Бахшида ба “Соли ҷавонон” ва 20-солагии Рӯзи Ваҳдати миллӣ китоби рӯзноманигор Шодихони Назар таҳти унвони “Варзиш - соҳаи мавриди назари Пешвои миллат Эмомалӣ Раҳмон” дар чопхонаи ҶДММ «Бухоро» ба табъ расид.

Китоб маҷмӯи мақола ва мусоҳибаҳои муаллифро дар бар мегирад, ки бо ғолибони мусобиқаҳои байналхалқӣ, варзишгарони барандаи Ҷоизаи Президенти Ҷумҳурии Тоҷикистон давоми як сол дар ҳафтаномаи «Ҷавонони Тоҷикистон» ба нашр расидаанд.  

Ҳамчунин дар аввали китоб муаллиф зери сарлавҳаи “Мафҳуми варзиш дар шинохти пешвои миллат” иқтибосҳоро аз суханрониҳои Президенти мамлакат, муҳтарам Эмомалӣ Раҳмон доир ба нақши варзиш дар таъмини ҳаёти солим ҷамъоварӣ кардааст.

Муаллиф дар китоб бо мутахассисону варзишгарони кишвар суҳбат ороста фазои варзиши Тоҷикистон дар се марҳила: пеш аз олимпиядаи Рео-Де-Жанейрои Бразилия -2016, давраи олимпиада ва баъди олимпиада иникос намудааст. Китоби “Варзиш - соҳаи мавриди назари Пешвои миллат Эмомалӣ Раҳмон” бо теъдоди 300 нусха ба нашр расида, ба ҳаводорони соҳаи варзиш пешбинӣ шудааст.