Ҷаҳонгир Маҷидов, паҳлавони ҷавони тоҷик, дар мусобиқаи XIII байналмилалии “Ҷоми бози Осиё” оид ба ҷудо байни ҷавонону наврасон ба хотираи устоди варзиш Учқун Муродов, ки дар шаҳри Чирчиқи Узбакистон ҷараён дорад сазовори медали тилло гардид.

Ҷаҳонгир дар вазни 81 кило баъди пирӯзӣ бо ҳарифонаш аз  Қазоқистон,Қирғизистон ва ду паҳлавони Узбекистон, дар даври ниҳоӣ бо варзишгари дигари тоҷик Раҳматуллобек Фарҳодов қувваозмоӣ намуд.

Даври финалии мусобиқаи мазкур байни ду варзишгари тоҷик ҷолиб ҷараён гирифта, бо пирӯзии Ҷаҳонгир Маҷидов ба анҷом расид.

Медалаи тиллои вазни 100 килои мусобиқаи мазкур низ насиби варзишгари дигари тоҷик Темур Раҳимов гардид. Темур даври якум озод буд ва баъди се пирӯзӣ бо паҳлавонони узбек сазовори медали тилло гардид.

Намояндаи дигари Тоҷикистон Ҳоҷимашраб Раҳмонов дар вазни 90 кило мақоми сеюмро ишғол намуд.
  
Варзишгарони тоҷик - Эраҷ Абдуллоев дар вазни то 73 кило ва Шукрона Қарчиева миёни духтарон дар вазни то 52 кило рӯзҳои аввали мусобиқа  сазовори медали биринҷӣ гардиданд.