ВАРЗИШ
Панҷшанбе 26 Декабр 2024 05:50
Комроншоҳи Устопириён, ҷудокори маъруфи тоҷик корномаи варзишиашро ба анҷом расонид. Рӯзи 5-уми октябр дар ҷараёни мусобиқаи қаҳрамонии ҷудо миёни ҷавонон дар Душанбе, ба Устопириён ҷомаи фахрӣ пӯшониданд.
Комроншоҳи Устопириён 31 сол дошта, барандаи даҳҳо медал аз мусобиқаҳои ҷаҳонӣ аст. Аз ҷумла, ин варзишгар аввалин ва то имрӯз ягона қаҳрамони ҷудои мардони Осиё аз Тоҷикистон аст, ки ду маротиба ба он даст ёфтааст. Комроншоҳи Устопириён ҳамчунин аз чандин сабқатҳои Гран-при ва Гранд сламҳо ба Тоҷикистон медал овардааст. Ӯ дорандаи 4 медали тиллои Гранд При, ду медали Чемпионати Осиё ва иштирокчии се каратаи Бозиҳои олимпӣ аз намуди гӯштини ҷудо мебошад.
Аз намуди гӯштини самбо чор маротиба қаҳрамони ҷаҳон байни наврасону ҷавонон ва як маротиба қаҳрамони ҷаҳон байни ситорагони самбои ҷаҳон гардидааст.
Дар ин шумора мехоҳем бобати бармаҳал тарки майдон намудани паҳлавони номошно, корномаи гузаштаи варзишӣ, хотироташ аз мулоқотҳо бо Пешвои миллат ва нақшаҳои ояндаи ӯ гуфта бошем.
- Шумо дар авҷи шуҳрати хеш корномаи варзишии худро ҷамъбаст кардед, дар ҳоле, ки мухлисони гӯштин аз шумо умедҳои зиёд дош-танд. Ба ин зудӣ хатми корнома намудани шуморо сабаб чӣ буд?
- Дуруд. Ман аз синни сесолагӣ гӯштинро оғоз кардам ва бисёр хушбахтам, ки дар се Бозиҳои олимпӣ иштирок намудам ва дар олами гӯштини ҷудо ба дастовардҳои зиёде ноил гардидам. Ҳамеша орзу мекардам ҷоизадори Бозиҳои олимпӣ гардам, аммо насиб набудааст. Сабаби ҷамъбаст намудани корномаи ман ҳам рабт дорад ба Бозиҳои олимпӣ. Дар ҳоли ҳозир ман 31 сол дорам ва то Олимпиадаи навбатӣ 35-сола мешавам, ки дар ин синну сол тамрини пайваста ва тайёрӣ ба ин сабқати рақами як барои ҳар як варзишгар мушкил хоҳад буд. Тавре шумо огоҳед, мусобиқаҳои гӯштини ҷудо ниҳоят зиёданд ва аз варзишгар тамрини пайвастаро талаб мекунад ва бо каме солхӯрда шудан, дигар барои ҳар мусобиқа 7-8 кг вазн кам кардан барои мо мушкил мешавад. Ба ҳамин хотир, бо мураббиёнам ба хулосае омадем, ки корномаамро ҷамъбаст кунам.
- Пас аз Бозиҳои олимпии Париж-2024, яку якбора эълон кардед, ки тарки гӯштин мекунед. Магар мағлубият дар Бозиҳои олимпӣ ба руҳияи шумо таъсири бад гузошт?
- Ман қабл аз Бозиҳои олимпии Париж-2024 дар саҳифаи инстаграмам эълон карда будам, ки Олимпиадаи Париж охирин мусобиқа дар корномаи ман хоҳад буд.
- Маросими хайрбоди шумо бо мухлисон бисёр ботантана баргузор гардид ва президенти Федератсияи ҷудои кишвар Исмоили Маҳмадзоҳир ба шумо ҷомаи фахрӣ пӯшонида, дар гӯшатон чизе гуфт. Агар махфӣ набошад, Исмоили Маҳмадзоҳир дар гӯшатон чӣ гуфт?
