ВАРЗИШ
Якшанбе 08 Сентябр 2024 05:56
![8801](/upload/iblock/5b4/%2B5.jpg)
Завқи Комроншоҳ ба варзиш аз замони хурдсолӣ пайдо гардида буд. Ӯ риштаи самборо бисёр меписандид ва дар роҳи тамрини ин навъи варзиш саъйи беандоза дошт. Баъдан бо мурури замон шавқу завқаш ба гӯштини ҷудо пайдо гардид, ки дар ин ришта аввалин мураббии ӯ падараш Усто Устопиров буд ва пасон бародараш Фаридун. Як муддат бо устоди варзиши сатҳи байналмилалӣ Владимир Элчанино тамрин мекард. Ҳоло бошад, бо падару бародараш машқу тамрин дорад. Онҳо барояш роҳбару роҳнамо ва роҳкушо будаю ҳастанд.
- Нахустустодам падарам Усто Устопиров аст. Маро падарам дар сесолагӣ ба қасри варзишии “Ланглиф” оварда, чанд маротиба гирди гилеми гӯштингирӣ давр занонд ва дар ҳузури дӯстон фотеҳа дод, ки ба қуллаҳои баланди варзиш шарафёб гардам, - зимни суҳбат иброз дошт Комроншоҳи Устопириён.
Комроншоҳ фаъолияти хешро дар қасри варзишии “Ланглиф” оғоз намуд ва оҳиста-оҳиста бо мурури замон дар фурсату фосилаи кӯтоҳ тавонист, ба майдонҳои бузурги ҷаҳон роҳ ёбад.
Дар аввал мардум Комроншоҳро дар мусобиқаҳои дохилӣ ва ҷашну маъракаҳо мухлисӣ мекарданд.
- Муваффақиятҳои аввалин ҳамеша дар хотири инсон бо ҳарфҳои заррин сабт мешаванд. Барои ман он замон мусобиқаи муҳим - баргузории Наврӯзи “Ланглиф” ба шумор мерафт, ки дар он паҳлавонон аз Тоҷикистон ва кишварҳои ҳамсояи Ӯзбекистону Қирғизистон низ ширкат мекарданд. Нахустин пирӯзиҳои ман дар ҳамин майдон ба даст омад ва роҳро барои ширкат дар мусобиқаҳои сатҳи баланди ҷумҳуриявӣ ва байналмилалӣ боз намуд.
РӮЗИ БУЗУРГ
16-уми апрели соли 2016 барои мардуми тоҷик ва ҳаводорони варзиш рӯзи фаромӯшнашаванда буд, чун дар ин рӯз варзишгари тоҷик ба гунае ҷаҳонро такон дод ва исбот кард, ки агар хуни тоҷик биҷӯшад, кӯҳро бо як задан талқон мекунад. Худи ҳамин рӯз Комроншоҳ мардуми Тошкентро ба ҳайрат овард.
Номи Комроншоҳ замоне вирди забонҳо гардид, ки ин паҳлавон дар вазни то 90 кг шаби 16-уми апрели соли 2016 дар Тошкент дар Чемпионати Осиё оид ба ҷудо тамоми рақибони худро бо чолокиву ҷасурияш таслими зӯри бозувони худ карда, медали тиллоро ба даст овард ва исбот намуд, ки ӯ дилхоҳ рақибро зеру забар хоҳад кард.
- Дар дафтари хотираҳоям 16 апрел соли 2016 чун рӯзу моҳу соли бузург дарҷ шудааст. Дар вазни 90 кило медали тиллои Чемпионати Осиёро дар гӯштини ҷудо ба даст оварда, унвони қаҳрамони Осиёро соҳиб гаштам. Ғолибияти маро дар Кумитаи миллии олимпии Тоҷикистон ҳамроҳ бо роҳхат ба Бозиҳои тобистонаи олимпӣ дар Рио де-Женейро таҷлил намуда буданд.
Ӯ пас аз ин пирӯзии деринтизор соли 2017 дигарбора дар мусобиқаи мазкур дар Ҳонгконг дар вазни то 90 килограм рақобат намуда, барандаи медали тилло гардид ва бори дуввум унвони қаҳрамонии Осиёро дар намуди гӯштини ҷудо ба даст овард.
Дар мусобиқаи байналмилалии ҷудо дар шаҳри Абу-Дабии Аморати Муттаҳидаи Араб бо шикаст додани се рақибаш ба марҳилаи ниҳоӣ роҳ ёфта, барои ба даст овардани нишони тилло бо ҷудокори рус Мансур Лорсанов даст ба гиребон шуд. Дар ин марҳилаи ҳассос ва тақдирсоз ҷудокори кишвари мо бо гирифтани се огоҳӣ (шидо) аз намояндаи рус Мансур Лорсанов шикаст хӯрда, ба гирифтани нишони нуқра сазовор гардид.
Комроншоҳ бо ба даст овардани нишони нуқра саҳифаи таърихи ҷудои кишварро боз ҳам дигаргун кард. Ҳамакнун дар таърихи ҷудои мамлакат ин дуюмин нишони нуқра дар мусобиқаҳои тоскулоҳи бузург маҳсуб шуд. Ӯ ҳамчун ҷудокор аз мусобиқаҳои байналмилалӣ медалҳои зиёд ба даст овардааст. Ин ҳама комёбии хешро натиҷаи заҳматҳои зиёди хеш медонад.
