Бахшида ба 29-умин солгарди Истиқлолияти давлатии кишвар дар шаҳри Душанбе мусобиқа байни дастаҳои бонувони футболбоз сурат гирифт.

Мудати як ҳафта дастаи бонувони футболбоз дар варзишгоҳи “Душанбе-Арена”-и пойтахт бо ҳам қувва озмуданд. Ба даври ниҳоии мусобиқа дастаҳои “Донишгоҳи миллӣ” ва “Гулдухтарон” роҳ ёфтанд. Дастаи донишгоҳ таҳти роҳбарии мураббӣ Устоди варзиши ҷумҳурӣ Шоҳ Ҳабибов тайёрии хуб дида, дар финал дастаи “Гулдухтарон”-ро мағлуб намуда, ҳамин тавр ғолиби мусобтиқа дониста шуд ва ҷоми мусобиқаро ба даст овард.

-Дар амал татбиқ намудани сиёсати ҳукумати кишвар доир ба тарбияи солими аҳолӣ, тарғиби тарзи ҳаёти солим миёни ҷавондухтарон, имкон аст чеҳраҳои нав миёни бонувон пайдо шавад, - иброз намуд зимни суҳбат мураббии варзида Шоҳ Ҳабибов. – Чунончӣ бонувони дастаи “Донишгоҳи миллӣ” аз ҳисоби донишҷӯён ташкил ёфта, ҳамасола дар мусобиқаҳои гуногун натиҷаҳои назаррасро ноил мегардад. Агар чунин таваҷҷуҳ ба футболи занона пайваста зоҳир шавад умед аст бонувони мо дар мусобиқаҳои сатҳи минтақавӣ ва ҷаҳонӣ ҷои комёбиро ноил хоҳанд шуд.