ВАРЗИШ
Ҷумъа 29 Март 2024 10:07
Ё 40 ҳарфи ногуфтаи Дилшод Назаров ба 40 пурсиши “Ҷавонон...”
Дилшод Назаров. Ин ному нафар ба хурду бузурги Тоҷикистон ошност. Зеро ӯ тавонист, ки бо ҷаҳду талоши хастанопазир ва бо шиори ягонааш – “ту метавонӣ” ба кишвар нахустин медали тиллои Бозиҳои олимпиро биёраду ҳамсони номаш ҳамагиро дилшод созад. Номи ӯ дар таърихи варзиши меҳан ба таври ҳамешагӣ бо ҳарфҳои тиллоӣ сабт шудааст. Дилшод Назаров - муваффақтарин парчамбардори меҳан 40-сола шуд ва ба ин муносибат мо рафтем суроғаш то аз шебу фарози 40 соли ҳаёташ пурсон шавем.
ПАРТОБИ ҚИСМАТ
1. - Мегӯянд шумо зодрӯзи худро ҷашн намегиред, оё ҳақиқат дорад?
- Ҷашн мегирам, аммо танҳо бо хонавода. Бошукӯҳ таҷлил кардани зодрӯзро дӯст намедорам. Вале чун ҳамагон табрикот қабул кардану шунидан бароям писанд аст.
2. - Падарро чӣ гуна аз даст додед?
- Падарам варзишгар буданд ва дар солҳои ҷанги шаҳрвандӣ корманди Коллеҷи ҳарбӣ шуданд. Чун командири рота буданд, бо сарбозон ба ноҳияи Тавилдара фиристонида шуда, он ҷо кушта мешаванд. Аз он рӯз дигар ман танҳо бо як фикру ҳадаф будам, ки падарамро ба орзуяшон расонаму соҳиби медали Бозиҳои олимпӣ гардам.
3. - Ҷое гуфтаед, ки дар айёми мактабӣ дарсгурезӣ низ кардаед. Ба таҳсил майл надоштед?
- Ман танҳо як бор дасргурезӣ кардаам, он ҳам ба хотири рафтан ба машқ. Зеро зиёд варзишро дӯст медоштам ва мехостам зудтар ба машқ ҳозир шавам. Аммо дар дигар дарсҳо ҳатман иштирок карда, супоришҳои муаллимонро иҷро менамудам.
4. - Чӣ водоратон сохт то варзишгар бошед?
- Ман дар оилаи варзишгар ба дунё омадаам ва табиист, ки ин бароям бетаъсир набуд. Аммо маро ба ин намуди варзиш қаҳрамони Бозиҳои олимпӣ гардидани Андрей Абдувалиев овард. Яке аз наздикони ин варзишгар дӯсти ман буд ва мо зиёд атрофи ӯ суҳбат мекардем. Ҳамин тавр, ман низ азм кардам, ки чун Андрей Абдувалиев маҳз аз намуди варзиши гурзандозӣ қаҳрамони Бозиҳои олимпӣ гардам.
5. - Барои дохил шудан ба Донишкадаи тарбияи ҷисмонӣ кӣ роҳнамоятон буд?
- Ман ҳанӯз аз давраи мактабӣ дар ин донишкада тамрин мекардам. Аз ин рӯ, баъд аз хатми мактаб барои дохил шудан ба дигар донишгоҳ ҳатто фикр ҳам накарда, донишҷӯи Донишкадаи тарбияи ҷисмонии Тоҷикистон ба номи С. Раҳимов шудам.
6. - Шумо баъдан Донишкадаи тиҷоратии Тоҷикистонро низ хатм кардаед. Хостед тоҷир низ бошед?
- На. Ман он ҷо ба факултаи муносибатҳои иқтисодии байналмилалӣ дохил шудам. Зеро ба андешаи ман як варзишгар бояд донандаи муносибатҳои байналмилалӣ низ бошад.
7. - Оғози машғул шудан ба гурзандозӣ мушкилот дошт?
