ВАРЗИШ
Якшанбе 23 Июн 2024 05:05
1409
Имрӯз, 20 август Мавсума Муинӣ муовини раиси Кумитаи ҷавонон, варзиш ва сайёҳии назди ҳукумати ҷумҳурӣ пас аз ғолибияти Дилшод Назаров дар олимпиадаи Рио-2016 ба табрики модараш рафт.

Тавре масъулини Кумита хабар медиҳанд, зимни сӯҳбат Зайтуна Самадовна, модари гурзпартои тоҷик барои дастгирӣ дар рушди тарбияи ҷисмонию варзиш ва варзишгарон ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипос намудааст.

Ӯ таъкид доштааст, ки маҳз бо дастгирии Пешвои миллат фарзандаш ғолиби гардидааст. Ҳамзамон модари Дилшод Назаров қайд намудааст, ки субҳи имрӯз зимни сӯҳбати телефонӣ Дилшод танҳо бо як ибора эҳсосоти худро баён намуд: «Мо тавонистем!»

Эзоҳи худро нависед



Рамзҳо дар расм