ОХИРСУХАН
“Ояндаи соҳаи варзиш, махсусан варзиши ҷудоро бисёр ҳам дурахшон дидан мехоҳам. Мехоҳам ситораҳои варзиши кишварамон ҳамеша дар осмон ҷилодиҳанда бошанд. Аммо барои дурахшон будан, бояд ба варзишгарон шароит фароҳам бошад. Бихоҳем, ки соҳаи варзишамон ҳамеша пешсаф бошаду муваффақиятҳо пайваста, бояд толори варзишӣ бо тамоми шароитҳо басанда бошад. Устодони ботаҷриба ба мо дарс гӯянд, то мо ҳамеша машқ кунему дар мусобиқаҳои байналмилалӣ Парчами кишвари азизамонро парафшон намоем”, – дар охир чунин изҳори андеша кард Комроншоҳи Устопириён.
ДАРИЧАИ ОШНОӢ
Комроншоҳи Устопириён 7-уми январи соли 1993 дар ноҳияи Мастчоҳи кӯҳии вилояти Суғд таваллуд шудааст. Соли 2015 факултаи тарбияи ҷисмонии Донишгоҳи давлатии Хуҷандро хатм намудааст. Шуруъ аз соли 2012 то ба имрӯз дар риштаи ҷудо машғул аст. Оиладор соҳиби ду писар мебошад.
Соли 2013 дар шаҳри Киеви Украина дар Ҷоми Аврупо ҷойи аввалро ба даст овард, дар Ҷоми Владимир Путин соли 2013 дар Хасавурт (Доғистон)- ҷойи саввум, дар Мукофоти олӣ (Гран-при) дар Алмато ҷойи саввум, дар Гран-прии Тошкент ҷойи сеюм, соли 2014 дар Ҷоми Осиё дар Тайван- ҷойи дуввум, дар 27-умин бозиҳои Осиё дар Инчхон (Кореяи ҷанубӣ, 2014)- ҷойи панҷум, дар Гран-прии Остона (соли 2014) - ҷойи якум, соли 2015 дар чемпионати Осиё дар Қувайт ҷойи саввум, соли 2015 дар Ҷоми Осиё дар Тайван ҷойи дуввум, дар чемпионати ҷаҳон дар Остона (соли 2015) ҷойи панҷум, дар Гран-прии Тошкент ҷойи дуввум, соли 2016 дар чемпионати Осиё дар Тошкент ҷойи якум. Ғолиби бисёркаратаи мусобиқаҳои бай-налмилалӣ дар риштаи самбо мебошад. Инчунин ғолиби мусобиқаи ҷаҳонии “Abu Dhabi Grand Slam-2021” миёни 223 ҷудокор аз 41 кишвари ҷаҳон аст.
- Нахустустодам падарам Усто Устопиров аст. Маро падарам дар сесолагӣ ба қасри варзишии “Ланглиф” оварда, чанд маротиба гирди гилеми гӯштингирӣ давр занонд ва дар ҳузури дӯстон фотеҳа дод, ки ба қуллаҳои баланди варзиш шарафёб гардам, - зимни суҳбат иброз дошт Комроншоҳи Устопириён.
Комроншоҳ фаъолияти хешро дар қасри варзишии “Ланглиф” оғоз намуд ва оҳиста-оҳиста бо мурури замон дар фурсату фосилаи кӯтоҳ тавонист, ба майдонҳои бузурги ҷаҳон роҳ ёбад.
Дар аввал мардум Комроншоҳро дар мусобиқаҳои дохилӣ ва ҷашну маъракаҳо мухлисӣ мекарданд.
- Муваффақиятҳои аввалин ҳамеша дар хотири инсон бо ҳарфҳои заррин сабт мешаванд. Барои ман он замон мусобиқаи муҳим - баргузории Наврӯзи “Ланглиф” ба шумор мерафт, ки дар он паҳлавонон аз Тоҷикистон ва кишварҳои ҳамсояи Ӯзбекистону Қирғизистон низ ширкат мекарданд. Нахустин пирӯзиҳои ман дар ҳамин майдон ба даст омад ва роҳро барои ширкат дар мусобиқаҳои сатҳи баланди ҷумҳуриявӣ ва байналмилалӣ боз намуд.
РӮЗИ БУЗУРГ
16-уми апрели соли 2016 барои мардуми тоҷик ва ҳаводорони варзиш рӯзи фаромӯшнашаванда буд, чун дар ин рӯз варзишгари тоҷик ба гунае ҷаҳонро такон дод ва исбот кард, ки агар хуни тоҷик биҷӯшад, кӯҳро бо як задан талқон мекунад. Худи ҳамин рӯз Комроншоҳ мардуми Тошкентро ба ҳайрат овард.