- Ман тамринро дар солҳои бесарусомонии ҷанги шаҳрвандӣ оғоз кардаам. Барои ҳамаи мо маълум аст, ки он солҳо ҳама соҳаҳо пур аз мушкилот буд. Он таҷҳизотҳои варзишие, ки Андрей Абдувалиев тамрин менамуд, аллакай кӯҳна шуда буданд. Аммо ман онҳоро аз нав таъмир карда, бо вуҷуди ҳар шароит ба машқи худ идома медодам.
8. - Модарро муррабии худ мешуморед. Заҳмату машаққатҳои шуморо тоб меовард?
- Модарам чун худ муаллима буданду дар Донишкадаи тарбияи ҷисмонӣ дарс мегуфтанд, дарк мекарданд, ки варзишгар бояд аз танбалӣ дур бошаду пайваста тамрин кунад. Ман вақте ба машқ шуруъ кардам, хурд будам ва зиёд хаста мешудам. Аммо модарам зуд-зуд ба ман таъкид мекард, ки бояд аз рӯи реҷаи муайян кор кунаму зиёд тамрин намоям. Ҳамчунин ҳамеша бароям бовар медоданд, ки ин заҳматҳо ҳатман натиҷа хоҳад дод.
9. - Нахустмусобиқаи байналмилалии шумо кай буд ва бо чӣ анҷом ёфт?
- Аввалин мусобиқаи байналмилалие, ки ман иштирок кардам, ин соли 1996 Чепионати Осиё миёни ҷавонон дар кишвари Ҳиндустон буд. Ҳарчанд ин мусобиқаам бо бохт анҷом ёфт, аммо роҳи маро ба чунин мусобиқот кушод.
10. - Аввалин медалро кӣ ба гардани шумо овехта буд?
- Аввалин медале, ки ман ба даст овардам, аз намуди варзиши басткетбол буд. Вақте дар синфи 7 ё 8 таҳсил мекардам, мусобиқаи ҷумҳуриявӣ миёни наврасон аз рӯи намуди варзиши баскетбол доир гардид ва дастаи мактаби мо, ки ман низ яке аз аъзоёнаш будам, сазовори зинаи аввал шуд. Аммо, мутаассифона овезандаи медалро ёд надорам.
11. - Давр занонидани гурз дар майдонҳои кишварҳои хориҷ дар вуҷуди шумо чӣ эҳсосро мечархонд?
- Дар нахустмусобиқаам маро эҳсоси тарс фаро гирифта буд. Аммо дар чунин мусобиқаҳои баъдӣ вуҷуди маро эҳсоси шуҷоату ҷасорат фаро мегирифт ва мехостам оварандаи як медал бошам барои ватанам. Ин буд, ки дар соли 1997 шурӯъ кардам ба гирифтани медалҳои мусобиқоти байналмилалӣ.
12. - Соли 2014 шумо мақомдор шудед ва муовини раиси Кумитаи кор бо ҷавонон ва варзиш таъйин гардидед. Ин ба зиндагӣ ва ҳадафу мақсадҳои шумо чӣ тағйирот овард?
- Ростӣ, ин вазифа барои ман туҳфаи ногаҳонӣ буд. Маро бештар аз гирифтани ин мақом эътимоду боварии Сарвари давлат хушҳолу сарбаланд сохт. Яъне ман эҳсос кардам, ки танҳо як варзишгар нестам ва метавонам болои ин соҳа роҳбар низ бошам. Боварии Пешвои миллат нисбат ба ман водорам сохт, ки бештар талош кунам, то ба он сазовор бошам. Ин буд, ки дар соли 2015 аз Чемпионати ҷаҳон медал ба даст оварда, соли 2016 қаҳрамони Бозиҳои олимпӣ гардидам.
13. - Президенти кишвар ҳангоми супоридани ин вазифа ба шумо таъкиде намуданд?
- Бале. Гуфтанд, ки ман туро ба он хотир ба ин вазифа интихоб намудам, ки барои дигар ҷавонон намунаи ибрат бошӣ. Ҷавон ҳастӣ, пас хуб кор куну соҳиби медалҳои аз ин ҳам зиёдтар шав.
