Дар шаҳри Хуҷанд мусобиқа оид ба баскетбол миёни писарон ва духтарони  муассисаҳои таҳсилоти миёнаи умумӣ, литсей ва гимназияҳои шаҳр бахшида ба Рўзи ҷавонони Тоҷикистон доир гардид. 

Мусобиқаи мазкур бо дастгирии мақомоти иҷроияи ҳокимияти давлатии шаҳри Хуҷанд дар якҷоягӣ бо Бахши кор бо ҷавонон ва варзиш ва шуъбаи маорифи шаҳр гузаронида шуда, дар он 8 даста байни писарон ва 12 даста миёни духтарон иштирок намуданд.

Пас аз қувваозмоиҳо дар натиҷа миёни писарон ҷои якумро дастаи МТМУ №20, ҷои дуввумро дастаи МТМУ №3 ва ҷои сеюмро дастаи МТҒ ба номи Ё.В.Гёте сазовор гардиданд. Байни духтарон духтарон бошад, ҷои якум ва дуюмро дастаи МТМУ №20 ва ҷои сеюмро дастаи МТМУ №22 соҳиб гардиданд.

Дар чорабинии ҷамъбастии мусобиқа, ки дар толори варзишии МТМУ №5-и шаҳри Хуҷанд баргузор гардид, муовини раиси шаҳри Хуҷанд Фирўза Нуруллозода иштирок намуда, аз ҷумла қайд кард, ки имрўзҳо бо дастгирии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи тарбияи ҷисмонӣ ва варзиш рушд намуда истодааст. 

Пас аз суханронӣ дар фазои тантанавӣ ба ғолибону ҷоизадорони мусобиқа ифтихорнома ва туҳфаҳои хотиравии раиси шаҳр тақдим гардид.