ВАРЗИШ
Якшанбе 08 Сентябр 2024 04:54
![7778](/upload/iblock/440/Untitled-1.jpg)
Дар ҷаҳон садҳо намуди варзиш маъмулу машҳур аст, ки имрӯз ҳаводорону мухлисони сершумори худро доранд. Яке аз чунин намудҳои варзиши машҳуре, ки дар олами варзиш мавқеи калидиро касб кардааст, ин гӯштини тарзи дзю-до ё ҷудо мебошад.
Хеле хуб аст, ки дар Тоҷикистон низ аз ибтидои соҳибистиқлолӣ ба ин навъи варзиш таваҷҷуҳи махсус зоҳир гардида, варзишгарони зиёде дар ин ришта равонаанду бо маҳорати варзишии худ миллату давлатро дар арсаи ҷаҳонӣ муаррифӣ намуда истодаанд. Яке аз намояндагони ин риштаи варзиш дар кишвар, ки ҳамеша дар мусобиқаҳои сатҳи ҷаҳонӣ номбардори меҳан аст, Темур Раҳимов мебошад. Дар зимн бо Темур Раҳимов дорандаи медали биринҷии қаҳрамонии ҷаҳон, дорандаи медали нуқраи мусобиқаи Гран-прии шаҳри Марокка, ҷоизадори Чемпионати Осиё – Fujaira-и Аморати Муттаҳидаи Араб ва ғолиби зинаи панҷуми мусобиқаи “Doha Masters 2021”-и шаҳри Доҳаи Қатар суҳбат намудем.
- Аввало шуморо барои ишғоли мақоми панҷум дар сабқати ҷудокорони бонуфузи ҷаҳонӣ табрик мегӯем. Лутфан, сабаби риштаи ҷудоро интихоб намуданатонро шарҳ медодед.
- Ташаккури зиёд. Ба андешаи ман ҳар нафаре, ки дар кори худ муваффақ аст ва бо завқ пайи иҷрои мақсадҳояш равона мебошад, аз хурдӣ ба он шуғл варзидаасту онро омӯхтааст. Ман низ дар оилаи варзишгар ба дунё омадаам. Бобоям Рустам Абдураҳмонов, падарам Бахтиёр Раҳимов ва тағоҳоям замоне майдондор буданду ба гӯштин бисёр шавқи баланд доштанд. Ҳатто аз замоне, ки худро дар ёд дорам, бобоям ҳамеша маро бо худ ба мусобиқаҳои гӯштингирӣ мебурд ва қариб дар ҳама мусобиқаҳо, ҳатто ба синну сол нигоҳ накарда, маро бо нафаре гӯштин меандохт. Аз 9-солагӣ аллакай ба машқ сар карда будам. Шояд ана ҳамон завқи кӯдакиву мероси хонаводагӣ маро ба роҳи гӯштин бурд.
- Яъне нозукиҳои гӯштинро дар оила омӯхтед?
- Оила фақат завқи варзишгар шуданро дар ман бедор кард. Устоди аввалини ман дар ин самт мураббии шоистаи Ҷумҳурии Тоҷикистон шодравон Худойназар Боқиев буд. Маҳз бо омӯзиши мактаби ҷасорати ӯ ба ин ҳама қуллаҳо расидам. Ҳамчунин, Суҳроб Абдураҳмонов, мураббии шоистаи ҷумҳурӣ низ устоди ман аст, ки бисёре аз нозукиҳои ин риштаро бароям омӯзондааст ва айни замон пешаш тамринҳои худро идома дода истодаам. Яъне шахс дилхоҳ роҳеро, ки интихоб менамояд, бе устод буда наметавонад. Дар баробари ин устодони дигаре низ ҳастанд, ки аз таҷрибаҳои худ маро огоҳ намудаву ҷузъиёти ин риштаро омӯзондаанд. Дар умум аз ҳамаашон миннатдорам ва бо онҳо ифтихор менамоям.
- Аз аввалин мусобиқаи иштирокнамудаатон чӣ хотироте доред?
- Соли 2009 бори аввал дар мусобиқаҳои расмӣ иштирок намудам. Он замон ҳамагӣ 12 сол доштам ва дар вазни +46 кг дар мусобиқаи кушоди шаҳрӣ, ки дар шаҳри Душанбе баргузор гардида буд, баромад намудам. Ростӣ, ҳарифонамро он қадар хуб дар хотир надорам, аммо ҷойи дуюм гирифтанам бароям хотирмон буд.
