14-уми августи соли 2024 соати 8:00 ҳайати дастаи мунтахаби кишвар бо дастоварди олимпӣ тариқи хатсайри Париж - Тошканд - Душанбе ба Ватан бармегарданд.

Дар ин бора маркази таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар додааст.

Дар хабар омадааст, “аз ҳаводорону дӯстдорони варзиши тоҷик дархост карда мешавад, ки барои пешвози гарму самимии таърихсозони варзиши тоҷик бо руҳияи баланди тоҷикона ва эҳсоси гарми ватандӯстӣ дар назди Фурӯдгоҳи байналмилалии шаҳри Душанбе ҳозир шавед.

Варзишгаронамонро сазовор истиқбол мегирем!”.