Дар шаҳри Доҳаи Қатар ҷаласаи Конгресси Федератсияи варзиши сабуки Осиё доир гардид. Дар он Доҳлан Ҳамади қатарӣ дигарбора президенти Федератсияи варзиши сабуки Осиё интихоб гардид. Ӯ то соли 2023 ин ниҳоди қоравиро роҳбарӣ хоҳад кард.

 Ҳамчунин ноибони президент, аъзои Кумитаи иҷроия ва дигар ниҳодҳо интихоб гардиданд. 

Дар ҷаласа аз ҷумла, варзишгари маъруфи кишвар, чемпиони Бозиҳои олимпӣ, раиси Федератсияи варзиши сабуки Тоҷикистон Дилшод Назаров раиси Федератсияи варзиши сабуки Осиёи Миёна интихоб шуд. Федератсияи варзиши сабуки Осиё Дилшод Назаровро, инчунин раиси Комиссияи варзишгарон интихоб намуд.

Ҷаласа 20 апрел доир гардида, бо дастгирии роҳбарони федератсияҳои варзиши сабуки қитъаи Осиё ба Дилшод Назаров ҷоизаи “Беҳтарин гурзандози Осиё” тақдим гардид.