ВАРЗИШ
Якшанбе 08 Сентябр 2024 04:29
![10029](/upload/iblock/fa2/%D0%A1%D0%B0%D1%80%D0%BC%D1%83%D1%80%D0%B0%D0%B1%D0%B1%D3%A3.jpg)
Федератсияи футболи Тоҷикистон имрӯз номи сармураббии нави тими миллии Тоҷикистонро эълон кард.
Мутахассиси 53-солаи гурҷӣ Гела Шекиладзе, ки қаблан ёвари Петр Сегрт буд, акнун сармураббии нави тими миллии Тоҷикистон таъйин шудааст.
Тамоми ситоди мураббиёни мунтахаби Тоҷикистон, ки ду соли охир дар даста кор кардааст, бо тими миллии кишвар ҳамкориро идома медиҳад. Ёвари Шекиладзе мутахассиси дигари гурҷӣ Тамаз Бокерия хоҳад буд. Алишер Тӯйчиев мураббии дарвозабонони тими миллии Тоҷикистон ва Алифбек Беромов мураббӣ-таҳлилгари даста боқӣ мемонанд.
Гела Шекиладзе айёми футболбозӣ дар дастаҳои “Динамо-Батуми” (Гурҷистон), “Лйерс” (Белгия), “Руселаре” (Белгия), “Арсенал” (Украина) ва ССКА (Украина) ба ҳайси ҳимоятгар бозӣ кардааст. Вай дар ҳайати тими миллии Гурҷистон 22 бозӣ анҷом додааст.
Солҳои 2007-2011 Гела Шекиладзе дастаҳои миллии Гурҷистонро (U-15, U-16, U-19, U-21) роҳбарӣ намудааст. Илова бар ин, Шекиладзе ёвари сармураббӣ Петр Сегрт дар тимҳои миллии Гурҷистон, Афғонистон, Молдив ва Тоҷикистон буд.
Гела Шекиладзе дорои иҷозатномаи мураббигии категорияи “Pro”-и УЕФА мебошад.
Мутахассиси 53-солаи гурҷӣ Гела Шекиладзе, ки қаблан ёвари Петр Сегрт буд, акнун сармураббии нави тими миллии Тоҷикистон таъйин шудааст.
Тамоми ситоди мураббиёни мунтахаби Тоҷикистон, ки ду соли охир дар даста кор кардааст, бо тими миллии кишвар ҳамкориро идома медиҳад. Ёвари Шекиладзе мутахассиси дигари гурҷӣ Тамаз Бокерия хоҳад буд. Алишер Тӯйчиев мураббии дарвозабонони тими миллии Тоҷикистон ва Алифбек Беромов мураббӣ-таҳлилгари даста боқӣ мемонанд.
Гела Шекиладзе айёми футболбозӣ дар дастаҳои “Динамо-Батуми” (Гурҷистон), “Лйерс” (Белгия), “Руселаре” (Белгия), “Арсенал” (Украина) ва ССКА (Украина) ба ҳайси ҳимоятгар бозӣ кардааст. Вай дар ҳайати тими миллии Гурҷистон 22 бозӣ анҷом додааст.
Солҳои 2007-2011 Гела Шекиладзе дастаҳои миллии Гурҷистонро (U-15, U-16, U-19, U-21) роҳбарӣ намудааст. Илова бар ин, Шекиладзе ёвари сармураббӣ Петр Сегрт дар тимҳои миллии Гурҷистон, Афғонистон, Молдив ва Тоҷикистон буд.
Гела Шекиладзе дорои иҷозатномаи мураббигии категорияи “Pro”-и УЕФА мебошад.
Эзоҳи худро нависед