ПАРТОБИ “ТИЛЛОӢ”
14. - 20 августи соли 2016. Ин санаро дар рӯзгоратон чӣ гуна унвон додаед?
- Бароям санаи тиллоӣ аст. Зеро ин сана маро ба орзуи деринаам расонд.
15. - Таҳниятгӯяндаи аввалин аз Тоҷикистон барои ба даст овардани медали тиллои Бозиҳои олимпӣ кӣ буд?
- Аввалин нафаре, ки маро шодбош гуфтанд, ин Сарвари давлат буданд. Баъдан намояндагони дигари ҳукумат низ муборакбод гуфтанд.
16. - Аз табрикоти Пешвои миллат кадом ҷумла бештар бароятон нерубахш ва сарфарозкунанда буд?
- Ростӣ ҳамаашон.
17. - Ҳангоми боло кардани Парчами ватан дар либосатон акси падаратон буд. Чаро?
- Рӯзи ба даври ниҳоӣ баромаданам буд ва вақте ки аз меҳмонхона берун мешудем, мураббиам ба ман гуфт, ки бароям ҳадяе дорад. Ӯ аз ҷузвдонаш пироҳанеро берун кард, ки акси падарамро дошт. Ман ҳайрон шудам, чун воқеан ин туҳфаро интизор надоштам. Хеле бароям таъсир кард ва бо як эътимод гуфтам, ки ман ҳоло медали тиллоро ба даст меорам ва ҳамин либосро мепӯшам. Хушбахтона, чунин ҳам шуд.
18. - Варзишгарон мегӯянд, эҳсоси хуби баланд бардоштани Парчами миллӣ ногуфтанист. Шумо бо чӣ онро баён мекунед?
- Барои ман низ воқеан ногуфтанист. Вале ҳамон лаҳза ман низ чун дигар варзишгарон фарёди шодӣ мезанам.
19. - Шумо аввалин варзишгаред, ки ба Тоҷикистон медали тиллои Бозиҳои олимпиро овардед. Ба ин мақом соҳиб шудани шумо сабаби хосе дорад?
- Сабаб танҳо дар эътимод доштани Сарвари давлат ва халқ ба ман буд. Ҳамчунин дар тамринҳои зиёд ва пайваста. Ман барои ин медал 23 сол машқ кардам.
20. - Қаҳрамони Бозиҳои олимпӣ гардидан пеш аз ҳама ба шумо чӣ дод?
- Пеш аз ҳама ба ман имкон дод, то ба варзишгарон собит кунам, ки мо метавонем. Зеро аксари мо фикр мекунем, медалдорони Бозиҳои олимпӣ танҳо аз кишварҳои бузурги Аврупо хоҳад буд. Вале ман тавонистам собит кунам, ки тоҷикон низ бонерую тавонманданд.
21. - Шумо баъди ҷоизадори Бозиҳои олимпӣ шудан, ба унвони Шаҳрванди ифтихории шаҳри Душанбе сазовор шудед. Ин унвон бароятон чӣ гуна масъулият медиҳад?
- Масъулияти он, ки шаҳрванди хуб ва бо риояи кулли одоби шаҳрнишинӣ буда, ба дигар аҳолии пойтахт намунаи ибрат бошам.
22. - Пажӯҳишгоҳи исломии Уммон исми Шуморо дар феҳристи “500 мусулмони таъсиргузор барои соли 2017” шомил кард. Ба ин рӯйхат номатон чӣ гуна расид?
- Ростӣ, аз ҷараёни ин худам бехабар будам. Ман худ ин хабарро аз рӯзнома хондам. Вақте номи худро дар ин феҳрист дидам, бисёр ҳайрон шудам. Яъне, ин ҳам бароям туҳфаи ногаҳонӣ буд.
ПАРТОБИ АНДЕША
23. - Барои музаффар шудани як варзишгар чӣ аз ҳама муҳим аст?
