ВАРЗИШ
Якшанбе 08 Сентябр 2024 04:43
![7938](/upload/iblock/6b4/%D0%B2%D0%B0%D1%80%D0%B7%D0%B8%D1%88.jpg)
Тибқи иттилои сомонаи расмии Кумитаи миллии олимпии Тоҷикистон 9-11 апрели соли равон дар шаҳри Алмаатои Қазоқистон мусобиқаи интихобии олимпии қораи Осиё оид ба гуштин баргузор шуд.
Бино ба иттилоои манбаъ ин дуюмин мусобиқаи сатҳи баланди интихоби варзишгарон ба Бозиҳои олимпии Токио буда, дар ҳар категорияи вазнӣ иштирокчиёни финал соҳиби роҳхати Бозиҳои олимпӣ гардиданд.
Дар мусобиқа беш аз 200 варзишгар аз 24 давлати Осиё барои 36 роҳхат ба Токио талош карданд. Аз ҷумҳурии мо дар гуштини юнонӣ-римӣ Фирӯз Мирзораҷабов (60кг), Шероз Очилов (67кг), Ҳабиб Зуҳуров (77кг), Суҳроб Абдулҳаев (87кг), Мирзоамин Сафаров (97кг), дар гуштини бонувон Ватансултон Шакаршоева (53кг) ва дар гуштини тарзи озод Муҳаммад Икромов (57кг), Ҷамшед Шарифов (65кг), Ғуломҷон Шарипов (74кг), Баҳодур Қодиров (86кг), Искандари Рустам (125кг) ба Алмаато сафарбар гардиданд.
Мутаассифона, варзишгарони мо натавонистанд, ба финали мусобиқот роҳ ёбанд. Дар равияи гуштини юнонӣ-римӣ Фирӯз Мирзораҷабов дар вазни -60кг ва дар равияи тарзи озод Муҳаммад Икромов дар вазни -57кг медали биринҷӣ гирифтанд.
Фирӯз дар чорякфинал варзишгари Муғулистон Давабандӣ Мунх Эрдинеро мағлуб кард, вале дар нимфинал аз намояндаи Чин Сайлик Валиҳан шикаст хурд. Сипас дар қувваозмоӣ барои ҷои сеюм бар варзишгари Кувейт Муҳаммад Ал-Аҷамӣ ғолиб омад.
Дар ин равия Ҳабибҷон Зуҳуров дар вазни -77кг ҷои панҷумро сазовор гашт. Муҳаммад Икромов дар чорякфинал бар варзишгари Туркманистон Розгелдӣ Сейидов пирӯз шуд, аммо дар нимфинал аз намояндаи Чин Мингҳу Лиу шикаст хурд. Ӯ сипас дар нерӯсанҷӣ барои ҷои сеюм Тувшинтулда Тумебилеги муғулистониро мағлуб кард.
Баҳодур Қодиров дар вазни -86кг сазовори ҷои панҷум гардид.
Гуштингирони мо дар равияҳои тарзи озод ва юнонӣ-римӣ як имконияти дигари ба даст овардани роҳхати Бозиҳои олимпиро доранд. 6-9 май дар шаҳри Софияи Булғористон мусобиқаи интихобии олимпии ҷаҳон доир мегардад. Дар ин мусобиқа низ иштирокчиёни финал дар ҳар вазн ҳуқуқи иштирок дар Бозиҳои олимпии Токиоро пайдо мекунанд.
Қ. МАҲМАДҶОНОВ, “ҶТ”
Бино ба иттилоои манбаъ ин дуюмин мусобиқаи сатҳи баланди интихоби варзишгарон ба Бозиҳои олимпии Токио буда, дар ҳар категорияи вазнӣ иштирокчиёни финал соҳиби роҳхати Бозиҳои олимпӣ гардиданд.
Дар мусобиқа беш аз 200 варзишгар аз 24 давлати Осиё барои 36 роҳхат ба Токио талош карданд. Аз ҷумҳурии мо дар гуштини юнонӣ-римӣ Фирӯз Мирзораҷабов (60кг), Шероз Очилов (67кг), Ҳабиб Зуҳуров (77кг), Суҳроб Абдулҳаев (87кг), Мирзоамин Сафаров (97кг), дар гуштини бонувон Ватансултон Шакаршоева (53кг) ва дар гуштини тарзи озод Муҳаммад Икромов (57кг), Ҷамшед Шарифов (65кг), Ғуломҷон Шарипов (74кг), Баҳодур Қодиров (86кг), Искандари Рустам (125кг) ба Алмаато сафарбар гардиданд.
Мутаассифона, варзишгарони мо натавонистанд, ба финали мусобиқот роҳ ёбанд. Дар равияи гуштини юнонӣ-римӣ Фирӯз Мирзораҷабов дар вазни -60кг ва дар равияи тарзи озод Муҳаммад Икромов дар вазни -57кг медали биринҷӣ гирифтанд.
Фирӯз дар чорякфинал варзишгари Муғулистон Давабандӣ Мунх Эрдинеро мағлуб кард, вале дар нимфинал аз намояндаи Чин Сайлик Валиҳан шикаст хурд. Сипас дар қувваозмоӣ барои ҷои сеюм бар варзишгари Кувейт Муҳаммад Ал-Аҷамӣ ғолиб омад.
Дар ин равия Ҳабибҷон Зуҳуров дар вазни -77кг ҷои панҷумро сазовор гашт. Муҳаммад Икромов дар чорякфинал бар варзишгари Туркманистон Розгелдӣ Сейидов пирӯз шуд, аммо дар нимфинал аз намояндаи Чин Мингҳу Лиу шикаст хурд. Ӯ сипас дар нерӯсанҷӣ барои ҷои сеюм Тувшинтулда Тумебилеги муғулистониро мағлуб кард.
Баҳодур Қодиров дар вазни -86кг сазовори ҷои панҷум гардид.
Гуштингирони мо дар равияҳои тарзи озод ва юнонӣ-римӣ як имконияти дигари ба даст овардани роҳхати Бозиҳои олимпиро доранд. 6-9 май дар шаҳри Софияи Булғористон мусобиқаи интихобии олимпии ҷаҳон доир мегардад. Дар ин мусобиқа низ иштирокчиёни финал дар ҳар вазн ҳуқуқи иштирок дар Бозиҳои олимпии Токиоро пайдо мекунанд.
Қ. МАҲМАДҶОНОВ, “ҶТ”
Эзоҳи худро нависед