- Бале, Федератсияи ҷудои Тоҷикистон хайрбоди маро бо мухлисон бисёр дар сатҳи олӣ гузаронид. Маросими гуселам аз олами гӯштини ҷудо дар мусобиқаи Чемпионати ҷаҳонии гӯштини ҷудо, ки дар Душанбе баргузор гардида буд, хуб баргузор гардид. Президенти Федератсияи гӯштини ҷудо Исмоили Маҳмадзоҳир ба ман ҷомаи зардӯзии тоҷикона пӯшонида, дар гӯшам ҳеҷ сухани махфӣ нагуфт, танҳо барои солҳо парчамбардорӣ карданам барои Ватан аз сидқ изҳори миннатдорӣ намуд. Ман ҳам дар навбати худ барои кулли мухлисон, ки аз аввал то ба охир корномаи варзишии маро пайгирӣ намудаву бо ман буданд, аз самими қалб миннатдорӣ менамоям.
- Шумо умри азизи хешро сарфи тамрину ливобардорӣ барои меҳан кардед. Дар суҳбат бо хабарнигорон изҳор доштед, ки пас аз хатми корнома ба мураббигӣ машғул мегардед. Нақша доред, ки дар толори варзизии падаратон ба мураббигӣ машғул гардед ё онро дар Душанбе идома медиҳед?
- Ман аллакай фаъолияти мураббигиро оғоз намудам. Дар ҳоли ҳозир дар мактаби варзишии падарам “Устопириён” дар шаҳри Хуҷанд ва мактаби варзишии “Лангриев” дар ноҳияи Бобоҷон Ғафуров ба дӯстдорони гӯштини ҷудо таълим медиҳам. Дар мавриди ба Душанбе рафтану ба фаъолияти мураббигӣ машғул шуданам, ҳоло фикр накардам. Дар ин хусус бо мураббиям, ки падарам аст, суҳбат мекунам ва шояд ба ягон қарори аниқ омада тавонам.
- Аз ҷониби ягон мактаби варзишии ҷудои кишвар барои мураббӣ шудан то ҳол ба шумо пешниҳоди ҳамкорӣ шуд ё на?
- Пешниҳодҳо ниҳоят зиёданд. Баробари хатми корнома намуданам, ҳатто аз чанд кишварҳои хориҷ ҳам мактубҳо ба унвонам баҳри ҳамкорӣ расид, аммо ба ҳамааш ҷавоби рад додам. Ҳоло мехоҳам таҷрибаи омӯхтаи худро сараввал ба насли наврас ва дӯстдорони гӯштини ҷудои кишвар омӯзонам.
- Тавре ба мо маълум аст, шумо то соли 2008 дар навъи гӯштини самбо тамрин мекардед, аммо сабаб дар чӣ буд, ки яку якбора гӯштини ҷудоро интихоб кардед?
- Бале, аввал аз навъи гӯштини самбо машқу тамрин мекардам, аммо чун ин намуди гӯштин ғайриолимпӣ буд, ба намуди гӯштини ҷудо гузаштам ва ҳоло бар он меандешам, ки кори дурустеро анҷом додам.
- Шумо 4 маротиба соҳиби медали тиллои Гранд при ва 2 маротиба соҳиби медали тиллои Чемпионати Осиё гардидаед, аммо аз Гранд слам медали тилло надоред, сабаб дар чӣ бошад?
- Аз Гранд слам ҳам медал дорам, аммо нуқра аст. Аз Гранд слам медали тилло надоштанам, сабаби худро дорад. Бинед, чанд сол пеш сайри ҷаҳонии ҷудоро танҳо Гранд при мегуфтанд, ҳоло бошад онро ба ду қисм ҷудо намудаанд, Гранд при ва Гранд слам. Аз рӯи сатҳу сифат ҳарду як чиз аст. Паҳлавононе, ки дар Гранд при иштирок мекунанд, намояндагони Гранд слам ҳам ҳамон паҳлавононанд. Ба ҳамин хотир, давоми корномаи худ ман натавонистам медали тиллои Гранд сламро ба гардан овезам.
- Шумо байни ҷудокорони меҳан серҷоизатарин ба ҳисоб меравед. Ҷоизаи аз ҳама муҳиму азиз бароятон дар корномаи варзишӣ кадом ҷоиза аст?
