ВАРЗИШ
Шанбе 25 Май 2024 04:04
2396
Кумитаи иҷроияи Федератсияи футболи Тоҷикистон, шумораи дастаҳои иштирокчии лигаи олии чемпионати мамлакатро тасдиқ кард.

Тавре пештар иттилоъ дода будем, дар 26-умин Чемпионати Тоҷикистон 8 даста иштирок мекунанд. Дар асоси хулосаи Лигаи футболи Тоҷикистон, Кумитаи иҷроияи ФФТ ҳашт дастаро ба лигаи олӣ иҷозат дод: "Истиқлол", "Барқчӣ", КМВА "Помир" (ҳама аз Душанбе), "Ҳосилот" (Фархор), "Регар-ТадАЗ" (Турсунзода), "Хуҷанд" (Хуҷанд), "Вахш" (Қурғонтеппа) ва ғолиби лигаи аввали мавсими гузашта "Панҷшер"-и ноҳияи Ҷалолиддин Балхӣ.    

Дар ҷаласаи кумиҷроия иттилоъ дода шуд, ки дастаҳои "Хайр" (Ваҳдат) ва "Равшан" (Кӯлоб) муқаррароти Лигаи футболи Тоҷикистон ва Конфедератсияи футболи Осиёро нагузаштанд ва ба лигаи аввал гузаронида шуданд. "Равшан" проблемаи ҷиддии маблағ дорад, "Хайр" низ камбуди маблағ дорад, ҳамчунин варзишгоҳаш дар ҳолати ногувор қарор дорад.

Тибқи муқаррароти КФО, дар сурати ба талабот ҷавобгӯ набудан клубҳо ба бозиҳои байналмилалӣ роҳ дода намешаванд.

Чемпионати Тоҷикистон-2017 дар се марҳила мегузарад. Ҳар даста 21 бозӣ анҷом медиҳад. Қуръакашии ҷадвали бозиҳои лигаи олӣ 10 феврал доир мегардад.

Дар ҷаласа рӯзи баргузории бозӣ барои Абарҷоми Тоҷикистон миёни "Истиқлол" ва "Ҳосилот" эълон шуд. Вохӯрӣ 4-уми март дар варзишгоҳи Ҳисор, ки 25 ҳазор ҷои нишаст дорад, баргузор мешавад.

Эзоҳи худро нависед



Рамзҳо дар расм