Тими миллии Тоҷикистон пеш аз бозии даври интихобии Ҷоми Осиё-2019 муқобили Яман бо дастаи мунтахаби Баҳрайн бозии дӯстона мегузаронад.

Вохӯрӣ миёни дастаҳои мунтахаби Тоҷикистону Баҳрайн 23 март ба нақша гирифта шудааст ва дар варзишгоҳи миллии шаҳри Рифои Баҳрайн доир мешавад. Баъд аз ин бозӣ тими милли кишвар ба Қатар сафар мекунад. 28 март дар шаҳри Доҳа даври аввали марҳилаи интихобии Ҷоми Осиё-2019 дар гурӯҳи “F” доир мегардад, ки Тоҷикистон бо Яман рақобат мекунад.

Ёдовар мешавем, ки ҳарифони дигари тими миллии кишвар дар марҳилаи интихобии Ҷоми Осиё-2019 дастаҳои мунтахаби Филиппин ва Непал мебошанд.