Комроншоҳи Устопириён ва Темур Раҳимов, паҳлавонони тоҷик, ки ба финали мусобиқоти Чемпионати Осиё оид ба ҷудо дар шаҳри Фуҷайраи Имороти Муттаҳидаи Араб роҳ пайдо карда буданд, дар даври ниҳоӣ аз рақибони хуб шикаст хӯрда сазовори медалҳои нуқраи мусобиқа гардиданд.

Комроншоҳи Устопириён, ки дар вазни зери 90 кило рақобатро аз даври дуюм оғоз кард, нахуст Давлат Бобонови ӯзбекистониро шикаст дод. Баъдан бар гуштигири Чин Небилиг Бу ғолиб омада, ба даври ниманиҳоӣ роҳ ёфт. Ӯ дар нимфинал бар Ислом Бозбоеви қазоқ дастболо шуда, дар даври финалӣ аз ҳарифи ҷопонии худ Косуке Машияма шикаст хӯрда сазовори медали биринҷӣ гардид.

Темур Раҳимов, ки дар вазни беш аз 100 кило Тоҷикистонро намояндагӣ мекард, рақобатро аз даври дуюм шуруъ кард, бар Ракан Зайдон (Арабистони Саудӣ) пирӯзӣ ба даст овард. Сипас бар Дууренбаяр Улзиибаяр (Муғулистон) ғолиб омада, ба нимфинал баромад. Темур дар даври ниманиҳоӣ бар Юрий Краковетский аз Қирғизистон ғолиб омада, ба финал баромад. Дар ин давр аз рақибаш Сунгмин Ким (Кореяи Ҷанубӣ) шикаст хӯрда сазовори медали нуқра гардид. 

Ёдовар мешавем, дар мусобиқоти Чемпионати Осиё 273 варзишгар (174 мард ва 99 зан) аз 40 кишвар ширкат карда, аз рӯи 14 дараҷаи вазнҳо – 7 вазн миёни мардон, 7 вазн миёни занон байни ҳам сабқат намуданд.