- То имрӯз дар кадом мусобиқаҳои байналмилалӣ иштирок намудед?
- Аз соли 2013 иштирок дар мусобиқаҳои байналмилалиро оғоз намудаам. Аввалин маротиба дар мусобиқаи байналмилалии Ҷоми “Вастан”, ки дар шаҳри Душанбе баргузор гардида буд, дар вазни 90 кг иштирок намуда, сазовори ҷойи аввал шудам. Натиҷаи мусобиқаҳои минбаъдаам чунинанд:
- соли 2014, Ҷоми Аврупо дар шаҳри Туркия, аз рӯи вазни +90 - ҷойи 3.
- соли 2014, Ҷоми Тверр дар ФР соҳиби-ҷойи 1.
- соли 2014, Ҷоми Осиё дар шаҳри Чирчих-ҷойи 1.
- соли 2014, мусобиқаи байналмилалӣ дар шаҳри Иркутск - ҷойи 1.
- соли 2014, мусобиқаи қаҳрамонии Осиё- ҷойи 2
- соли 2016, Ҷоми Осиё дар шаҳри Чирчиқ-ҷойи 1.
- соли 2017, Ҷоми Осиё дар шаҳри Чирчиқ дар вазни 100 кг-ҷойи 1.
- соли 2017, мусобиқаи қаҳрамонии Осиё дар Бишкек - ҷойи 2.
- соли 2017, Чемпионати ҷаҳон дар шаҳри Хорватия-ҷойи 3.
- соли 2018, Ҷоми Президенти Ӯзбекистон дар вазни +100кг - ҷойи 1.
- соли 2019, мусобиқаи Гран-при дар шаҳри Марокка - ҷойи 3.
- соли 2019, Чемпионати Осиё - Fujaira дар Аморати Муттаҳидаи Араб-ҷойи 2.
- соли 2021, мусобиқаи “Doha Masters 2021” дар шаҳри Доҳаи Қатар-ҷойи 5.
- Ғайр аз гӯштин боз ягон шуғли дигар доред?
- Албатта. Бузургонамон беҳуда нагуфтаанд, ки ба як мард чил ҳунар кам аст. Ман низ дар баробари ба варзиш машғул шудан, боз ба кори қассобӣ ҳам машғул мешавам. Ҳамчунин соли 2018 Донишкадаи тарбияи ҷисмонии Тоҷикистон ба номи Саидмумин Раҳимовро бо тахассуси “сайёҳии кӯҳӣ” хатм намудам.
- Оё нафаре ҳаст, ки дар олами варзиш ба он пайравӣ карда бошед?
- Аз хурдӣ ҳунарнамоии паҳлавони фаронсавӣ Теди Ринерро тамошо мекунам. Ӯро шоҳи ҷудо низ ном мебаранд. Дар маҳорати гӯштингириаш қоилам. Аммо то ҳол на ба ӯ ва на ба каси дигаре пайравӣ накардаам. Мехоҳам худам бошам. Вале ба нафароне, ки дунё эътирофашон мекунад, эҳтиром мегузорам.
- Усули дӯстдоштае, ки бештари ғалабаҳоятонро маҳз тавассути он ба даст овардаед, кадом аст?
- Ҳар як варзишгар дар дилхоҳ соҳаи интихобнамудааш усули худро дорад. Аз ҳама усули писандидаи ман “Утиматта” аст, ки дар забони тоҷикӣ онро “ҳалуки байни пой” ном мебаранд. Бештари пирӯзиҳоямро бо истифода аз ин усул ба даст овардаам.
- Нақшаҳои шумо дар оянда?
- Нияти нек ними давлат гуфтаанд. Аввалин мақсаде, ки барои оянда гузоштаам, ин медали тиллои Бозиҳои олимпиро ба даст овардан ва парчами Тоҷикистони азизамро миёни оламиён муаррифӣ кардан аст. Ҳарчанд ки соли гузашта бар асари вазъияти баамаломадаи ҷаҳонии вируси COVID-19 бисёре аз мусобиқаҳо баргузор нагардиданд ва имкони иштирок дар мусобиқаҳо набуд, вале ман тамринҳои ҳамешагии худро қатъ накардам ва барои мусобиқаҳои минбаъда танҳо бо як мақсад- пирӯзӣ умед бастаам.