- Қаблан хоҳиш ва баъдан тамринҳои зиёд.
24. - Дар муваффақияти шумо асроре ниҳон аст?
- Не. Маро ба комёбиҳоям боварӣ ба худ ва талошу кӯшишҳоям расонд.
25. - Ҳаст ҳолате, ки эътимодро ба худ аз даст медиҳед?
- Бале. Аммо кӯшиш мекунам, зуд аз ин ҳолат худро берун кунам ва пайваста барои худ такрор мекунам: ту метавонӣ.
26. - Баъди ҳар ғолибияти худ ашк мерезед?
- Танҳо баъди ба даст овардани медали тиллои Бозиҳои олимпӣ гиристам.
27. - Ҳолати мушкилтарини фаъолияти варзишиатон кадом аст?
- Соли 2002 дар яке аз мусобиқаҳое, ки дар Корея баргузор шуд, иштирок намудам, вале бе натиҷа. Баъд аз ин эътимоди ҳамагон нисбат ба ман гум шуд ва мегуфтанд, ки ту дигар натиҷа ба даст оварда наметавонӣ. Ин ҳолат бароям бис-ёр таъсир кард ва худ низ бовариро гум кардам. Аммо фикр кардам ва гуфтам, ки ин ҳама машқҳои чандсоларо барои як бохт набояд фаромӯш кард. Ман бояд ба касоне, ки ба ман бовар надоранд, исбот кунам, ки метавонам. Ҳамин тавр, бо кӯшишҳои зиёд худро дубора барқарор кардам.
28. - Чӣ гуна аз вартаи бӯҳтон ва шикастдоданҳои бадхоҳон дар соли 2020 худро раҳонидед?
- Бароям мушкил буд. Зиёд талош кардам, ки ба туҳмат гирифтор будани худро собит кунам. Ҳарчанд хаттӣ барои онҳо натавонистам собит кунам, аммо ҳамин, ки мардум ҳоло низ ба ман эътимод доранду маро қаҳрамони худ мешуморанд, бароям кофист. Маро ин сарбаланд мекунад, ки он касоне, ки маро шикаст додан хостанд, аз ман ва халқи ман ҳаросиданд. Зеро намехостанд, ки боз варзишгаре аз як давлати хурд медали тиллои Бозиҳои олимпиро ба даст орад.
29. - Дастовардҳои варзишиатон шуморо қаноатманд мекунонад?
- Бале. Ман хушбахтона аз тамоми мусобиқаҳои варзишӣ ба Ватан медал овардаам.
ПАРТОБИ КӮТОҲСУОЛҲО
30. - Ба кадом мураббии худ сипоси махсус мегӯед?
- Ба ҳамаашон.
31. - Аз ноумедӣ бо чӣ дур мешавед?
- Бо ин ҷумла: ту метавонӣ.
32. - Охирин нафаре, ки бо ӯ пеш аз оғози мусобиқаҳо ҳарф мезанед, кист?
- Пеш аз оғози ҳар мусобиқа бо модарам суҳбат карда, аз ӯ дуо мегирам.
33. - Бохтро қабул доред?
- Албатта. Варзишгарро бохт ба бурд мерасонад.
34. - Рақобати мусобиқаҳои варзишии байналмилалиро солим мешуморед?
- На он қадар. Дар аксарашон ғаразу бадбинӣ дида мешавад.
35. - Боре хоста будед, ки ҳамсаратон варзишгар бошад?
- Не.
36. - Аз мондан дар кадом ҳолат метарсед?
- Аз мондан дар ҳолати гунаҳкорӣ метарсам.
37. - Мехоҳед мураббии фарзанди худ бошед?
- Не. Агар хоҳад танҳо барояш кумак мекунам.
38. - Истеъдоди махфие доред?
- Не. Вале мехоҳам навохтани гитара ва фортопианаро омӯзам.
39. - Ба дигар навъҳои варзиш шуғл доред?
- Футбол ва баскетбол низ бозӣ мекунам.
40. - 40 соли баъдии худро чӣ гуна дидан мехоҳед?
