ВАРЗИШ
Ҷумъа 27 Декабр 2024 09:29
Муҳаммадӣ Раҷабов қаиқрони ҷавон ва бомаҳорати меҳан дар Чемпионати Осиё, ки дар шаҳри Паттайяи Шоҳигарии Тайланд аз 12-ум то 16-уми июн баргузор гардид, дар масофаи 1000 метр каноэ С-1 сазовори медали тилло ва дар масофаи 200 метр каноэ С-1 сазовори медали нуқра гардид. Ин дастовард на танҳо барои Муҳаммадӣ, балки барои соҳаи қаиқронӣ дар кишвар натиҷаи назаррас ба ҳисоб меравад. Дар робита ба сазовор шудани ин варзишгар ба чунин натиҷаи назаррас бо Муҳаммадӣ суҳбат намудем.
- Сараввал шуморо табрик мекунем барои ноил шудан ба чунин натиҷаи назаррас.
- Ташаккури зиёд.
- Барои расидан ба унвони қаҳрамонӣ дар масофаи 1000 метр дар чанд марҳила ё давр иштирок кардед?
- То гирифтани медал ва парафшонии парчам дар чунин мусобиқаи сатҳи баланд маро зарур омад, то дар се марҳила бо ҳамтоёни худ вориди рақобат гардам. Рақобат барои ба даст овардани нишони заррини масофаи 1000 метр аз марҳилаи гурӯҳӣ оғоз ёфт. Баъд аз ғолибият дар марҳилаи гурӯҳӣ ба марҳилаи ниманиҳоӣ роҳ ёфтам. Марҳилаи ниманиҳоиро низ бомуваффақият пушти сар намуда, худро ба даври ниҳоии мусобиқа расонидам. Дар марҳилаи ниҳоӣ бо 13 ҳамтои худ аз кишварҳои гуногун барои зудтар расидан ба масофаи таъйингардида талош намудам ва хушбахтона, пеш аз ҳама хатти ниҳоиро убур кардам.
- Шумо ҳамчунин дар масофаи 200 метр ба гирифтани нишони нуқра мушарраф гаштед. Оё пеш аз сафар ба мусобиқаи мазкур нақша доштед, ки дар ин масофа ҳам ҳунарнамоӣ мекунед?
- Бале, пеш аз сафар ба Тайланд ҳамроҳи мураббиҳоям тасмим гирифта будам, ки дар ин масофа низ иштирок намоям. Аммо бештар аз ҳама омодагиҳо барои иштирок дар масофаи 1000 метр буд. Бинобар ин, аз рақобат дар масофаи 1000 метр натиҷаи беҳтар нишон додам.
- Барои шумо ҳамчун як қаиқрон рақобат дар кадом масофа душвортар буд: 200 ё 1000 метр?
- Ба ман бештар дар масофаи 200 метр рақобат намудан душвортар буд. Зеро, чуноне дар боло қайд кардам, барои рақобат дар ин масофа чандон омодагии ҷиддӣ надида будам. Бинобар ин, рақобат дар масофаи мазкур бароям мушкилтар афтод.
- Дар ин ду масофа барои ба даст овардани медал дар синну соли шумо чанд нафар иштирокчӣ буд?
- Дар рақобати масофаи 200 метр ба ғайр аз ман, ҳамчунин, 9 рақиби дигар дар ҳамин синну сол иштирокчӣ буд. Дар масофаи 1000 метр бошад, ҳамагӣ 13 рақиб доштам, ки бо гузаштан аз ҳамаи онҳо ба гирифтани нишони заррин даст ёфтам.
- Мувофиқи маълумоте шумо ҳамчунин дар ин мусобиқа дар масофаи 500 метр низ иштирок кардед.
- Бале, дар Чемпионати Осиё ба ғайр аз масофаи 200 ва 1000 метр, ҳамчунин, иштирокчии рақобат дар масофаи 500 метр низ будам. Аммо ин рақобат барои ман бенатиҷа анҷом ёфт. Зеро дар вақти рақобат аз сабаби зиёд будани суръати шамол қаиқам чаппа шуд ва ман дигар натавонистам мусобиқаро идома диҳам.
- Рақобат миёни ду - се рӯз дар чанд мусобиқаи масофаҳои гуногун бароятон душвор набуд?
- Мо ба чунин рақобатҳо омода шудаем. Ин гуна мусобиқаҳо дигар бароямон мушкилӣ ба бор оварда наметавонанд, зеро ҳангоми тамрин дар як рӯз чандин маротиба чунин масофаҳоро тай мекунем. Тамрини зиёд боис мегардад, ки дар рақобат аз рӯйи чанд масофа дар як вақт одат кунем.
- Ба даст овардани ду медал аз як мусобиқа чӣ таъсире ба ҳолати руҳии шумо дошт?
