18 марти соли ҷорӣ дар ноҳияҳои Исмоили Сомонӣ ва Шоҳмансури пойтахт марҳилаи аввали Фестивали бозиҳои миллии варзишӣ баргузор гардид.

Дар расми ифтитоҳи он роҳбарияти Кумитаи ҷавонон, варзиш ва сайёҳӣ, Мақомоти иҷроияи маҳаллии ҳокимияти давлатии ноҳияҳои мазкур, Раёсати ҷавонон, варзиш ва сайёҳии шаҳри Душанбе ва меҳмонону сокинони шаҳр иштирок намуданд.

Фестивали мазкур бо мақсади эҳё, рушд ва амалии бозиҳои миллии варзишӣ ва тарбияи насли наврас дар руҳияи эҳтиром ва арҷгузорӣ ба таъриху анъанаҳои миллии аҷдодон, ҳамзамон таҳкими тарзи ҳаёти солим, ҳисси худшиносиву худогоҳӣ, зиракии сиёсӣ ва пешгирии омилҳои номатлуб дар байни насли наврас баргузор карда шуда, баргузории ҳамасолаи Фестивали бозиҳои миллии варзишӣ дар се марҳила (маҳаллӣ, минтақавӣ ва миллӣ) дар остонаи таҷлили иди Наврӯзи ҷаҳонӣ (марҳилаи якум), Ваҳдати миллӣ (марҳилаи дуюм) ва ҷашни Истиқлолияти давлатӣ (марҳилаи сеюм) тасдиқ карда шудааст.

Боиси зикр аст, ки раиси Кумитаи тадорукотии баргузории Фестивали мазкур Рустами Эмомалӣ, Президенти Федератсияи футболи Тоҷикистон мебошанд.

Шералӣ АЗИМӢ “ҶТ”