Даври финалии Ҷоми Федератсияи футболи Тоҷикистон, имрӯз 13 феврал, дар Душанбе оғоз мегардад.

Дар даври финалӣ ҳашт даста дар ду гурӯҳ ширкат мекунанд. Ба гурӯҳи “А” дастаҳои “Ҳосилот” (Фархор), “Куктош” (Рӯдакӣ), “Равшан” (Кӯлоб) ва “Хуҷанд” (Хуҷанд) дохил шуданд. Гурӯҳи “Б” аз дастаҳои “Регар-ТадАЗ” (Турсунзода), “Истиқлол” (Душанбе), “Ҳулбук” (Восеъ) ва “Ашт” (Ашт) таркиб ёфт.

Дастаи “Хайр”-и Ваҳдат, ки ба даври финалӣ роҳхат гирифта буд, аз иштирок дар мусобиқа даст кашид. Ба ҷои “Хайр” дар даври финалӣ дастае, ки дар даври муқаддамотӣ дар минтақаи Душанбе дар гурӯҳи “Б” ҷои сеюмро гирифта буд – “Истиқлол” – иштирок мекунад.

Ҷоми ФФТ-2017. Даври финалӣ

1-ум давр
Гурӯҳи «А»
13 феврал (Душанбе)
12:30. «Равшан» – «Ҳосилот»
15:00. «Хуҷанд» – «Куктош»

Гурӯҳи «Б»
14 феврал (сешанбе)
12:30. «Регар-ТадАЗ» – «Ашт»
15:00. «Истиқлол» – «Ҳулбук»