- Ҳарчӣ ояд дар рӯзгорам, қабул дорам.
Дилшод Назаров. Ин ному нафар ба хурду бузурги Тоҷикистон ошност. Зеро ӯ тавонист, ки бо ҷаҳду талоши хастанопазир ва бо шиори ягонааш – “ту метавонӣ” ба кишвар нахустин медали тиллои Бозиҳои олимпиро биёраду ҳамсони номаш ҳамагиро дилшод созад. Номи ӯ дар таърихи варзиши меҳан ба таври ҳамешагӣ бо ҳарфҳои тиллоӣ сабт шудааст. Дилшод Назаров - муваффақтарин парчамбардори меҳан 40-сола шуд ва ба ин муносибат мо рафтем суроғаш то аз шебу фарози 40 соли ҳаёташ пурсон шавем.
ПАРТОБИ ҚИСМАТ
1. - Мегӯянд шумо зодрӯзи худро ҷашн намегиред, оё ҳақиқат дорад?
- Ҷашн мегирам, аммо танҳо бо хонавода. Бошукӯҳ таҷлил кардани зодрӯзро дӯст намедорам. Вале чун ҳамагон табрикот қабул кардану шунидан бароям писанд аст.
2. - Падарро чӣ гуна аз даст додед?
- Падарам варзишгар буданд ва дар солҳои ҷанги шаҳрвандӣ корманди Коллеҷи ҳарбӣ шуданд. Чун командири рота буданд, бо сарбозон ба ноҳияи Тавилдара фиристонида шуда, он ҷо кушта мешаванд. Аз он рӯз дигар ман танҳо бо як фикру ҳадаф будам, ки падарамро ба орзуяшон расонаму соҳиби медали Бозиҳои олимпӣ гардам.
3. - Ҷое гуфтаед, ки дар айёми мактабӣ дарсгурезӣ низ кардаед. Ба таҳсил майл надоштед?
- Ман танҳо як бор дасргурезӣ кардаам, он ҳам ба хотири рафтан ба машқ. Зеро зиёд варзишро дӯст медоштам ва мехостам зудтар ба машқ ҳозир шавам. Аммо дар дигар дарсҳо ҳатман иштирок карда, супоришҳои муаллимонро иҷро менамудам.
4. - Чӣ водоратон сохт то варзишгар бошед?
- Ман дар оилаи варзишгар ба дунё омадаам ва табиист, ки ин бароям бетаъсир набуд. Аммо маро ба ин намуди варзиш қаҳрамони Бозиҳои олимпӣ гардидани Андрей Абдувалиев овард. Яке аз наздикони ин варзишгар дӯсти ман буд ва мо зиёд атрофи ӯ суҳбат мекардем. Ҳамин тавр, ман низ азм кардам, ки чун Андрей Абдувалиев маҳз аз намуди варзиши гурзандозӣ қаҳрамони Бозиҳои олимпӣ гардам.
5. - Барои дохил шудан ба Донишкадаи тарбияи ҷисмонӣ кӣ роҳнамоятон буд?
- Ман ҳанӯз аз давраи мактабӣ дар ин донишкада тамрин мекардам. Аз ин рӯ, баъд аз хатми мактаб барои дохил шудан ба дигар донишгоҳ ҳатто фикр ҳам накарда, донишҷӯи Донишкадаи тарбияи ҷисмонии Тоҷикистон ба номи С. Раҳимов шудам.
6. - Шумо баъдан Донишкадаи тиҷоратии Тоҷикистонро низ хатм кардаед. Хостед тоҷир низ бошед?
- На. Ман он ҷо ба факултаи муносибатҳои иқтисодии байналмилалӣ дохил шудам. Зеро ба андешаи ман як варзишгар бояд донандаи муносибатҳои байналмилалӣ низ бошад.
7. - Оғози машғул шудан ба гурзандозӣ мушкилот дошт?
