ВАРЗИШ
Шанбе 18 Август 2018 04:02
4728
Дар мақомоти иҷроияи ҳокимияти давлатии шаҳри Бӯстон бахшида ба Рӯзи варзишгарон ҷамъомади тантанавӣ бо иштироки варзишгарон баргузор гардид.

Раъно Ҳошимзода, раиси шаҳри Бӯстон, зимни ифтитоҳи чорабинӣ нахуст таҷлили Рӯзи варзишгаронро таҳният гуфта, иброз дошт, ки дар замони соҳибистиқлолии кишвар бо дастгириву пуштибониҳои Ҳукумати Ҷумҳурии Тоҷикистон ва сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон варзиш дар ҳаёти ҷамъиятӣ ҳамчун омили ташаккули инсон нақши муҳим бозида, Пешвои муаззами миллат варзишро ҳамчун яке аз воситаҳои беҳтарини муаррифӣ намудани давлат ва миллат эълон намудаанд.

Таъкид гардид, ки варзишгарони шаҳри Бӯстон дар ин давра дар мусобиқаҳои гуногунсатҳ иштирок намуда, дар маҷмӯъ 498 медал, аз ҷумла 183 тилло, 144 нуқра, 171 биринҷӣ ба даст оварданд, ки нисбати ҳамин давраи соли гузашта 87 медал зиёд мебошад.

Дар интиҳои чорабинӣ як қатор варзишгарони шаҳр ва масъулини соҳаи варзиш ҷиҳати саҳмашон дар рушди варзиш бо сипосномаву туҳфаҳои хотиравӣ қадрдонӣ гардиданд.

Мамнур Нурзода,шаҳри Бӯстон

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Август 2018 c.