- Бароям кулли дастовардҳоям арзиши баланд дорад. Фарқ надорад медали тилло бошад, нуқра ва ё биринҷӣ, чун ман ҳамаи онҳоро бо арақи ҷабин ба даст овардаам ва ҳар яки онҳо аз дигараш дар назарам хушрангтар менамояд.
- Соли 2015 калиди шоҳҷоизаи гӯштини миллӣ дар вилояти Суғд, автомобили Хундайро бевосита аз дасти Президенти кишвар муҳтарам Эмомалӣ Раҳмон гирифтед. Дар он ҷо Роҳбари давлат ҳунару маҳорати шуморо бисёр васфу ситоиш намуданд.
Ғайр аз он мусобиқа боз ягон маротибаи дигар аз дасти Роҳбари давлат ягон унвону ҷоиза гирифтед ва ё на?
- Бале, он рӯз ҳеҷ аз ёдам намеравад. Пешвои миллат худашон вориди майдон гардида, калиди шоҳҷоизаро ба ман тақдим карданд. Ҳангоми тақдими шоҳҷоиза Сарвари давлат ба ман гуфтад: “Устопириён, ҳарҷо рафтӣ, эҳсоси танҳоӣ накун, чунки анқариб 10 миллион аҳолии Тоҷикистон пушту паноҳи ту аст”. Бовар кунед, то ҳол он сухан дар гӯшам садо медиҳад, дар ҳар мусобиқае, ки иштирок намудам, ин сухан таҳрикдиҳандаи ғолибиятам буд.
Вохӯрӣ бо Пешвои миллат чанд бори дигар иттифоқ афтодааст, дар кушодашавии қасри варзишии шаҳри Хуҷанд, кушодашавии мактаби варзишии “Устопириён”. Ҷаноби Олӣ махсусан худашон лентаи рамзии толори варзишии оилаи мо - “Устопириён”-ро буриданд, ки аз баракату қудуми некашон ин толор чандин паҳлавонони бомаҳорати сатҳи байналмилалиро тарбия намудаву тарбия карда истодааст.
- Дар оилаи шумо аз падаратон сар карда, ҳамагӣ варзишгаранд. Чуноне ба мо маълум аст, дар ҳоли ҳозир бародари хурдии шумо аллакай дар майдонҳои бузург баромад мекунад. Аз ӯ чи умедҳо доред? Магар мухлисони гӯштини тоҷик метавонанд боз мисли Комроншоҳ як паҳловини дигарро аз сулолаи Устопировҳо дар арсаи байналмилалӣ бубинанд?
- Мо дар толори варзишии “Устопириён” ҳамаро баробар таълим медиҳем. Ба ҳамин хотир, на танҳо аз бародари худ, балки аз ҳар як шогирди ин мактаб умеди зиёд дорам. Байнашон бачаҳои бомаҳорат зиёданд. Боварӣ дорам, ки оянда роҳи моро идома медиҳанд.
- Ба назари шумо се паҳлавони бомаҳорати тоҷик дар риштаи ҷудо киҳоянд, ки шумо воқеан онҳоро эътироф мекунед?
- Ба андешаи ман, дар қуллаи баландтарини гӯштини ҷудои кишвар Расул Боқиев, Сомон Маҳмадбеков ва Темур Раҳимов қарор доранд.
- Дар оянда нақша надоред, ки мактаби варзишии худро ба мисли Расул Боқиев ташкил намоед?
- Соли 2010 дар вохӯрии Сарвари давлат бо варзишгарон, падарам назди Пешвои миллат баромад намуда, ваъда доданд, ки як толори варзишии гӯштин барои тарбия намудани дӯстдорони ин навъи варзиш сохта ба истифода медиҳад. Сарвари давлат ҳам дар навбати худ ваъда доданд, ки агар толори варзишӣ сохта шавад, рафта онро мекушоянд. Дар ҳақиқат, чунин ҳам шуд, соли 2012 тавре дар боло ҳам гуфтам, Сарвари давлат худашон лентаи рамзии толорро буридану ба фаъолияташ оғоз бахшиданд. Ман гуфта метавонам, ки мо толори варзишии худро кайҳо сохтем ва он дар тамоми ҷумҳурӣ шуҳрат дорад.
