Шоми 10 октябр тими мунтахаби Ҳоланд дар даври сеюми марҳилаи гурӯҳии Чемпионати Ҷаҳон- 2018 дар майдони “Амстердам Арена" дастаи мунтахаби Фаронсаро қабул менамояд.

Дар даври дуюми марҳилаи гурӯҳии Чемпионати Ҷаҳон- 2018 дар бозӣ бо Беларус нимҳимоятгари Ҳоландӣ Уэсли Снейдер ҷароҳати ҷисмонӣ бардошт ва ҷояшро Дэйви Проппер иваз намуд.

Пас аз анҷоми бозӣ сармурабии тими Ҳоланд Данни Блинд иброз дошт, ки Снейдер дар бозӣ бо Фаронса эҳтимол ширкат накунад.

Дирӯз дар рафти тамрин бозингари дигари Ҳоланд дарвозабон Яспер Силессен ҷароҳати ҷисмонӣ бардошт ва дар рақобат бо Фаронса дарвозабонӣ 32 сола Мишел Ворм даъват гардид.

Диде Дешам сармурабии дастаи Фаронса пас аз ғолибият бо Булғористон иброз дошт, ки бозингарони даста дар ҳолати хуб қарор доранд ва ман аз ин бозӣ қаноатмандам. Мо дар бозӣ бо Ҳоланд душвории ҷидӣ надорем, ягона ивазшавӣ Бакари Соня мебошад.

Тимҳои миллии Фаронса ва Ҳоланд бо бозии якдигар хуб ошноянд. Шаш моҳ қабл ин ду даста дар майдони Амстреда бозии рафиқона анҷом дода ва дар ин бозӣ Фаронса бо ҳисобӣ 0-2 ғолиб шуда буд.

Бозиҳои гурӯҳии чемпионати ҷаҳон-2018 дар қитъаи Аврупо шоми имрӯз, 10 октябр, соати 23:45 ба вақти маҳалӣ оғоз мегардад.

Бозиҳои Гурӯҳи А
Белорус - Люксембург
Ҳоланд – Фаронса
Шведсия – Булғористон

Бозиҳои гурӯҳи В
Андорра – Швейтсария
Ҷазираҳои Фарер - Партугалия
Латвия - Маҷористон

Бозиҳои Гурӯҳи H
Босния ва Ҳерсеговина- Кипр
Эстония– Юнон
Гибралтар– Белгия

Шаҳбоз КАРИМОВ,"ҶТ"