- Ман тамринро дар солҳои бесарусомонии ҷанги шаҳрвандӣ оғоз кардаам. Барои ҳамаи мо маълум аст, ки он солҳо ҳама соҳаҳо пур аз мушкилот буд. Он таҷҳизотҳои варзишие, ки Андрей Абдувалиев тамрин менамуд, аллакай кӯҳна шуда буданд. Аммо ман онҳоро аз нав таъмир карда, бо вуҷуди ҳар шароит ба машқи худ идома медодам.
8. - Модарро муррабии худ мешуморед. Заҳмату машаққатҳои шуморо тоб меовард?
- Модарам чун худ муаллима буданду дар Донишкадаи тарбияи ҷисмонӣ дарс мегуфтанд, дарк мекарданд, ки варзишгар бояд аз танбалӣ дур бошаду пайваста тамрин кунад. Ман вақте ба машқ шуруъ кардам, хурд будам ва зиёд хаста мешудам. Аммо модарам зуд-зуд ба ман таъкид мекард, ки бояд аз рӯи реҷаи муайян кор кунаму зиёд тамрин намоям. Ҳамчунин ҳамеша бароям бовар медоданд, ки ин заҳматҳо ҳатман натиҷа хоҳад дод.
9. - Нахустмусобиқаи байналмилалии шумо кай буд ва бо чӣ анҷом ёфт?
- Аввалин мусобиқаи байналмилалие, ки ман иштирок кардам, ин соли 1996 Чепионати Осиё миёни ҷавонон дар кишвари Ҳиндустон буд. Ҳарчанд ин мусобиқаам бо бохт анҷом ёфт, аммо роҳи маро ба чунин мусобиқот кушод.
10. - Аввалин медалро кӣ ба гардани шумо овехта буд?
- Аввалин медале, ки ман ба даст овардам, аз намуди варзиши басткетбол буд. Вақте дар синфи 7 ё 8 таҳсил мекардам, мусобиқаи ҷумҳуриявӣ миёни наврасон аз рӯи намуди варзиши баскетбол доир гардид ва дастаи мактаби мо, ки ман низ яке аз аъзоёнаш будам, сазовори зинаи аввал шуд. Аммо, мутаассифона овезандаи медалро ёд надорам.
11. - Давр занонидани гурз дар майдонҳои кишварҳои хориҷ дар вуҷуди шумо чӣ эҳсосро мечархонд?
- Дар нахустмусобиқаам маро эҳсоси тарс фаро гирифта буд. Аммо дар чунин мусобиқаҳои баъдӣ вуҷуди маро эҳсоси шуҷоату ҷасорат фаро мегирифт ва мехостам оварандаи як медал бошам барои ватанам. Ин буд, ки дар соли 1997 шурӯъ кардам ба гирифтани медалҳои мусобиқоти байналмилалӣ.
12. - Соли 2014 шумо мақомдор шудед ва муовини раиси Кумитаи кор бо ҷавонон ва варзиш таъйин гардидед. Ин ба зиндагӣ ва ҳадафу мақсадҳои шумо чӣ тағйирот овард?
- Ростӣ, ин вазифа барои ман туҳфаи ногаҳонӣ буд. Маро бештар аз гирифтани ин мақом эътимоду боварии Сарвари давлат хушҳолу сарбаланд сохт. Яъне ман эҳсос кардам, ки танҳо як варзишгар нестам ва метавонам болои ин соҳа роҳбар низ бошам. Боварии Пешвои миллат нисбат ба ман водорам сохт, ки бештар талош кунам, то ба он сазовор бошам. Ин буд, ки дар соли 2015 аз Чемпионати ҷаҳон медал ба даст оварда, соли 2016 қаҳрамони Бозиҳои олимпӣ гардидам.
13. - Президенти кишвар ҳангоми супоридани ин вазифа ба шумо таъкиде намуданд?
- Бале. Гуфтанд, ки ман туро ба он хотир ба ин вазифа интихоб намудам, ки барои дигар ҷавонон намунаи ибрат бошӣ. Ҷавон ҳастӣ, пас хуб кор куну соҳиби медалҳои аз ин ҳам зиёдтар шав.
