Қаҳрамони кунунии Тоҷикистон тими “Истиқлол”-и Душанбе дирӯз барои тамрин ба шаҳри Анталияи Туркия сафар намуд. Даста дар Анталия 4 бозии рафиқона бо дастаҳои пурқуввати  қораи Осиё ва Аврупо анҷом медиҳад.

Бозии нахустини худро дастаи Истиқлол фардо, 19 январ бо қаҳрамони дукаратаи Озорбойҷон тими “Интер”-и (Боку) баргузор менамояд (оғози бозӣ бо вақти Душанбе 20.00).

Дастаи Муҳсин Муҳамаддиев рӯзи 23 январ бо рақиби дуюми худ тими “Кайсар”и Қазоқистон рақобат менамояд.

Бозиҳои сеюм ва чорумро дастаи “Истиқлол” бо тимҳои “Пандур”и Руминия ( 26 январ) ва “Енисея”-и лигаи якуми Русия (30 январ)барпо менамояд.

Ҳамаи бозиҳои рафиқона дар майдони тамринии “The Sense Deluxe”-и Анталия гузаронида мешавад.

Ёдовар мешавем, ки нахустин бозии байналмилалии дастаи Истиқлол 14 март барои Ҷоми КФО баргузор мегардад.  

Шаҳбози АСОМИДДИН,"ҶТ"