Ба ифтихори “Соли ҷавонон” ва 20 – солагии Рӯзи Ваҳдати миллӣ дар ноҳияи Ванҷ толори варзишии “Нориён” мавриди истифодабарӣ қарор гирифт.

Ба гуфтаи Масрур Ғайратов, мудири Бахши кор бо ҷавонон ва варзиши ноҳия ин толори замонавӣ бо ташаббуси Мақомоти иҷроияи маҳаллии ҳокимияти давлатии ноҳия сохта шуда, дар маросими ифтитоҳи он Давлатбибӣ Раҷабова, раиси ноҳияи Ванҷ, роҳбарони идораву сохторҳои қудратӣ, варзишгарон ва ҷавонон ширкат варзиданд.

Роҳбарияти ноҳия кушодашавии ин толорро иқдоми саривақтӣ ҳисобида, арз доштанд, ки он баҳри солимии ҷавонону наврасони ноҳия нақши муҳим мебозад. 

Толор дорои утокҳои барҳаво барои фитнеси мардонаву занона, тамрини бокс, гӯштин, саққобозӣ (биллярд) ва ғайра пешбинӣ гардида, дар як баст метавонад зиёда аз 150 нафар варзишгарро қабул намояд.

Машҳур ИМОМНАЗАРОВ, “ҶТ”