Ду паҳлавони тоҷик Эмомалӣ Нуралӣ ва Масъуди Аҳмадзод дар Ҷоми ҷавонони Осиё (Tashkent Junior Asian Cup 2022) , ки 5-6 апрел миёни наврасон ва 7-8 апрел байни ҷавонон дар шаҳри Тошканди Ӯзбекистон баргузор гардид, соҳиби медалӣ биринҷӣ гардидаанд.     

Эмомалӣ Нуралӣ дар вазни 66 кг дар даври ниманиҳоӣ аз ҷудочии ӯзбек шикаст хурду барои ба даст овардани нишони биринҷии мусобиқа бо ҷудокори қирғиз Аброр Абасбеков нерӯ санҷид. Дар ин рақобат ҷудокори тоҷик тавонист, ки нишони биринҷии мусобиқаро ба даст биёрад.

Ҳамчунин Масъуди Аҳмадзод низ дар вазни 73кг барои ба даст овардани нишони биринҷии мусобиқа бо ҷудочии қирғиз Чингизхон Сайналиев қувваозмоӣ кард.

Дар натиҷа варзишгари тоҷик ғолибиятро ба даст оварда, нишони биринҷии мусобиқаро ба гардан овехт.

Ёдовар мешавем, ки мусобиқаи Ҷоми Осиё оид ба ҷудо миёни наврасон ва ҷавонон (Tashkent Junior Asian Cup 2022) идома дорад. Дар мусобиқа 28 ҷудокори тоҷик миёни наврасон ва ҷавонон ҳунарнамоӣ доранд.