ВАРЗИШ
Ҷумъа 29 Март 2024 01:30
Шоми 11 апрел бозии марказии даври панҷуми лигаи олии кишвар байни дастаҳои “Истиқлол”- Душанбе ва “Ҳосилот”-и Фархор дар Варзишгоҳи марказии шаҳри Душанбе баргузор гардид.
Дар ин дидор тими “Истиқлол” тавонист, ки бо ҳисоби бузурги 8-2 ҳарифро шикаст диҳад.
Дар дақиқаи 11-уми бозӣ довар ба дарвозаи “Ҳосилот” зарбаи 11 метра таъин намуд ва ин фурсади голзаниро Манучеҳр Ҷалилов истифода кард. Пас аз 2 дақиқа бозингарони дастаи “Истиқлол” голи дуюмро ҳам аз зарбаи ҷаримавӣ ба самар расонданд, ки ин гол ба номи Нуриддин Давронов, нимҳимоятгари даста сабт гардид.
Агбле Ҷонс, ҳамлагари дастаи “Ҳосилот”- дар дақиқаи 19-и рақобат, голи якуми дастаашро ба самар расонд. Ҳамин тариқ, то охири қисми аввали бозӣ футболбозони тими “Истиқлол” боз ду голи дигарро ба номи худ сабт намуданд ва қисми аввал бо ҳисоби 4:1 ба анҷом расид.
Қисми дуюми дидор низ бо голборон анҷом ёфт. Футболбозони тими “Истиқлол” тавонистанд дар 8 дақиқа ба дарвозаи “Ҳосилот”-и Фархор 4 тӯби дигарро ворид намоянд. Голи дуюми дастаи “Ҳосилот”-ро бошад Шодибек Ғаффоров дар дақиқаи 80-уми бозӣ ба самар расонд. Дар ин рақобат Манучеҳ Ҷалилов, ҳамлагари “Истиқлол” чор тӯбро ба номи худ сабт намуд.
Се бозии дигари даври панҷуми мусобиқаи лигаи олӣ рӯзҳои 8-9 апрел баргузор гардид. Бозии даври панҷум миёни дастаҳои “Вахш”-и шаҳри Қӯрғонтеппа ва “Регар-ТадАЗ”-и шаҳри Турсунзода ва “Хуҷанд”-и шаҳри Хуҷанд бо “Панҷшер”-и Ҷалолиддини Балхӣ баргузор шуд.
Дастаи “Вахш” дар майдони худ тими “Регар-ТадАЗ”-ро бо ҳисоби 2:1 шикаст дод, ки ин аввалин пирӯзии даста дар мусобиқаи имсолаи қаҳрамонии Тоҷикистон мебошад.
“Хуҷанд”-и шаҳри Хуҷанд низ дар Варзишгоҳи “20-солагии Истиқлолияти Тоҷикистон” бар дастаи “Панҷшер”-и ноҳияи Ҷалолиддини Балхӣ бо ҳисоби 2:1 дастболо гардид.
Бозии дигари даври панҷум байни дастаҳои ССКА “Помир”-и шаҳри Душанбе ва “Барқчӣ”-и шаҳри Ҳисор дар варзишгоҳи “Авиатор”-и пойтахт, 9 апрел доир шуд.
Голи ягонаи бозиро Шарафҷон Солеҳов, футболбози ССКА “Помир” дар дақиқаи 56-уми дидор ба ҳадаф расонида, тавонист ғалабаи нахустини дастаашро таъмин намояд.
Ҳоло дар ҷадвали мусобиқа “Ҳосилот” бо 9 имтиёз дар зинаи аввал, “Истиқлол” ва «Хуҷанд» бо 7-имтиёзӣ дар зинаҳои дуюуму сеюум қарор доранд.
Ҷ ДАСТАҲО Б Ғ М Б Т И
1 “Ҳосилот” (Фархор) 5 3 0 2 7-11 9
2 “Истиқлол” (Душанбе) 3 2 1 0 14-2 7
3 “Хуҷанд” (Хуҷанд) 4 2 1 1 5-3 7
4 ССКА “Помир” (Душанбе) 4 1 3 0 1-0 6
5 “Регар-ТадАЗ” (Турсунзода) 5 1 2 2 3-4 5
6 “Вахш” (Қӯрғонтеппа) 5 1 2 2 2-4 5
7 “Панҷшер” (Ҷ. Балхӣ) 5 1 2 2 3-6 5
8 “Барқчӣ” (Ҳисор) 5 1 1 3 2-9 4
Нишонзанҳо: Манучеҳр Ҷалилов (“Истиқлол”) – 7 тӯб, Дилшод Бозоров (“Хуҷанд”), Агблей Ҷонс (“Ҳосилот”) – 3-тӯбӣ, Дмитрий Барков (“Истиқлол”), Фирӯз Раҳматов (“Регар-ТадАЗ”) – 2-тӯбӣ.
