Дар толори варзишии “Ҷашнӣ”-и шаҳри Хуҷанд чемпионати вилояти Суғд оид ба гимнастикаи бадеӣ миёни варзишгарони солҳои таваллудашон 2006-2010 баргузор гардид.

Чемпионати мазкур бо мақсади ҷалби наврасону ҷавондухтарон ба ин намуди варзиш ва интихоби дастаи яккачини вилоят барои иштирок дар чемпионати Ҷумҳурии Тоҷикистон доир шуда, дар он 60 нафар ғолибони марҳилаи якум аз рӯи 35 номинатсия баромад намуданд.

Дар фарҷом ғолибону ҷоизадоронро бо медалу дипломи Раёсати кор бо ҷавонон ва варзиши вилояти Суғд қадрдонӣ намуданд.