Яҳё МАҲМАДНАБИЕВ, "ҶТ"
Комроншоҳи Устопириён 31 сол дошта, барандаи даҳҳо медал аз мусобиқаҳои ҷаҳонӣ аст. Аз ҷумла, ин варзишгар аввалин ва то имрӯз ягона қаҳрамони ҷудои мардони Осиё аз Тоҷикистон аст, ки ду маротиба ба он даст ёфтааст. Комроншоҳи Устопириён ҳамчунин аз чандин сабқатҳои Гран-при ва Гранд сламҳо ба Тоҷикистон медал овардааст. Ӯ дорандаи 4 медали тиллои Гранд При, ду медали Чемпионати Осиё ва иштирокчии се каратаи Бозиҳои олимпӣ аз намуди гӯштини ҷудо мебошад.
Аз намуди гӯштини самбо чор маротиба қаҳрамони ҷаҳон байни наврасону ҷавонон ва як маротиба қаҳрамони ҷаҳон байни ситорагони самбои ҷаҳон гардидааст.
Дар ин шумора мехоҳем бобати бармаҳал тарки майдон намудани паҳлавони номошно, корномаи гузаштаи варзишӣ, хотироташ аз мулоқотҳо бо Пешвои миллат ва нақшаҳои ояндаи ӯ гуфта бошем.
- Шумо дар авҷи шуҳрати хеш корномаи варзишии худро ҷамъбаст кардед, дар ҳоле, ки мухлисони гӯштин аз шумо умедҳои зиёд дош-танд. Ба ин зудӣ хатми корнома намудани шуморо сабаб чӣ буд?
- Дуруд. Ман аз синни сесолагӣ гӯштинро оғоз кардам ва бисёр хушбахтам, ки дар се Бозиҳои олимпӣ иштирок намудам ва дар олами гӯштини ҷудо ба дастовардҳои зиёде ноил гардидам. Ҳамеша орзу мекардам ҷоизадори Бозиҳои олимпӣ гардам, аммо насиб набудааст. Сабаби ҷамъбаст намудани корномаи ман ҳам рабт дорад ба Бозиҳои олимпӣ. Дар ҳоли ҳозир ман 31 сол дорам ва то Олимпиадаи навбатӣ 35-сола мешавам, ки дар ин синну сол тамрини пайваста ва тайёрӣ ба ин сабқати рақами як барои ҳар як варзишгар мушкил хоҳад буд. Тавре шумо огоҳед, мусобиқаҳои гӯштини ҷудо ниҳоят зиёданд ва аз варзишгар тамрини пайвастаро талаб мекунад ва бо каме солхӯрда шудан, дигар барои ҳар мусобиқа 7-8 кг вазн кам кардан барои мо мушкил мешавад. Ба ҳамин хотир, бо мураббиёнам ба хулосае омадем, ки корномаамро ҷамъбаст кунам.
- Пас аз Бозиҳои олимпии Париж-2024, яку якбора эълон кардед, ки тарки гӯштин мекунед. Магар мағлубият дар Бозиҳои олимпӣ ба руҳияи шумо таъсири бад гузошт?
- Ман қабл аз Бозиҳои олимпии Париж-2024 дар саҳифаи инстаграмам эълон карда будам, ки Олимпиадаи Париж охирин мусобиқа дар корномаи ман хоҳад буд.
- Маросими хайрбоди шумо бо мухлисон бисёр ботантана баргузор гардид ва президенти Федератсияи ҷудои кишвар Исмоили Маҳмадзоҳир ба шумо ҷомаи фахрӣ пӯшонида, дар гӯшатон чизе гуфт. Агар махфӣ набошад, Исмоили Маҳмадзоҳир дар гӯшатон чӣ гуфт?
