Дар боғи фарҳангӣ-фароғатии шаҳри Бӯстон ба номи Садриддин Айнӣ бахшида ба Рӯзи варзишгарон ва 33-солагии Истиқлоли давлатии Ҷумҳурии Тоҷикистон маросими ҷамъбасти мусобиқаҳои варзишӣ, ки байни варзишгарону сокинони маҳаллаҳо, кормандони ташкилоту муассисаҳо аз рӯйи намудҳои футбол, волейбол, шоҳмот, гӯштин ва дигар намудҳо гузаронида шуда буданд, баргузор гардид.

Дар ин бора Бахши кор бо ҷавонон ва варзиши шаҳри Бӯстон хабар медиҳад.

Бино ба иттилои манбаъ, чорабинӣ бо садо додани Суруди миллӣ оғоз гардида, сипас доир ба рушди варзиш ва тарбияи ҷисмонӣ андешарониҳо сурут гирифт.

Гуфта шуд, ки варзиш дар мадди назари ҳамешагии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар замони соҳибистиқлоӣ варзишгарони меҳан дар мусобиқаҳои ҷаҳонӣ иштирок намудаву Парчами меҳанро борҳо парафшон намудаанд.

Сипас, дар фазои тантанавӣ ба варзишгарони муваффақ ва ғолибони мусобиқаҳо дипломҳои дараҷавӣ, медал ва туҳфаҳои хотиравии мақомоти иҷроияи ҳокимияти давлатии шаҳри Бӯстон тақдим карда шуд.