29-уми март, дар деҳаи Далёни ҷамоати деҳоти Далёни Болои ноҳияи Деваштич майдони варзишии замонавӣ ба истифода дода шуд.

Майдони варзишӣ бо 200 ҷойи нишаст бо маблағи умумии 500000 (панҷсад ҳазор) сомонӣ аз тарафи соҳибкори деҳаи Неъматулло Раҳматов бунёд гардида, дар ифтитоҳи тантанавии майдони варзишии замонавӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам, намояндаи мақомоти иҷроияи ҳокимияти давлатии вилояти Суғд ва иҷрокунандаи вазифаи раиси ноҳияи Деваштич муҳтарам Зиёзода Сулаймон Ризоӣ иштироку суханронӣ намуданд.

Аҳтам Абдуллозода, раиси Кумитаи кор бо ҷавонон ва варзиш, ҳангоми баромади хеш қайд намуданд, ки майдони варзишии замонавӣ дар арафаи истиқбол гирифтани ҷашни 30-солагии Истиқлолияти давлатӣ туҳфаи хубест барои наврасону ҷавонон.

Дар охир барои саҳми арзанда гузоштан дар корҳои созандагиву бунёдкорӣ ба истиқболи ҷашни 30-солагии Истиқлолияти Ҷумҳурии Тоҷикистон соҳибкор Неъматулло Раҳматов ва инчунин 3-нафар дигар бо сипосномаи МИҲД-и ноҳияи Деваштич қадрдонӣ карда шуд.

Маратҷон Ҷабборов, ноҳияи Деваштич