ВАРЗИШ
Якшанбе 10 Ноябр 2024 04:31
Гурзандози машҳури кишвар Дилшод Назаров субҳи имрӯз дар Бозиҳои тобистонаи олимпии Рио-де-Жанейро соҳиби медали тилло гардид.
Дилшод гурзро ба масофаи 78,68 метр партофт. Дар сабқати гурзандозӣ ҷои дуюм насиби Иван Тихон аз Белорус (77,79) ва ҷои сеюм насиби Войсех Новитский аз Полша (77,73) гардид.
Ин аввалин медали тиллои олимпии варзишгарони кишвар дар даврони Истиқлолият аст. Соли 1992 Андрей Абдувалиев, намояндаи Тоҷикистон, дар ҳайати дастаи ИДМ, дар намуди гурзандозӣ соҳиби медали тиллои Олимпиада шуда буд.
ДИЛШОД НАЗАРОВ
- 6 майи соли 1982 дар шаҳри Душанбе таваллуд шудааст.
- Варзиши сабук, гурзандозӣ.
- Рекорди инфиродиаш 80,71 метр.
- Хатмкардаи Донишкадаи тарбияи ҷисмонии Тоҷикистон (2001) ва Донишгоҳи тиҷорати Тоҷикистон (2006).
- Устоди шоистаи варзиши Ҷумҳурии Тоҷикистон.
- Мураббиёнаш - модараш Зайтуна Назарова, баъдан Юрий Александрович Пискунов, феълан Владимир Машко.
- Соли 2015 бо Ордени Шараф дараҷаи II мукофотонида шудааст.
- Барандаи медали нуқраи чемпионати ҷаҳон дар соли 2015 (Пекин, Чин), ғолиби Бозиҳои осиёии солҳои 2006 (Доҳа, Қатар), 2010 (Гуанҷоу, Чин) ва 2014 (Инчон, Кореяи Ҷанубӣ), қаҳрамони секаратаи Осиё дар солҳои 2009 (Гуанҷоу, Чин), 2013 (Пуна, Ҳиндустон), 2015 (Ухан, Чин) мебошад.
Бори чорум дар Бозиҳои олимпӣ иштирок мекунад. Дар Бозиҳои олимпии соли 2004-ум дар Афина (Юнон) ноком шудааст. Дар Олимпиадаи соли 2008-ум дар Пекин (Чин) ҷойи 11-ум, дар Олимпиадаи соли 2012-ум дар Лондон (Англия) ҷойи 10-умро гирифтааст.
Дилшод Назаров ғолиби Бозиҳои V Осиёи Марказӣ (Душанбе, 2003),
барандаи медали нуқраи Бозиҳои Африқову Осиё (Ҳиндустон, 2003),
ғолиби Бозиҳои I исломӣ (Арабистони Саудӣ, 2005) ва ғолибу ҷоизадори бисёркаратаи мусобиқоти байналмилалист. Дар байни варзишгари тоҷик аввалин шуда ба Бозиҳои тобистонаи олимпии соли 2016 дар Рио-де-Жанейрои Бразил роҳхат гирифт. Моҳи майи соли гузашта дар мусобиқоти ҷаҳонии силсилаи Гран-при оид ба гурзандозӣ дар Ҷумҳурии Чех бо натиҷаи 79 метру 36 сантиметр мақоми дуюмро касб кард ва ба ҳаққи ширкат дар Бозиҳои олимпӣ дар Рио-де-Жанейро мушарраф шуд.
Дилшод Назаров аз моҳи январи соли 2014 муовини раиси Кумитаи ҷавонон, варзиш ва сайёҳии Тоҷикистон мебошад. Инчунин, раиси Федератсияи варзиши сабуки Тоҷикистонро бар уҳда дорад.
Оиладор буда, соҳиби ду фарзанд – як писару як духтар мебошад.
Дилшод гурзро ба масофаи 78,68 метр партофт. Дар сабқати гурзандозӣ ҷои дуюм насиби Иван Тихон аз Белорус (77,79) ва ҷои сеюм насиби Войсех Новитский аз Полша (77,73) гардид.
Ин аввалин медали тиллои олимпии варзишгарони кишвар дар даврони Истиқлолият аст. Соли 1992 Андрей Абдувалиев, намояндаи Тоҷикистон, дар ҳайати дастаи ИДМ, дар намуди гурзандозӣ соҳиби медали тиллои Олимпиада шуда буд.
ДИЛШОД НАЗАРОВ
- 6 майи соли 1982 дар шаҳри Душанбе таваллуд шудааст.
- Варзиши сабук, гурзандозӣ.
- Рекорди инфиродиаш 80,71 метр.
- Хатмкардаи Донишкадаи тарбияи ҷисмонии Тоҷикистон (2001) ва Донишгоҳи тиҷорати Тоҷикистон (2006).
- Устоди шоистаи варзиши Ҷумҳурии Тоҷикистон.
- Мураббиёнаш - модараш Зайтуна Назарова, баъдан Юрий Александрович Пискунов, феълан Владимир Машко.
- Соли 2015 бо Ордени Шараф дараҷаи II мукофотонида шудааст.
- Барандаи медали нуқраи чемпионати ҷаҳон дар соли 2015 (Пекин, Чин), ғолиби Бозиҳои осиёии солҳои 2006 (Доҳа, Қатар), 2010 (Гуанҷоу, Чин) ва 2014 (Инчон, Кореяи Ҷанубӣ), қаҳрамони секаратаи Осиё дар солҳои 2009 (Гуанҷоу, Чин), 2013 (Пуна, Ҳиндустон), 2015 (Ухан, Чин) мебошад.
Бори чорум дар Бозиҳои олимпӣ иштирок мекунад. Дар Бозиҳои олимпии соли 2004-ум дар Афина (Юнон) ноком шудааст. Дар Олимпиадаи соли 2008-ум дар Пекин (Чин) ҷойи 11-ум, дар Олимпиадаи соли 2012-ум дар Лондон (Англия) ҷойи 10-умро гирифтааст.
Дилшод Назаров ғолиби Бозиҳои V Осиёи Марказӣ (Душанбе, 2003),
барандаи медали нуқраи Бозиҳои Африқову Осиё (Ҳиндустон, 2003),
ғолиби Бозиҳои I исломӣ (Арабистони Саудӣ, 2005) ва ғолибу ҷоизадори бисёркаратаи мусобиқоти байналмилалист. Дар байни варзишгари тоҷик аввалин шуда ба Бозиҳои тобистонаи олимпии соли 2016 дар Рио-де-Жанейрои Бразил роҳхат гирифт. Моҳи майи соли гузашта дар мусобиқоти ҷаҳонии силсилаи Гран-при оид ба гурзандозӣ дар Ҷумҳурии Чех бо натиҷаи 79 метру 36 сантиметр мақоми дуюмро касб кард ва ба ҳаққи ширкат дар Бозиҳои олимпӣ дар Рио-де-Жанейро мушарраф шуд.
Дилшод Назаров аз моҳи январи соли 2014 муовини раиси Кумитаи ҷавонон, варзиш ва сайёҳии Тоҷикистон мебошад. Инчунин, раиси Федератсияи варзиши сабуки Тоҷикистонро бар уҳда дорад.
Оиладор буда, соҳиби ду фарзанд – як писару як духтар мебошад.
Хабарҳои дигар
Рӯзнома
Эзоҳи худро нависед