Мусоҳиб
Қиёмиддин
МАҲМАДҶОНОВ, “ҶТ”
Хеле хуб аст, ки дар Тоҷикистон низ аз ибтидои соҳибистиқлолӣ ба ин навъи варзиш таваҷҷуҳи махсус зоҳир гардида, варзишгарони зиёде дар ин ришта равонаанду бо маҳорати варзишии худ миллату давлатро дар арсаи ҷаҳонӣ муаррифӣ намуда истодаанд. Яке аз намояндагони ин риштаи варзиш дар кишвар, ки ҳамеша дар мусобиқаҳои сатҳи ҷаҳонӣ номбардори меҳан аст, Темур Раҳимов мебошад. Дар зимн бо Темур Раҳимов дорандаи медали биринҷии қаҳрамонии ҷаҳон, дорандаи медали нуқраи мусобиқаи Гран-прии шаҳри Марокка, ҷоизадори Чемпионати Осиё – Fujaira-и Аморати Муттаҳидаи Араб ва ғолиби зинаи панҷуми мусобиқаи “Doha Masters 2021”-и шаҳри Доҳаи Қатар суҳбат намудем.
- Аввало шуморо барои ишғоли мақоми панҷум дар сабқати ҷудокорони бонуфузи ҷаҳонӣ табрик мегӯем. Лутфан, сабаби риштаи ҷудоро интихоб намуданатонро шарҳ медодед.
- Ташаккури зиёд. Ба андешаи ман ҳар нафаре, ки дар кори худ муваффақ аст ва бо завқ пайи иҷрои мақсадҳояш равона мебошад, аз хурдӣ ба он шуғл варзидаасту онро омӯхтааст. Ман низ дар оилаи варзишгар ба дунё омадаам. Бобоям Рустам Абдураҳмонов, падарам Бахтиёр Раҳимов ва тағоҳоям замоне майдондор буданду ба гӯштин бисёр шавқи баланд доштанд. Ҳатто аз замоне, ки худро дар ёд дорам, бобоям ҳамеша маро бо худ ба мусобиқаҳои гӯштингирӣ мебурд ва қариб дар ҳама мусобиқаҳо, ҳатто ба синну сол нигоҳ накарда, маро бо нафаре гӯштин меандохт. Аз 9-солагӣ аллакай ба машқ сар карда будам. Шояд ана ҳамон завқи кӯдакиву мероси хонаводагӣ маро ба роҳи гӯштин бурд.
- Яъне нозукиҳои гӯштинро дар оила омӯхтед?
- Оила фақат завқи варзишгар шуданро дар ман бедор кард. Устоди аввалини ман дар ин самт мураббии шоистаи Ҷумҳурии Тоҷикистон шодравон Худойназар Боқиев буд. Маҳз бо омӯзиши мактаби ҷасорати ӯ ба ин ҳама қуллаҳо расидам. Ҳамчунин, Суҳроб Абдураҳмонов, мураббии шоистаи ҷумҳурӣ низ устоди ман аст, ки бисёре аз нозукиҳои ин риштаро бароям омӯзондааст ва айни замон пешаш тамринҳои худро идома дода истодаам. Яъне шахс дилхоҳ роҳеро, ки интихоб менамояд, бе устод буда наметавонад. Дар баробари ин устодони дигаре низ ҳастанд, ки аз таҷрибаҳои худ маро огоҳ намудаву ҷузъиёти ин риштаро омӯзондаанд. Дар умум аз ҳамаашон миннатдорам ва бо онҳо ифтихор менамоям.
- Аз аввалин мусобиқаи иштирокнамудаатон чӣ хотироте доред?
- Соли 2009 бори аввал дар мусобиқаҳои расмӣ иштирок намудам. Он замон ҳамагӣ 12 сол доштам ва дар вазни +46 кг дар мусобиқаи кушоди шаҳрӣ, ки дар шаҳри Душанбе баргузор гардида буд, баромад намудам. Ростӣ, ҳарифонамро он қадар хуб дар хотир надорам, аммо ҷойи дуюм гирифтанам бароям хотирмон буд.
- То имрӯз дар кадом мусобиқаҳои байналмилалӣ иштирок намудед?
