бозии аввали тими бонувони мо таҳти роҳбарии сармураббӣ Сулаймон Бобокалонов 3 апрел бо тими бонувони Ироқ доир мегардад.

Дар натиҷаи қуръакашии даври интихобии Ҷоми Осиё-2018 дастаҳо ба ҷор гурӯҳ тақсим шуданд – 3 гурӯҳи панҷдастаӣ, як гурӯҳи шашдастаӣ.

Дастаҳои Кореяи Ҷанубӣ, Узбекистон, Ҳонконг, Ҳиндустон ва Кореяи Шимолӣ дар гурӯҳи “В”, Тайланд, Тайбэйи Чин, Лубнон, Фаластин, Гуам дар гурӯҳи “С” ва Ветнам, Мянма, Эрон, Сурия ва Сингапур дар гурӯҳи “D” барои роҳхат ба даври финалӣ рақобат мекунанд.

Тими мунтахаби бонувони Урдун ба ҳайси мизбон дар даври финалии Ҷоми Осиё-2018 иштирок мекунад. Дар сурати дар даври интихобӣ дар гурӯҳи “А” ҷои аввалро сазовор шавад, дастае, ки ҷои дуюмро ишғол мекунад, соҳиби роҳхат мегардад.

Ба даври финалӣ ғолибони чор гурӯҳ роҳхат мегиранд. Ҳамчунин, тими Урдун ва се дастаи беҳтарини чемпионати охирини Осиё, ки соли 2014 дар Ветнам доир гашта буд, дар даври финалӣ ширкат мекунанд. Инҳо дастаҳои Ҷопон, Австралия ва Чин мебошанд.

Ҷадвали бозиҳои гурӯҳи “А”
1-ум давр
3 апрел (душанбе)

Ироқ – ТОҶИКИСТОН
Баҳрайн – Урдун
Филиппин – АМА

2-юм давр
5 апрел (чоршанбе)

Баҳрайн – ТОҶИКИСТОН
Урдун – АМА
Филиппин – Ироқ

3-юм давр
7 апрел (ҷумъа)

ТОҶИКИСТОН – Филиппин
АМА – Баҳрайн
Урдун – Ироқ

4-ум давр
10 апрел (душанбе)

ТОҶИКИСТОН – Урдун
Ироқ – АМА
Филиппин – Баҳрайн

5-ум давр
12 апрел (чоршанбе)

АМА – ТОҶИКИСТОН
Баҳрайн – Ироқ
Урдун – Филиппин

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Март 2023 c.