Дар доираи омодагӣ ба мавсими нави футбол тими "Истиқлол"-и Душанбе дар Туркия бозии навбатии санҷишӣ гузаронд. Ин навбат шогирдони Муҳсин Муҳаммадиев дар рӯ ба рӯи тими "Пандурий"-и Руминия қарор гирифтанд.

Бозӣ бо ғалабаи тими Руминия анҷом ёфт - 1:0. Тақдири бозиро дар дақиқаи 33 ҳамлагар Драгош Фиртулеску ҳал кард.

Барои чемпиони Тоҷикистон ин сеюм бозии санҷишӣ дар доираи машғулиятҳои омӯзишиву машқӣ дар Туркия буд. Қаблан "Истиқлол" бо дастаҳои "Интер"-и Озарбойҷон (1:2) ва "Қайсар"-и Қазоқистон (1:3) бозӣ карда буд.  

Бозии чорум ва ниҳоии "Истиқлол" дар Анталия 30 январ бо клуби "Енисей" (Красноярск, Русия) ба нақша гирифта шудааст.