ВАРЗИШ
Шанбе 13 Июл 2024 02:22
9360
Дар толори варзишии ба номи генерал-майор Рустам Амакиеви шаҳри Бӯстон ҳамоиши варзишгарони шаҳр бо иштироки муовини раиси шаҳр Мамнур Нурзода, мудири Бахши кор бо ҷавонон ва варзиши шаҳри Бӯстон Хусравшоҳ Исмоилзода, раиси Федератсияи гӯштини миллии "Гӯштингирӣ" дар вилояти Суғд - Шоҳин Гулов ва мураббиён доир гардид.

Сараввал, Мамнур Нурзода паёми табрикии раиси шаҳри Бӯстон Мавсума Муиниро ба муносибати мақоми байналмилалӣ гирифтани гӯштини миллии “Гӯштингирӣ” ба самъи варзишгарон расонида, иброз дошт, ки рушди варзиш ва тарбияи ҷисмонӣ дар мадди назари ҳамешагии Ҳукумати Ҷумҳурии Тоҷикистон, хосса Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар замони соҳибистиқлолӣ намудҳои бозиҳои миллии варзишӣ, бахусус гӯштини миллии “Гӯштингирӣ” аз нав эҳё шуд.

Дар идома гуфта шуд, ки варзишгарони шаҳри Бӯстон соли 2022 дар мусобиқаҳои шаҳрӣ, вилоятӣ, ҷумҳуриявӣ ва байналмилалӣ иштирок намуда, дар умум 740 медал, аз ин 256 медали тилло, 224 медали нуқра ва 260 медали биринҷӣ ба даст оварданд.

Сипас, байни ҷавонону наврасони шаҳр аз рӯйи 10 вазн мусобиқаи варзишӣ оид ба гӯштини миллии “Гӯштингирӣ” баргузор гардида, ба ғолибон медал, диплом ва туҳфаҳои хотиравӣ тақдим карда шуд.  

Эзоҳи худро нависед



Рамзҳо дар расм