ПАРТОБИ “ТИЛЛОӢ”
14. - 20 августи соли 2016. Ин санаро дар рӯзгоратон чӣ гуна унвон додаед?
- Бароям санаи тиллоӣ аст. Зеро ин сана маро ба орзуи деринаам расонд.
15. - Таҳниятгӯяндаи аввалин аз Тоҷикистон барои ба даст овардани медали тиллои Бозиҳои олимпӣ кӣ буд?
- Аввалин нафаре, ки маро шодбош гуфтанд, ин Сарвари давлат буданд. Баъдан намояндагони дигари ҳукумат низ муборакбод гуфтанд.
16. - Аз табрикоти Пешвои миллат кадом ҷумла бештар бароятон нерубахш ва сарфарозкунанда буд?
- Ростӣ ҳамаашон.
17. - Ҳангоми боло кардани Парчами ватан дар либосатон акси падаратон буд. Чаро?
- Рӯзи ба даври ниҳоӣ баромаданам буд ва вақте ки аз меҳмонхона берун мешудем, мураббиам ба ман гуфт, ки бароям ҳадяе дорад. Ӯ аз ҷузвдонаш пироҳанеро берун кард, ки акси падарамро дошт. Ман ҳайрон шудам, чун воқеан ин туҳфаро интизор надоштам. Хеле бароям таъсир кард ва бо як эътимод гуфтам, ки ман ҳоло медали тиллоро ба даст меорам ва ҳамин либосро мепӯшам. Хушбахтона, чунин ҳам шуд.
18. - Варзишгарон мегӯянд, эҳсоси хуби баланд бардоштани Парчами миллӣ ногуфтанист. Шумо бо чӣ онро баён мекунед?
- Барои ман низ воқеан ногуфтанист. Вале ҳамон лаҳза ман низ чун дигар варзишгарон фарёди шодӣ мезанам.
19. - Шумо аввалин варзишгаред, ки ба Тоҷикистон медали тиллои Бозиҳои олимпиро овардед. Ба ин мақом соҳиб шудани шумо сабаби хосе дорад?
- Сабаб танҳо дар эътимод доштани Сарвари давлат ва халқ ба ман буд. Ҳамчунин дар тамринҳои зиёд ва пайваста. Ман барои ин медал 23 сол машқ кардам.
20. - Қаҳрамони Бозиҳои олимпӣ гардидан пеш аз ҳама ба шумо чӣ дод?
- Пеш аз ҳама ба ман имкон дод, то ба варзишгарон собит кунам, ки мо метавонем. Зеро аксари мо фикр мекунем, медалдорони Бозиҳои олимпӣ танҳо аз кишварҳои бузурги Аврупо хоҳад буд. Вале ман тавонистам собит кунам, ки тоҷикон низ бонерую тавонманданд.
21. - Шумо баъди ҷоизадори Бозиҳои олимпӣ шудан, ба унвони Шаҳрванди ифтихории шаҳри Душанбе сазовор шудед. Ин унвон бароятон чӣ гуна масъулият медиҳад?
- Масъулияти он, ки шаҳрванди хуб ва бо риояи кулли одоби шаҳрнишинӣ буда, ба дигар аҳолии пойтахт намунаи ибрат бошам.
22. - Пажӯҳишгоҳи исломии Уммон исми Шуморо дар феҳристи “500 мусулмони таъсиргузор барои соли 2017” шомил кард. Ба ин рӯйхат номатон чӣ гуна расид?
- Ростӣ, аз ҷараёни ин худам бехабар будам. Ман худ ин хабарро аз рӯзнома хондам. Вақте номи худро дар ин феҳрист дидам, бисёр ҳайрон шудам. Яъне, ин ҳам бароям туҳфаи ногаҳонӣ буд.
ПАРТОБИ АНДЕША
23. - Барои музаффар шудани як варзишгар чӣ аз ҳама муҳим аст?
- Қаблан хоҳиш ва баъдан тамринҳои зиёд.
24. - Дар муваффақияти шумо асроре ниҳон аст?
