ВАРЗИШ
Ҷумъа 18 Октябр 2019 07:19
2441

Дастгоҳи иҷроияи Президенти Ҷумҳурии Тоҷикистон бо мақсади дар сатҳи баланди ташкилӣ таҷлил намудани ҷашни Наврӯзи байналмилалӣ, нақшаи чорабиниҳо оид ба баргузории мусобиқаҳои варзишӣ, оммавӣ ва солимгардониро дар соли 2017 тасдиқ кард.

Дар ин замина бо мусоидати иҷрокунандаи раиси шаҳри Душанбе Рустами Эмомалӣ бори нахуст мусобиқаҳои кушоди ҷумҳуриявӣ оид ба намудҳои гӯштини миллӣ, пойга (аспдавонӣ), тенниси калон ва волейбол байни ҷавондухтарон барои дарёфти Ҷоми “Пойтахт” баргузор мегардад.

Мавриди зикр аст, ки тамоми чорабиниҳо дар заминаи Фестивали бозиҳои миллии варзишӣ, ки бори нахуст дар саросари кишвар баргузор мегарданд, ба хотири эҳтиром ва арҷгузорӣ ба расму ойин, суннат, анъанаҳои миллӣ ва эҳёи бозиҳои миллии варзишӣ нигаронида шудаанд.

Тибқи ҷадвали мусобиқаҳо 20-30 март марҳилаи якуми Фестивали намудҳои миллии варзиш дар сатҳи шаҳру ноҳияҳо доир мегардад.

-    Мусобиқаҳои гӯштини миллӣ - 20-30 март дар сатҳи шаҳру навоҳӣ, 21-25 март - дар сатҳи вилоятҳо, 22 март - дар сатҳи ҷумҳурӣ (шаҳри Турсунзода);

-    20-25 март дар шаҳри Душанбе мусобиқаҳои гӯштини миллӣ, теннис, аспдавонӣ ва волейбол (духтарон) барои дарёфти Ҷоми “Пойтахт”;

-    Мусобиқа оид ба бокс - 15-20 феврал дар сатҳи шаҳру навоҳӣ, 21-25 феврал - дар сатҳи вилоятҳо ва 26 феврал – 30 март - дар сатҳи ҷумҳурӣ;

-    25-26 феврал - мусобиқаи варзиши сабук дар сатҳи шаҳру навоҳӣ ва вилоятҳо, 4-5 март дар сатҳи ҷумҳурӣ;

-     18-19 феврал - мусобиқа оид ба гӯштини юнонӣ-римӣ ва тарзи озод дар сатҳи шаҳру ноҳияҳо, 25-26 феврал - дар вилоятҳо ва шаҳри Душанбе;

-    4-5 март - Чемпионати Ҷумҳурии Тоҷикистон оид ба гӯштини тарзи озод дар шаҳри Душанбе;

-    6-7 март - Чемпионати Ҷумҳурии Тоҷикистон оид ба гӯштини юнонӣ-римӣ дар шаҳри Душанбе;

-    25-26 феврал – мусобиқа оид ба гӯштини дзюдо дар сатҳи шаҳру ноҳияҳо, 4-5 март – дар сатҳи вилоятҳо;

-    11-12 март - Чемпионати Ҷумҳурии Тоҷикистон оид ба гӯштини дзюдо дар шаҳри Душанбе;

-    13-14 март - мусобиқаи ҷумҳуриявӣ оид ба лижаронии куҳӣ барои дарёфти Ҷоми Ассотсиятсияи намудҳои зимистонаи варзиш дар ноҳияи Варзоб;

-    25-26 феврал – мусобиқа оид ба таэквандо (ВТФ) дар сатҳи шаҳру ноҳияҳои ҷумҳурӣ, 4-5 март - дар сатҳи вилоятҳо;

-    18-19 март - Чемпионати Ҷумҳурии Тоҷикистон оид ба таэквандо (ВТФ) дар шаҳри Душанбе;

-    18-19 март - мусобиқаҳои ҷумҳуриявӣ оид ба вазнбардорӣ ва дзю-до байни маъюбон (паралимпӣ) дар шаҳри Қӯрғонтеппа;

-    4-5 март - мусобиқа оид ба самбо дар сатҳи шаҳру ноҳияҳо,    11-12 март - дар сатҳи вилоятҳо;

-    23-24 март - Чемпионати Ҷумҳурии Тоҷикистон оид ба самбо дар шаҳри Душанбе;

-    11-12 март - мусобиқа оид ба вазнабардорӣ дар сатҳи шаҳру ноҳияҳо, 18-19 март дар сатҳи вилоятҳо;

-    25-26 март - Чемпионати Ҷумҳурии Тоҷикистон оид ба вазнабардорӣ дар шаҳри Душанбе;

-    18-19 март – мусобиқа оид ба гимнастикаи бадеӣ дар сатҳи вилоятҳо, 25-26 март дар сатҳи ҷумҳурӣ;

-    11-12 март - мусобиқаҳои оммавӣ-варзишӣ оид ба футбол ва волейбол дар сатҳи шаҳру ноҳияҳо, 18-19 март дар сатҳи вилоятҳо.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Октябр 2019 c.