Шурӯ аз соли нави таҳсил, 1 сентябр маҷаллаи Донишкадаи тарбияи ҷисмонии Тоҷикистон зери номи “Варзишгар” аз чоп мебарояд.

Ин нуқтаро 22 июли соли ҷорӣ Шодӣ Сафаров, ректори донишкадаи мазкур дар нишасти матбуотӣ таъкид карданд.

-Дар замони муоссир ягона роҳи тарғиби солим ин ВАО аст. Қариб тамоми донишгоҳу донишкадаҳои кишвар рӯзномаи худро доранд. Дастоварди варзишгарони мо аз мусобиқаҳои байналмилалӣ зиёд гашта истодааст ва рӯз то рӯз чеҳраҳои нави варзиш вориди сабқат мегарданд, ки ҳамаи онҳо эҳтиёҷ ба муаррифӣ доранд, афзуд,- Ш. Сафаров

Дар назар аст, ки маҷаллаи “Варзишгар” давоми моҳ як маротиба дар ҳаҷми 8 саҳифа аз чоп барояд. Роҳбарияти донишкада нақша доранд, ки дар моҳномаи мазкур маҳсули эҷоду дастовардҳои донишҷӯёни донишкадаро ҷой дода, ба ин васила чеҳраҳои наву ҷавонро ба хонандаашон пешниҳод намоянд.

Дар давоми суҳбат оиди паҳлуҳои гуогуни фаъолияти Донишкада давоми шаш моҳи охир суолу ҷавоб миёни кормандони ВАО ва роҳбарияти донишкада сурат гирифт.

Таъкид гардид, ки имсол аз 19 то 30 август дар Ҷумҳурии мардумии Чин, шаҳри Тайпе унверсиядаи донишҷӯён баргузор мегардад, ки Тоҷикистонро дар ин мусобиқаи бонуфӯз 56 нафар донишҷӯёни Донишкадаи тарбияи ҷисмонӣ муаррифӣ мекунанд.

Роҳбарияти донишкада иброз доштанд, ки барои варзишгарон тамоми шароитҳои пеш аз мусобиқавиро омода намудаанд ва аз онҳо танҳо натиҷа интизоранд.

Шодихони НАЗАР, “ҶТ”