Шаҳбози АСОМИДДИН,"ҶТ"
Дар ин дидор тими “Истиқлол” тавонист, ки бо ҳисоби бузурги 8-2 ҳарифро шикаст диҳад.
Дар дақиқаи 11-уми бозӣ довар ба дарвозаи “Ҳосилот” зарбаи 11 метра таъин намуд ва ин фурсади голзаниро Манучеҳр Ҷалилов истифода кард. Пас аз 2 дақиқа бозингарони дастаи “Истиқлол” голи дуюмро ҳам аз зарбаи ҷаримавӣ ба самар расонданд, ки ин гол ба номи Нуриддин Давронов, нимҳимоятгари даста сабт гардид.
Агбле Ҷонс, ҳамлагари дастаи “Ҳосилот”- дар дақиқаи 19-и рақобат, голи якуми дастаашро ба самар расонд. Ҳамин тариқ, то охири қисми аввали бозӣ футболбозони тими “Истиқлол” боз ду голи дигарро ба номи худ сабт намуданд ва қисми аввал бо ҳисоби 4:1 ба анҷом расид.
Қисми дуюми дидор низ бо голборон анҷом ёфт. Футболбозони тими “Истиқлол” тавонистанд дар 8 дақиқа ба дарвозаи “Ҳосилот”-и Фархор 4 тӯби дигарро ворид намоянд. Голи дуюми дастаи “Ҳосилот”-ро бошад Шодибек Ғаффоров дар дақиқаи 80-уми бозӣ ба самар расонд. Дар ин рақобат Манучеҳ Ҷалилов, ҳамлагари “Истиқлол” чор тӯбро ба номи худ сабт намуд.
Се бозии дигари даври панҷуми мусобиқаи лигаи олӣ рӯзҳои 8-9 апрел баргузор гардид. Бозии даври панҷум миёни дастаҳои “Вахш”-и шаҳри Қӯрғонтеппа ва “Регар-ТадАЗ”-и шаҳри Турсунзода ва “Хуҷанд”-и шаҳри Хуҷанд бо “Панҷшер”-и Ҷалолиддини Балхӣ баргузор шуд.
Дастаи “Вахш” дар майдони худ тими “Регар-ТадАЗ”-ро бо ҳисоби 2:1 шикаст дод, ки ин аввалин пирӯзии даста дар мусобиқаи имсолаи қаҳрамонии Тоҷикистон мебошад.
“Хуҷанд”-и шаҳри Хуҷанд низ дар Варзишгоҳи “20-солагии Истиқлолияти Тоҷикистон” бар дастаи “Панҷшер”-и ноҳияи Ҷалолиддини Балхӣ бо ҳисоби 2:1 дастболо гардид.
Бозии дигари даври панҷум байни дастаҳои ССКА “Помир”-и шаҳри Душанбе ва “Барқчӣ”-и шаҳри Ҳисор дар варзишгоҳи “Авиатор”-и пойтахт, 9 апрел доир шуд.
Голи ягонаи бозиро Шарафҷон Солеҳов, футболбози ССКА “Помир” дар дақиқаи 56-уми дидор ба ҳадаф расонида, тавонист ғалабаи нахустини дастаашро таъмин намояд.
Ҳоло дар ҷадвали мусобиқа “Ҳосилот” бо 9 имтиёз дар зинаи аввал, “Истиқлол” ва «Хуҷанд» бо 7-имтиёзӣ дар зинаҳои дуюуму сеюум қарор доранд.
Ҷ ДАСТАҲО Б Ғ М Б Т И
1 “Ҳосилот” (Фархор) 5 3 0 2 7-11 9
2 “Истиқлол” (Душанбе) 3 2 1 0 14-2 7
3 “Хуҷанд” (Хуҷанд) 4 2 1 1 5-3 7
4 ССКА “Помир” (Душанбе) 4 1 3 0 1-0 6
5 “Регар-ТадАЗ” (Турсунзода) 5 1 2 2 3-4 5
6 “Вахш” (Қӯрғонтеппа) 5 1 2 2 2-4 5
7 “Панҷшер” (Ҷ. Балхӣ) 5 1 2 2 3-6 5
8 “Барқчӣ” (Ҳисор) 5 1 1 3 2-9 4
Нишонзанҳо: Манучеҳр Ҷалилов (“Истиқлол”) – 7 тӯб, Дилшод Бозоров (“Хуҷанд”), Агблей Ҷонс (“Ҳосилот”) – 3-тӯбӣ, Дмитрий Барков (“Истиқлол”), Фирӯз Раҳматов (“Регар-ТадАЗ”) – 2-тӯбӣ.
Шаҳбози АСОМИДДИН,"ҶТ"
Эзоҳи худро нависед