ВАРЗИШ
Шанбе 22 Сентябр 2018 08:55
4128
Маротибаи аввал дар таърихи соҳибистиқлолии кишвар мусобиқаи байналмилалии пойгаи аспдавонӣ баргузор гардид.

Дар он 87 сар аспҳои зоти тоҷикиву англисӣ ва ахалтекини синну солашон аз 2 сола то 4 сола дар даҳ марҳила дар масофаи аз 1000 то 2000 метр барои дарёфти ҷоми “Пойтахт – 2018” миёни ҳам рақобат намуданд.

Дар марҳилаи ҳаштум 8 сар аспҳои 3 солаи зоти англисӣ дар масофаи 1600 метр миёни ҳам сабқат намуда, ҷойи якумро асп бо рақами 1, рангаш туруқ, лақабаш Шерхан-Дарк аз шаҳри Душанбе, чобуксавораш Саломов Фирдавс дар 1 дақиқаву 40 сония ба даст овард. Зинаи дуюм асп бо рақами 6, рангаш туруқ, лақабаш Роҷеъ аз Ҷумҳурии Қирғизистон, чобуксавораш Бурғанакова Назик дар 1 дақиқаву 42 сония ва мақоми сеюм асп бо рақами 8 рангаш туруқ, лақабаш Веспойт-Шер аз Ҷумҳурии Ӯзбекистон, чобуксавораш Акрамов Қоилҷон дар 1 дақиқаву 47 сония соҳиб гардиданд.

Дар марҳилаи даҳум 11 сар аспҳои 4 солаи зоти англисӣ дар масофаи 2000 метр миёни ҳам сабқат намуда, зинаи аввалро асп бо рақами 1, рангаш туруқ, лақабаш Рахш аз шаҳри Душанбе, чобуксавораш Саломов Фирдавс дар 2 дақиқаву 04 сония ишғол намуда, соҳиби шоҳҷоизаи ҷоми “Пойтахт – 2018” шуд. Мақоми дуюм асп бо рақами 3, рангаш туруқ, лақабаш Лаъл аз шаҳри Душанбе, чобуксавораш Салоҳиддинов Юра дар 2 дақиқаву 06 сония ва ҷойи сеюмро асп бо рақами 2 рангаш ҷеран, лақабаш Шарқ аз шаҳри Душанбе, чобуксавораш Арбобов Бахтовар дар 2 дақиқаву 07 сония соҳиб шуданд.

Мусобиқаи мазкур бо ибтикори Мақомоти иҷроияи ҳокимияти маҳаллии шаҳри Душанбе дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба ҷашни Наврӯз, дар Муассисаи давлатии “Наврӯзгоҳ”-и шаҳри Душанбе баргузор гардид.

Дар баробари човандозонитоҷик чобуксаворон аз ҷумҳуриҳои Қирғизистон ва Узбеккистон иштирок намуданд.

Ғолибон бо маблағҳои пулӣ, диплом, медал, ҷом ва автомашинаи сабукрав сарфароз гардонида шуданд.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Сентябр 2018 c.