- Бале, Федератсияи ҷудои Тоҷикистон хайрбоди маро бо мухлисон бисёр дар сатҳи олӣ гузаронид. Маросими гуселам аз олами гӯштини ҷудо дар мусобиқаи Чемпионати ҷаҳонии гӯштини ҷудо, ки дар Душанбе баргузор гардида буд, хуб баргузор гардид. Президенти Федератсияи гӯштини ҷудо Исмоили Маҳмадзоҳир ба ман ҷомаи зардӯзии тоҷикона пӯшонида, дар гӯшам ҳеҷ сухани махфӣ нагуфт, танҳо барои солҳо парчамбардорӣ карданам барои Ватан аз сидқ изҳори миннатдорӣ намуд. Ман ҳам дар навбати худ барои кулли мухлисон, ки аз аввал то ба охир корномаи варзишии маро пайгирӣ намудаву бо ман буданд, аз самими қалб миннатдорӣ менамоям.
- Шумо умри азизи хешро сарфи тамрину ливобардорӣ барои меҳан кардед. Дар суҳбат бо хабарнигорон изҳор доштед, ки пас аз хатми корнома ба мураббигӣ машғул мегардед. Нақша доред, ки дар толори варзизии падаратон ба мураббигӣ машғул гардед ё онро дар Душанбе идома медиҳед?
- Ман аллакай фаъолияти мураббигиро оғоз намудам. Дар ҳоли ҳозир дар мактаби варзишии падарам “Устопириён” дар шаҳри Хуҷанд ва мактаби варзишии “Лангриев” дар ноҳияи Бобоҷон Ғафуров ба дӯстдорони гӯштини ҷудо таълим медиҳам. Дар мавриди ба Душанбе рафтану ба фаъолияти мураббигӣ машғул шуданам, ҳоло фикр накардам. Дар ин хусус бо мураббиям, ки падарам аст, суҳбат мекунам ва шояд ба ягон қарори аниқ омада тавонам.
- Аз ҷониби ягон мактаби варзишии ҷудои кишвар барои мураббӣ шудан то ҳол ба шумо пешниҳоди ҳамкорӣ шуд ё на?
- Пешниҳодҳо ниҳоят зиёданд. Баробари хатми корнома намуданам, ҳатто аз чанд кишварҳои хориҷ ҳам мактубҳо ба унвонам баҳри ҳамкорӣ расид, аммо ба ҳамааш ҷавоби рад додам. Ҳоло мехоҳам таҷрибаи омӯхтаи худро сараввал ба насли наврас ва дӯстдорони гӯштини ҷудои кишвар омӯзонам.
- Тавре ба мо маълум аст, шумо то соли 2008 дар навъи гӯштини самбо тамрин мекардед, аммо сабаб дар чӣ буд, ки яку якбора гӯштини ҷудоро интихоб кардед?
- Бале, аввал аз навъи гӯштини самбо машқу тамрин мекардам, аммо чун ин намуди гӯштин ғайриолимпӣ буд, ба намуди гӯштини ҷудо гузаштам ва ҳоло бар он меандешам, ки кори дурустеро анҷом додам.
- Шумо 4 маротиба соҳиби медали тиллои Гранд при ва 2 маротиба соҳиби медали тиллои Чемпионати Осиё гардидаед, аммо аз Гранд слам медали тилло надоред, сабаб дар чӣ бошад?
- Аз Гранд слам ҳам медал дорам, аммо нуқра аст. Аз Гранд слам медали тилло надоштанам, сабаби худро дорад. Бинед, чанд сол пеш сайри ҷаҳонии ҷудоро танҳо Гранд при мегуфтанд, ҳоло бошад онро ба ду қисм ҷудо намудаанд, Гранд при ва Гранд слам. Аз рӯи сатҳу сифат ҳарду як чиз аст. Паҳлавононе, ки дар Гранд при иштирок мекунанд, намояндагони Гранд слам ҳам ҳамон паҳлавононанд. Ба ҳамин хотир, давоми корномаи худ ман натавонистам медали тиллои Гранд сламро ба гардан овезам.
- Шумо байни ҷудокорони меҳан серҷоизатарин ба ҳисоб меравед. Ҷоизаи аз ҳама муҳиму азиз бароятон дар корномаи варзишӣ кадом ҷоиза аст?
- Бароям кулли дастовардҳоям арзиши баланд дорад. Фарқ надорад медали тилло бошад, нуқра ва ё биринҷӣ, чун ман ҳамаи онҳоро бо арақи ҷабин ба даст овардаам ва ҳар яки онҳо аз дигараш дар назарам хушрангтар менамояд.
