ВАРЗИШ
Якшанбе 08 Сентябр 2024 09:37
![3598](/upload/iblock/aa3/%D0%91%D0%B5%D0%B7-%D0%B8%D0%BC%D0%B5%D0%BD%D0%B8-1.jpg)
Имрӯз, 25 октябр, дар Фурӯдгоҳи байналмилалии Душанбе варзишгарону мухлисон ва мутассадиёни соҳаи варзиши кишвар дар даст Парчаму шиорҳои варзишӣ ба хотири истиқболи паҳлавони номдори тоҷик Сомон Маҳмадбеков ҷамъ омаданд.
Сомон Маҳмадбеков дар чемпионати ҷудои ҷаҳон, ки рӯзҳои 18-21 октябр дар шаҳри Загреби Хорватия баргузор шуд, соҳиби медали биринҷӣ гардида, имрӯз ба Ватан баргашт. Мутассадиёни соҳаи варзиши кишвар барои истиқболи паҳлавони ҷавони тоҷик фазои идона ташкил намуда, ӯро бо гулдастаҳо истиқбол намуданд. Бо наздик шудан баробар мутассадиёни соҳаи варзиши кишвар ба паҳлавони тоҷик тоқию ҷомаи тоҷикӣ пӯшонданд.
Сипас, Аҳтам Абдуллозода, раиси Кумитаи кор бо ҷавонон ва варзиш ба Сомон ва аҳли оилаи ӯ суҳбат ороста, ифтихорномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва туҳфаи пулии Кумитаи миллии олимпии кишварро тақдим намуд.
- Шумо, ки панҷ соли охир дар Федератсияи Русия тамрин мекунед ва имкони аз он кишвар ҳунарнамоӣ намуданро доштед, вале Ватани аслии худро интихоб намудед, ин ғурур ва ҳисси миллии Шумо боиси ифтихори ҳар як варзишгари мамлакат мебошад. Ҳукумати кишвар ҳамеша хизматҳои варзишгаронро қадр менамояд ва мо дар мусобиқаҳои оянда ба шумо барои муаррифии давлату миллат муваффақиятҳои бештар таманно мекунем, - афзуд Аҳтам Абдуллозода.
![22.jpg 22.jpg](/upload/medialibrary/874/22.jpg)
Сомон Маҳмадбеков феълан дар шаҳри Иркутски Русия таҳти роҳбарии мураббиёнаш Эргаш ва Фотеҳ Маҳмадбековҳо тамрин менамояд. Новобаста аз муқимӣ будану тамрин намудан дар давлати Русия, ӯ ҳамеша дар мусобиқоти байналмилалӣ Тоҷикистонро муаррифӣ мекунад.
Зимни суҳбат Сомон таъкид намуд, ки чемпионати ҷаҳонии имсола миёни ҷавонон дар сатҳи баланд доир гардид ва беҳтаринҳои ҷаҳонро ба ҳам оварда буд: “Барои иштирок дар чемпионати мазкур тайёрии ҳамаҷониба гирифта будем. Мусобиқа дар сатҳи баланд доир гардид ва барои ба даст овардани медалҳо беҳтаринҳо вориди сабқат гардиданд. Ман хурсандам, ки дар чунин мусобиқаи бонуфӯз Парчами Ватани азизамонро дар зинаи сеюм муаррифӣ намудам. Ҳарчанд бароям осон набуд, вале баъди талошҳои зиёд худро дар қатори сегонаи ҷаҳон ҷо намудам”.
Сомон миёни варзишгарони синашон то 21-сола дар вазни 66 кило рақибонаш Саини Сингҳ (Ҳиндустон) ва Исмоил Иброҳимовро (Озарбойҷон) шикаст дода, аз Даниел Каргнин (Бразилия) мағлуб гашт. Ӯ барои мақоми сеюм боз ду рақиби дигар - Рока Касес Салвадори (Испания) ва Яъқуб Ҷаводовро (Озарбойҷон) шикаст дода медали биринҷиро ба гардан овехт.
Эргаш Маҳмадбеков, устоди Сомон, ки дар давлати Русия ба ҳайси раиси Федератсияи гӯштини ҷудои шаҳри Иркутск фаъолият дорад, ин дастовардро барои Сомони ҷавон хуб арзёбӣ намуд: “Имсол барои Сомон Маҳмадбеков фаромӯшнашаванда хоҳад буд. Зеро дар 4-5 мусобиқаи байналмилалӣ кишварамонро дар мақомҳои ифтихорӣ муаррифӣ намуд. Дар чемпионати ҷаҳон Сомон миёни 590 варзишгар аз ҳама хурд буд. Ӯ бо беҳтаринҳои қораи Осиёву Аврупо ва ҷаҳон рақобат намуд ва ин нишондод барои ин варзишгари ҷавон хуб аст. Ҳарчанд баъди ғолиб гардидан дар Ҷоми Африқову Аврупо пешниҳодҳои зиёд шуд, ки дар мусобиқаҳои минбаъда аз номи Русия баромад кунад, вале Сомон ин ҳама таклифҳоро рад намуд. Мо кӯшиш мекунем, ки дар мусобиқаҳои баъдӣ Тоҷикистони азизамонро дар арсаи ҷаҳон дар зинаҳои аз ин ҳам баланд муаррифӣ намоем”.
