Бо ташаббуси Раиси Маҷлиси миллии Маҷлиси Олии Ҷумҳурии Тоҷикистон, раиси шаҳри Душанбе муҳтарам Рустами Эмомалӣ ва раиси Федератсияи ҷудои Тоҷикистон Исмоили Маҳмадзоир дар ҳамоҳангӣ бо Федератсияи байналмилалии ҷудо сар аз соли 2024 пойтахти Тоҷикистон - шаҳри Душанбе мизбони яке аз мусобиқаҳои Сайри ҷаҳонии ҷудо “Grand Slam” мегардад.

Дар ин бора Федератсияи ҷудои Тоҷикистон хабар додааст.

Бино ба хабар, аввалин мусобиқаи байналмилалии “Гран-Слами Душанбе-2024” рӯзҳои 3-5 май ба нақша гирифта шудааст.
Ёдовар мешавем, ки соли гузашта бори нахуст “Гран-При-Душанбе-2023” роҳандозӣ гардида буд, ки дар он ҷудокорони 40 кишвари ҷаҳон ширкат карда буданд.

Ҳамакнун варзишгарони беҳтарини сайёра барои касби имтиёзҳои рейтингӣ ба Гранд Слами Душанбешаҳр меоянд.