Бо иқдоми бахши ҷавонон, варзиш ва сайёҳии ноҳяи Бохтар барои ба камол расидани насли солим ва ҷалби васеи ҷавондухтарон ба варзиш аз рӯйи намуди гимнастикаи бадеӣ дар назди Муассисаи давлатии мактаби варзишӣ гурӯҳи гимнастикон таъсис дода шуд.

Дар ин гурӯҳ 90 нафар ҷавондухтарони ноҳия ҷалб шуданд, ки ба онҳо мураббии шоистаи Ҷумҳурии Тоҷикистон Маҳмадсодиқ Маҳмадалиев дар толори замонавии "Истиклол"-и ноҳия нозукиҳои ин варзишро меомузонад.

Парвиз Азимов, мудири бахши ҷавонон, варзиш ва сайёҳии ноҳия иброз дошт, ки фароҳам овардани чунин шароит барои насли наврас бори дигар аз ғамхориҳои Ҳукумати кишвар гувоҳӣ медиҳад.

Маҳмадсодиқ Маҳмадалиев, қайд кард, ки мақсад аз таъсисдодани гурӯҳи гимнастикаи бадеӣ, пайдо намудани наврасону ҷавондухтарони бо истеъдод мебошад: “Кӯшиш дорем, ки  ҷавондухтарони рустоиро бештар ба ин намуди варзиш ҷалб кунем, зеро дар миёни духтарони деҳот боистеъдодҳо зиёд аст”.

Умед Мирзоев, "ҶТ"