Тибқи иттиллои сомонаи расмии Федератсияи байналмилалии ҷудо (IJF) дар чемпионати ҷаҳон миёни ҷавонони солҳои таваллудашон 1997-99 590 варзишгар (писарону духтарон) аз 83 кишвар миёни ҳам рақобат карданд. Тоҷикистонро 10 варзишгар: Сӯҳроб Боқиев (вазни 60 кило), Сомон Маҳмадбеков, Муҳаммадраҳим Сарахонов (66 кило), Хайёмиддин Ҷабборов, Эраҷ Абдуллоев ( 73 кило), Раҳматуллобек Фарҳодов, Ҷаҳонгир Маҷидов (81 кило), Муртазо Аминов (90 кило), Темур Раҳимов ва Шакармамад Мирмамадов (100 кило) муаррифӣ намуданд, ки дар қатори Сомон Маҳмадбеков Темур Раҳимов, варзишгари дигари тоҷик низ дар вазни 100 кило зинаи сеюумро касб намуд.
- Ин фурсатро истифода намуда, ба мутассадиёни соҳаи варзиш ва онҳое, ки имрӯз ба хотири фарзанди ман ҷамъ омаданду як фазои идонаро ташкил намуданд, сипос мерасонам. Ман хушбахтам, ки ба хотири фарзанди ман Парчами кишвар дар зинаи ифтихорӣ дар чемпионати ҷаҳон парафшон гардид. Рости гап, вақте ки ҳунарнамоии писарамро тариқи телевизион намоиш доданд, ҷуръате накардам, ки тамошо кунам ва ба берун баромадам. Танҳо лаҳзаи ҷоизасупориро тамошо кардам, ки бисёр фараҳманд буд, - афзуд Моёншоҳ Маҳмадбеков, падари Сомон.
Ёдовар мешавем, ки Сомон Маҳмадбеков дар Ҷоми Африқо миёни наврасон, ки моҳи апрели соли равон дар Тунис баргузор шуд, медали тилло ба даст овард. Инчунин, ӯ дар Ҷоми Аврупо миёни ҷавонон, ки моҳи август дар шаҳри Аради Руминия барпо гардид, медали тилло ба даст оварда буд.
![фурудгоҳ.jpg фурудгоҳ.jpg](/upload/medialibrary/61b/фурудгоҳ.jpg)
Сомон Маҳмадбеков дар чемпионати ҷудои ҷаҳон, ки рӯзҳои 18-21 октябр дар шаҳри Загреби Хорватия баргузор шуд, соҳиби медали биринҷӣ гардида, имрӯз ба Ватан баргашт. Мутассадиёни соҳаи варзиши кишвар барои истиқболи паҳлавони ҷавони тоҷик фазои идона ташкил намуда, ӯро бо гулдастаҳо истиқбол намуданд. Бо наздик шудан баробар мутассадиёни соҳаи варзиши кишвар ба паҳлавони тоҷик тоқию ҷомаи тоҷикӣ пӯшонданд.
Сипас, Аҳтам Абдуллозода, раиси Кумитаи кор бо ҷавонон ва варзиш ба Сомон ва аҳли оилаи ӯ суҳбат ороста, ифтихорномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва туҳфаи пулии Кумитаи миллии олимпии кишварро тақдим намуд.
- Шумо, ки панҷ соли охир дар Федератсияи Русия тамрин мекунед ва имкони аз он кишвар ҳунарнамоӣ намуданро доштед, вале Ватани аслии худро интихоб намудед, ин ғурур ва ҳисси миллии Шумо боиси ифтихори ҳар як варзишгари мамлакат мебошад. Ҳукумати кишвар ҳамеша хизматҳои варзишгаронро қадр менамояд ва мо дар мусобиқаҳои оянда ба шумо барои муаррифии давлату миллат муваффақиятҳои бештар таманно мекунем, - афзуд Аҳтам Абдуллозода.
![22.jpg 22.jpg](/upload/medialibrary/874/22.jpg)
Сомон Маҳмадбеков феълан дар шаҳри Иркутски Русия таҳти роҳбарии мураббиёнаш Эргаш ва Фотеҳ Маҳмадбековҳо тамрин менамояд. Новобаста аз муқимӣ будану тамрин намудан дар давлати Русия, ӯ ҳамеша дар мусобиқоти байналмилалӣ Тоҷикистонро муаррифӣ мекунад.