- Аз соли 2013 иштирок дар мусобиқаҳои байналмилалиро оғоз намудаам. Аввалин маротиба дар мусобиқаи байналмилалии Ҷоми “Вастан”, ки дар шаҳри Душанбе баргузор гардида буд, дар вазни 90 кг иштирок намуда, сазовори ҷойи аввал шудам. Натиҷаи мусобиқаҳои минбаъдаам чунинанд:
- соли 2014, Ҷоми Аврупо дар шаҳри Туркия, аз рӯи вазни +90 - ҷойи 3.
- соли 2014, Ҷоми Тверр дар ФР соҳиби-ҷойи 1.
- соли 2014, Ҷоми Осиё дар шаҳри Чирчих-ҷойи 1.
- соли 2014, мусобиқаи байналмилалӣ дар шаҳри Иркутск - ҷойи 1.
- соли 2014, мусобиқаи қаҳрамонии Осиё- ҷойи 2
- соли 2016, Ҷоми Осиё дар шаҳри Чирчиқ-ҷойи 1.
- соли 2017, Ҷоми Осиё дар шаҳри Чирчиқ дар вазни 100 кг-ҷойи 1.
- соли 2017, мусобиқаи қаҳрамонии Осиё дар Бишкек - ҷойи 2.
- соли 2017, Чемпионати ҷаҳон дар шаҳри Хорватия-ҷойи 3.
- соли 2018, Ҷоми Президенти Ӯзбекистон дар вазни +100кг - ҷойи 1.
- соли 2019, мусобиқаи Гран-при дар шаҳри Марокка - ҷойи 3.
- соли 2019, Чемпионати Осиё - Fujaira дар Аморати Муттаҳидаи Араб-ҷойи 2.
- соли 2021, мусобиқаи “Doha Masters 2021” дар шаҳри Доҳаи Қатар-ҷойи 5.
- Ғайр аз гӯштин боз ягон шуғли дигар доред?
- Албатта. Бузургонамон беҳуда нагуфтаанд, ки ба як мард чил ҳунар кам аст. Ман низ дар баробари ба варзиш машғул шудан, боз ба кори қассобӣ ҳам машғул мешавам. Ҳамчунин соли 2018 Донишкадаи тарбияи ҷисмонии Тоҷикистон ба номи Саидмумин Раҳимовро бо тахассуси “сайёҳии кӯҳӣ” хатм намудам.
- Оё нафаре ҳаст, ки дар олами варзиш ба он пайравӣ карда бошед?
- Аз хурдӣ ҳунарнамоии паҳлавони фаронсавӣ Теди Ринерро тамошо мекунам. Ӯро шоҳи ҷудо низ ном мебаранд. Дар маҳорати гӯштингириаш қоилам. Аммо то ҳол на ба ӯ ва на ба каси дигаре пайравӣ накардаам. Мехоҳам худам бошам. Вале ба нафароне, ки дунё эътирофашон мекунад, эҳтиром мегузорам.
- Усули дӯстдоштае, ки бештари ғалабаҳоятонро маҳз тавассути он ба даст овардаед, кадом аст?
- Ҳар як варзишгар дар дилхоҳ соҳаи интихобнамудааш усули худро дорад. Аз ҳама усули писандидаи ман “Утиматта” аст, ки дар забони тоҷикӣ онро “ҳалуки байни пой” ном мебаранд. Бештари пирӯзиҳоямро бо истифода аз ин усул ба даст овардаам.
- Нақшаҳои шумо дар оянда?
- Нияти нек ними давлат гуфтаанд. Аввалин мақсаде, ки барои оянда гузоштаам, ин медали тиллои Бозиҳои олимпиро ба даст овардан ва парчами Тоҷикистони азизамро миёни оламиён муаррифӣ кардан аст. Ҳарчанд ки соли гузашта бар асари вазъияти баамаломадаи ҷаҳонии вируси COVID-19 бисёре аз мусобиқаҳо баргузор нагардиданд ва имкони иштирок дар мусобиқаҳо набуд, вале ман тамринҳои ҳамешагии худро қатъ накардам ва барои мусобиқаҳои минбаъда танҳо бо як мақсад- пирӯзӣ умед бастаам.
Мусоҳиб
Қиёмиддин
МАҲМАДҶОНОВ, “ҶТ”
Эзоҳи худро нависед