Зери ин шиор  субҳи 17 ноябр варзишгарону сокинони шаҳри Душанбе ба машқҳои пагоҳирӯзӣ баромаданд.

Машқҳои пагоҳирӯзӣ ба ифтихори Рӯзи Президент ва ба кор андохтани агрегати якуми Нерӯгоҳи барқи обии “Роғун”  бо ташаббуси Кумитаи кор бо ҷавонон ва варзиши назди Ҳукумати ҷумҳурӣ гузаронида шуд, ки дар он зиёда аз  10 ҳазор нафар варзишгарону сокинони пойтахт иштирок карданд. 

Воқеан, шоми дирӯз бо иштироки Пешвои миллат, Президенти ҷумҳурӣ, Президенти Кумитаи миллии олимпии Тоҷикистон, муҳтарам Эмомалӣ Раҳмон чархаи якуми НБО “Роғун” дар вазъияти тантанавӣ ба кор андохта шуд, ки боиси рушди соҳаҳаҳои гуногуни хоҷагии халқи мамлакат, аз ҷумла варзиш мегардад.

Барои иштирок дар ин рӯйдоди таърихӣ намояндагони воломақоми кишварҳои гуногуни олам, аз ҷумла Федератсияи Россия, ҷумҳуриҳои Италия, Ҳиндустон, Покистон, Афғонистон, Белорус, Украина, Ӯзбекистон, Қазоқистон, Қирғизистон, дигар давлатҳо ва ташкилоту созмонҳои бонуфузи минтақавию байналмилалӣ ба Тоҷикистон ташриф оварданд.

Тантанаҳои идона, барномаҳои фарҳангию фароғатӣ  бахшида ба  Рӯзи Президент ва ба кор андохтани агрегати якуми Нерӯгоҳи барқи обии “Роғун”  дар боғҳои фарҳангию фароғатии шаҳри Душанбе идома дошта, бегоҳи ҳамин рӯз - 17 ноябр дар Наврӯзҳои пойтахт баргузории барномаи калони консертӣ дар назар аст.