Зимни суҳбат Сомон таъкид намуд, ки чемпионати ҷаҳонии имсола миёни ҷавонон дар сатҳи баланд доир гардид ва беҳтаринҳои ҷаҳонро ба ҳам оварда буд: “Барои иштирок дар чемпионати мазкур тайёрии ҳамаҷониба гирифта будем. Мусобиқа дар сатҳи баланд доир гардид ва барои ба даст овардани медалҳо беҳтаринҳо вориди сабқат гардиданд. Ман хурсандам, ки дар чунин мусобиқаи бонуфӯз Парчами Ватани азизамонро дар зинаи сеюм муаррифӣ намудам. Ҳарчанд бароям осон набуд, вале баъди талошҳои зиёд худро дар қатори сегонаи ҷаҳон ҷо намудам”.
Сомон миёни варзишгарони синашон то 21-сола дар вазни 66 кило рақибонаш Саини Сингҳ (Ҳиндустон) ва Исмоил Иброҳимовро (Озарбойҷон) шикаст дода, аз Даниел Каргнин (Бразилия) мағлуб гашт. Ӯ барои мақоми сеюм боз ду рақиби дигар - Рока Касес Салвадори (Испания) ва Яъқуб Ҷаводовро (Озарбойҷон) шикаст дода медали биринҷиро ба гардан овехт.
Эргаш Маҳмадбеков, устоди Сомон, ки дар давлати Русия ба ҳайси раиси Федератсияи гӯштини ҷудои шаҳри Иркутск фаъолият дорад, ин дастовардро барои Сомони ҷавон хуб арзёбӣ намуд: “Имсол барои Сомон Маҳмадбеков фаромӯшнашаванда хоҳад буд. Зеро дар 4-5 мусобиқаи байналмилалӣ кишварамонро дар мақомҳои ифтихорӣ муаррифӣ намуд. Дар чемпионати ҷаҳон Сомон миёни 590 варзишгар аз ҳама хурд буд. Ӯ бо беҳтаринҳои қораи Осиёву Аврупо ва ҷаҳон рақобат намуд ва ин нишондод барои ин варзишгари ҷавон хуб аст. Ҳарчанд баъди ғолиб гардидан дар Ҷоми Африқову Аврупо пешниҳодҳои зиёд шуд, ки дар мусобиқаҳои минбаъда аз номи Русия баромад кунад, вале Сомон ин ҳама таклифҳоро рад намуд. Мо кӯшиш мекунем, ки дар мусобиқаҳои баъдӣ Тоҷикистони азизамонро дар арсаи ҷаҳон дар зинаҳои аз ин ҳам баланд муаррифӣ намоем”.
Тибқи иттиллои сомонаи расмии Федератсияи байналмилалии ҷудо (IJF) дар чемпионати ҷаҳон миёни ҷавонони солҳои таваллудашон 1997-99 590 варзишгар (писарону духтарон) аз 83 кишвар миёни ҳам рақобат карданд. Тоҷикистонро 10 варзишгар: Сӯҳроб Боқиев (вазни 60 кило), Сомон Маҳмадбеков, Муҳаммадраҳим Сарахонов (66 кило), Хайёмиддин Ҷабборов, Эраҷ Абдуллоев ( 73 кило), Раҳматуллобек Фарҳодов, Ҷаҳонгир Маҷидов (81 кило), Муртазо Аминов (90 кило), Темур Раҳимов ва Шакармамад Мирмамадов (100 кило) муаррифӣ намуданд, ки дар қатори Сомон Маҳмадбеков Темур Раҳимов, варзишгари дигари тоҷик низ дар вазни 100 кило зинаи сеюумро касб намуд.
- Ин фурсатро истифода намуда, ба мутассадиёни соҳаи варзиш ва онҳое, ки имрӯз ба хотири фарзанди ман ҷамъ омаданду як фазои идонаро ташкил намуданд, сипос мерасонам. Ман хушбахтам, ки ба хотири фарзанди ман Парчами кишвар дар зинаи ифтихорӣ дар чемпионати ҷаҳон парафшон гардид. Рости гап, вақте ки ҳунарнамоии писарамро тариқи телевизион намоиш доданд, ҷуръате накардам, ки тамошо кунам ва ба берун баромадам. Танҳо лаҳзаи ҷоизасупориро тамошо кардам, ки бисёр фараҳманд буд, - афзуд Моёншоҳ Маҳмадбеков, падари Сомон.
Ёдовар мешавем, ки Сомон Маҳмадбеков дар Ҷоми Африқо миёни наврасон, ки моҳи апрели соли равон дар Тунис баргузор шуд, медали тилло ба даст овард. Инчунин, ӯ дар Ҷоми Аврупо миёни ҷавонон, ки моҳи август дар шаҳри Аради Руминия барпо гардид, медали тилло ба даст оварда буд.
![фурудгоҳ.jpg фурудгоҳ.jpg](/upload/medialibrary/61b/фурудгоҳ.jpg)
Эзоҳи худро нависед