- Не. Маро ба комёбиҳоям боварӣ ба худ ва талошу кӯшишҳоям расонд.
25. - Ҳаст ҳолате, ки эътимодро ба худ аз даст медиҳед?
- Бале. Аммо кӯшиш мекунам, зуд аз ин ҳолат худро берун кунам ва пайваста барои худ такрор мекунам: ту метавонӣ.
26. - Баъди ҳар ғолибияти худ ашк мерезед?
- Танҳо баъди ба даст овардани медали тиллои Бозиҳои олимпӣ гиристам.
27. - Ҳолати мушкилтарини фаъолияти варзишиатон кадом аст?
- Соли 2002 дар яке аз мусобиқаҳое, ки дар Корея баргузор шуд, иштирок намудам, вале бе натиҷа. Баъд аз ин эътимоди ҳамагон нисбат ба ман гум шуд ва мегуфтанд, ки ту дигар натиҷа ба даст оварда наметавонӣ. Ин ҳолат бароям бис-ёр таъсир кард ва худ низ бовариро гум кардам. Аммо фикр кардам ва гуфтам, ки ин ҳама машқҳои чандсоларо барои як бохт набояд фаромӯш кард. Ман бояд ба касоне, ки ба ман бовар надоранд, исбот кунам, ки метавонам. Ҳамин тавр, бо кӯшишҳои зиёд худро дубора барқарор кардам.
28. - Чӣ гуна аз вартаи бӯҳтон ва шикастдоданҳои бадхоҳон дар соли 2020 худро раҳонидед?
- Бароям мушкил буд. Зиёд талош кардам, ки ба туҳмат гирифтор будани худро собит кунам. Ҳарчанд хаттӣ барои онҳо натавонистам собит кунам, аммо ҳамин, ки мардум ҳоло низ ба ман эътимод доранду маро қаҳрамони худ мешуморанд, бароям кофист. Маро ин сарбаланд мекунад, ки он касоне, ки маро шикаст додан хостанд, аз ман ва халқи ман ҳаросиданд. Зеро намехостанд, ки боз варзишгаре аз як давлати хурд медали тиллои Бозиҳои олимпиро ба даст орад.
29. - Дастовардҳои варзишиатон шуморо қаноатманд мекунонад?
- Бале. Ман хушбахтона аз тамоми мусобиқаҳои варзишӣ ба Ватан медал овардаам.
ПАРТОБИ КӮТОҲСУОЛҲО
30. - Ба кадом мураббии худ сипоси махсус мегӯед?
- Ба ҳамаашон.
31. - Аз ноумедӣ бо чӣ дур мешавед?
- Бо ин ҷумла: ту метавонӣ.
32. - Охирин нафаре, ки бо ӯ пеш аз оғози мусобиқаҳо ҳарф мезанед, кист?
- Пеш аз оғози ҳар мусобиқа бо модарам суҳбат карда, аз ӯ дуо мегирам.
33. - Бохтро қабул доред?
- Албатта. Варзишгарро бохт ба бурд мерасонад.
34. - Рақобати мусобиқаҳои варзишии байналмилалиро солим мешуморед?
- На он қадар. Дар аксарашон ғаразу бадбинӣ дида мешавад.
35. - Боре хоста будед, ки ҳамсаратон варзишгар бошад?
- Не.
36. - Аз мондан дар кадом ҳолат метарсед?
- Аз мондан дар ҳолати гунаҳкорӣ метарсам.
37. - Мехоҳед мураббии фарзанди худ бошед?
- Не. Агар хоҳад танҳо барояш кумак мекунам.
38. - Истеъдоди махфие доред?
- Не. Вале мехоҳам навохтани гитара ва фортопианаро омӯзам.
39. - Ба дигар навъҳои варзиш шуғл доред?
- Футбол ва баскетбол низ бозӣ мекунам.
40. - 40 соли баъдии худро чӣ гуна дидан мехоҳед?
- Ҳарчӣ ояд дар рӯзгорам, қабул дорам.
Эзоҳи худро нависед