- Соли 2015 калиди шоҳҷоизаи гӯштини миллӣ дар вилояти Суғд, автомобили Хундайро бевосита аз дасти Президенти кишвар муҳтарам Эмомалӣ Раҳмон гирифтед. Дар он ҷо Роҳбари давлат ҳунару маҳорати шуморо бисёр васфу ситоиш намуданд.
Ғайр аз он мусобиқа боз ягон маротибаи дигар аз дасти Роҳбари давлат ягон унвону ҷоиза гирифтед ва ё на?
- Бале, он рӯз ҳеҷ аз ёдам намеравад. Пешвои миллат худашон вориди майдон гардида, калиди шоҳҷоизаро ба ман тақдим карданд. Ҳангоми тақдими шоҳҷоиза Сарвари давлат ба ман гуфтад: “Устопириён, ҳарҷо рафтӣ, эҳсоси танҳоӣ накун, чунки анқариб 10 миллион аҳолии Тоҷикистон пушту паноҳи ту аст”. Бовар кунед, то ҳол он сухан дар гӯшам садо медиҳад, дар ҳар мусобиқае, ки иштирок намудам, ин сухан таҳрикдиҳандаи ғолибиятам буд.
Вохӯрӣ бо Пешвои миллат чанд бори дигар иттифоқ афтодааст, дар кушодашавии қасри варзишии шаҳри Хуҷанд, кушодашавии мактаби варзишии “Устопириён”. Ҷаноби Олӣ махсусан худашон лентаи рамзии толори варзишии оилаи мо - “Устопириён”-ро буриданд, ки аз баракату қудуми некашон ин толор чандин паҳлавонони бомаҳорати сатҳи байналмилалиро тарбия намудаву тарбия карда истодааст.
- Дар оилаи шумо аз падаратон сар карда, ҳамагӣ варзишгаранд. Чуноне ба мо маълум аст, дар ҳоли ҳозир бародари хурдии шумо аллакай дар майдонҳои бузург баромад мекунад. Аз ӯ чи умедҳо доред? Магар мухлисони гӯштини тоҷик метавонанд боз мисли Комроншоҳ як паҳловини дигарро аз сулолаи Устопировҳо дар арсаи байналмилалӣ бубинанд?
- Мо дар толори варзишии “Устопириён” ҳамаро баробар таълим медиҳем. Ба ҳамин хотир, на танҳо аз бародари худ, балки аз ҳар як шогирди ин мактаб умеди зиёд дорам. Байнашон бачаҳои бомаҳорат зиёданд. Боварӣ дорам, ки оянда роҳи моро идома медиҳанд.
- Ба назари шумо се паҳлавони бомаҳорати тоҷик дар риштаи ҷудо киҳоянд, ки шумо воқеан онҳоро эътироф мекунед?
- Ба андешаи ман, дар қуллаи баландтарини гӯштини ҷудои кишвар Расул Боқиев, Сомон Маҳмадбеков ва Темур Раҳимов қарор доранд.
- Дар оянда нақша надоред, ки мактаби варзишии худро ба мисли Расул Боқиев ташкил намоед?
- Соли 2010 дар вохӯрии Сарвари давлат бо варзишгарон, падарам назди Пешвои миллат баромад намуда, ваъда доданд, ки як толори варзишии гӯштин барои тарбия намудани дӯстдорони ин навъи варзиш сохта ба истифода медиҳад. Сарвари давлат ҳам дар навбати худ ваъда доданд, ки агар толори варзишӣ сохта шавад, рафта онро мекушоянд. Дар ҳақиқат, чунин ҳам шуд, соли 2012 тавре дар боло ҳам гуфтам, Сарвари давлат худашон лентаи рамзии толорро буридану ба фаъолияташ оғоз бахшиданд. Ман гуфта метавонам, ки мо толори варзишии худро кайҳо сохтем ва он дар тамоми ҷумҳурӣ шуҳрат дорад.
Яҳё МАҲМАДНАБИЕВ, "ҶТ"
Хабарҳои дигар
Рӯзнома
Эзоҳи худро нависед