9-уми декабр дар варзишгоҳи “20-солагии Истиқлолияти Тоҷикистон”-и шаҳри Хуҷанд бозии ниҳоии Ҷоми Тоҷикистон-2021 оид ба футбол доир мегардад.

Дар бозии ниҳоии Ҷоми Тоҷикистон-2021 чемпиони феълии кишвар дастаи “Истиқлол”-и Душанбе ва дастаи “Хуҷанд”-и Хуҷанд бо ҳам рақобат мекунанд.

Бозии мазкур санаи 9 декабр соати 13:00 оғоз мегардад.

Қаблан дар даври ниҳоии Ҷоми Тоҷикистон “Истиқлол” ва “Хуҷанд” ду бор бо ҳам рӯ ба рӯ шудаанд. Соли 2010 душанбегиҳо бо ҳисоби 5:0 ва соли 2017 хуҷандиҳо бо ҳисоби 2:0 пирӯз шуда буданд.

“Истиқлол” дар таърихи худ 8 маротиба – солҳои 2009, 2010, 2013, 2014, 2015, 2016, 2018 ва 2019 барандаи Ҷоми Тоҷикистон шудааст.

Дастаи “Хуҷанд” бошад, чаҳор маротиба – солҳои 1997/1998, 2002, 2008 ва 2017 Ҷоми кишвар оид ба футболро ба даст овардааст.

“ҶТ”