Флойд Мейвезер собиқ қаҳрамони ҷаҳон дар панҷ категорияҳои вазнӣ, ки бо лақаби “Ҷаноби пул” шуҳрат дорад, пас аз чанде бознишаста шудан дигарбора ба майдони бакс бармегардад. Ин дафъа ӯро дар майдон ҳамватанаш Виктор Ортиси беҳамто интизор аст.

Рақобати намоишии муштзанон 24-уми август дар маҷмааи “Пласа де Торос Мехико” доир мешавад.

Ёдовар мешавем, ки Мейвезер соли 2017 хатми маснади варзишӣ намуда буд. Ҳамагӣ дар ҳисоби ӯ 50 муҳориба (27 – тариқи нокаут) ва сифр бохт аст. Дар масири 21 соли баромади хеш муштзани амрикоӣ 24 рақобат баҳри ҷоизаҳои ҷаҳонӣ гузаронида, ҳамчунин зидди 24 қаҳрамони феълӣ ва собиқи ҷаҳон пирӯз шудааст.

Яҳё МАҲМАДНАБИЕВ, “ҶТ”