Номи Комроншоҳ замоне вирди забонҳо гардид, ки ин паҳлавон дар вазни то 90 кг шаби 16-уми апрели соли 2016 дар Тошкент дар Чемпионати Осиё оид ба ҷудо тамоми рақибони худро бо чолокиву ҷасурияш таслими зӯри бозувони худ карда, медали тиллоро ба даст овард ва исбот намуд, ки ӯ дилхоҳ рақибро зеру забар хоҳад кард.
- Дар дафтари хотираҳоям 16 апрел соли 2016 чун рӯзу моҳу соли бузург дарҷ шудааст. Дар вазни 90 кило медали тиллои Чемпионати Осиёро дар гӯштини ҷудо ба даст оварда, унвони қаҳрамони Осиёро соҳиб гаштам. Ғолибияти маро дар Кумитаи миллии олимпии Тоҷикистон ҳамроҳ бо роҳхат ба Бозиҳои тобистонаи олимпӣ дар Рио де-Женейро таҷлил намуда буданд.
Ӯ пас аз ин пирӯзии деринтизор соли 2017 дигарбора дар мусобиқаи мазкур дар Ҳонгконг дар вазни то 90 килограм рақобат намуда, барандаи медали тилло гардид ва бори дуввум унвони қаҳрамонии Осиёро дар намуди гӯштини ҷудо ба даст овард.
Дар мусобиқаи байналмилалии ҷудо дар шаҳри Абу-Дабии Аморати Муттаҳидаи Араб бо шикаст додани се рақибаш ба марҳилаи ниҳоӣ роҳ ёфта, барои ба даст овардани нишони тилло бо ҷудокори рус Мансур Лорсанов даст ба гиребон шуд. Дар ин марҳилаи ҳассос ва тақдирсоз ҷудокори кишвари мо бо гирифтани се огоҳӣ (шидо) аз намояндаи рус Мансур Лорсанов шикаст хӯрда, ба гирифтани нишони нуқра сазовор гардид.
Комроншоҳ бо ба даст овардани нишони нуқра саҳифаи таърихи ҷудои кишварро боз ҳам дигаргун кард. Ҳамакнун дар таърихи ҷудои мамлакат ин дуюмин нишони нуқра дар мусобиқаҳои тоскулоҳи бузург маҳсуб шуд. Ӯ ҳамчун ҷудокор аз мусобиқаҳои байналмилалӣ медалҳои зиёд ба даст овардааст. Ин ҳама комёбии хешро натиҷаи заҳматҳои зиёди хеш медонад.
ОХИРСУХАН
“Ояндаи соҳаи варзиш, махсусан варзиши ҷудоро бисёр ҳам дурахшон дидан мехоҳам. Мехоҳам ситораҳои варзиши кишварамон ҳамеша дар осмон ҷилодиҳанда бошанд. Аммо барои дурахшон будан, бояд ба варзишгарон шароит фароҳам бошад. Бихоҳем, ки соҳаи варзишамон ҳамеша пешсаф бошаду муваффақиятҳо пайваста, бояд толори варзишӣ бо тамоми шароитҳо басанда бошад. Устодони ботаҷриба ба мо дарс гӯянд, то мо ҳамеша машқ кунему дар мусобиқаҳои байналмилалӣ Парчами кишвари азизамонро парафшон намоем”, – дар охир чунин изҳори андеша кард Комроншоҳи Устопириён.
ДАРИЧАИ ОШНОӢ
Комроншоҳи Устопириён 7-уми январи соли 1993 дар ноҳияи Мастчоҳи кӯҳии вилояти Суғд таваллуд шудааст. Соли 2015 факултаи тарбияи ҷисмонии Донишгоҳи давлатии Хуҷандро хатм намудааст. Шуруъ аз соли 2012 то ба имрӯз дар риштаи ҷудо машғул аст. Оиладор соҳиби ду писар мебошад.
Соли 2013 дар шаҳри Киеви Украина дар Ҷоми Аврупо ҷойи аввалро ба даст овард, дар Ҷоми Владимир Путин соли 2013 дар Хасавурт (Доғистон)- ҷойи саввум, дар Мукофоти олӣ (Гран-при) дар Алмато ҷойи саввум, дар Гран-прии Тошкент ҷойи сеюм, соли 2014 дар Ҷоми Осиё дар Тайван- ҷойи дуввум, дар 27-умин бозиҳои Осиё дар Инчхон (Кореяи ҷанубӣ, 2014)- ҷойи панҷум, дар Гран-прии Остона (соли 2014) - ҷойи якум, соли 2015 дар чемпионати Осиё дар Қувайт ҷойи саввум, соли 2015 дар Ҷоми Осиё дар Тайван ҷойи дуввум, дар чемпионати ҷаҳон дар Остона (соли 2015) ҷойи панҷум, дар Гран-прии Тошкент ҷойи дуввум, соли 2016 дар чемпионати Осиё дар Тошкент ҷойи якум. Ғолиби бисёркаратаи мусобиқаҳои бай-налмилалӣ дар риштаи самбо мебошад. Инчунин ғолиби мусобиқаи ҷаҳонии “Abu Dhabi Grand Slam-2021” миёни 223 ҷудокор аз 41 кишвари ҷаҳон аст.
Эзоҳи худро нависед