- Ин медалҳо боис мегарданд, то дарк намоям, ки ҳар заҳматеро подошест. Хушҳол аз он гаштам, ки талошҳои пайвастаам дар ҷодаи интихобнамуда беҳуда набуда, самараи он ба ин ҳама талошҳо арзанда буд.
- Шумо ҳамчунин иштирокчии Бозиҳои осиёӣ будед. Ин рақобат чӣ гуна баргузор гашт?
- Бале, дар ин мусобиқаи бонуфуз низ иштирок карда будам. Дар мусобиқаи мазкур тавонистам то ба марҳилаи ниҳоӣ роҳ ёфта, дар рақобати даври ниҳоӣ ба гирифтани мақоми 7-ум даст ёбам.
- Боз дар кадом сабқатҳои хориҷ аз кишвар иштирок кардаед, ки натиҷаи он барои шумо хотирмон буд?
- Соли 2023 дар мусобиқаи IX байналмилалӣ оид ба қаиқронӣ миёни ҷавонон ба хотири Устоди хизматнишондодаи СССР Константин Костенко дар масофаи 1000 метр иштирок карда, барандаи нишони биринҷӣ гаштам. Дар мусобиқаи мазкур зиёда аз 200 варзишгар аз кишварҳои Белорус, Индонезия, Қазоқистон, Қирғизистон, Тоҷикистон, Узбекис-тон, Озарбойҷон ва Русия иштирок доштанд, ки хушбахтона аз миёни онҳо ман дар синну соли худ ба гирифтани медали биринҷӣ ва мақоми сеюм даст ёфтам. Ҳамчунин, бо Рустамов Умар сазовори ҷойи сеюм дар Чемпионати Осиё оид ба қаиқронӣ дар ҳайати даставӣ гардидем, ки соли 2023 дар шаҳри Самарқанди Узбекистон баргузор гардида буд. Ғайр аз ин, сазовори ҷойи якум дар Чемпионати Осиё оид ба қаиқронӣ байни наврасон ва ҷавонон шуда, аз ҷониби Кумитаи кор бо ҷавонон ва варзиши кишвар ба хотири ин ду мусобиқа мукофотпулӣ низ дарёфт намудам.
- Хуб, биёед суҳбатро дар мавриди замони наврасӣ ва пайвастани шумо ба варзиши қаиқронӣ идома диҳем. Аз кадом сол инҷониб ба ин навъи варзиш машғул ҳастед?
- Ба ин навъи варзиш аз 12-солагӣ ворид шудам. Пеш аз он ки қаиқрониро интихоб намоям, майлу рағбат доштам ба шиноварӣ. Бинобар ин, аз 9 то 12-солагиам варзишгар аз намуди варзиши шиноварӣ будам. Дар муддати се соле, ки ба шиноварӣ машғул будам, борҳо ба гирифтани унвони қаҳрамонӣ аз ин риштаи варзиш байни ҳамсолони худ даст ёфтам.
- Пас, сабаб дар чӣ буд, ки бо вуҷуди меҳри зиёд нисбати шиноварӣ ва муваффақ будан дар ин риштаи варзиш, тасмим гирифтед ба варзиши қаиқронӣ машғул шавед?
- Ба риштаи қаиқронӣ пайвастани ман хости падарам аст. Падарам Қудратулло Раҷабов худ қаиқрон буданд. Бинобар ин, мехостанд, дар оянда касби ӯро идома диҳам. Ман низ сухани падарро нодида гирифта натавонистам ва масири худро дар ҷодаи варзиш иваз намуда, аз шиноварӣ ба қаиқронӣ гузаштам. Падарам мехоҳанд, ки ман дар риштаи қаиқронӣ ба гирифтани медали олимпӣ мушарраф гардам.
- Айни замон ғайр аз варзишгар будан, дар ҷое таҳсил мекунед?
- Бале, айни замон донишҷӯи соли дуюми Донишкадаи тарбияи ҷисмонии Тоҷикистон ҳастам. Дар ин ҷо аз рӯи ихтисоси “Варзиши сабук” таҳсил менамоям.
- То ҷое огаҳӣ пайдо намудем, нақша доред, дар Чемпионати ҷаҳон оид ба қаиқронӣ иштирок намоед. Ин мусобиқа кай ва дар куҷо баргузор мегардад?
- Бале, чунин нақшаҳо айни замон ҳаст ва тамоми талоши худро баҳри иштирок дар ин мусобиқа ва ба даст овардани натиҷаи назаррас анҷом дода истодаам. Бо устодони худ Нурмуҳаммади Тоҳир ва Набиев Зоир ҳамаҷониба тамрин намуда истодаам, то аз ин мусобиқа низ бо натиҷаи назаррас ба кишвар баргардам. Мусобиқаи мазкур аз 17 то 21 июл дар Болгария баргузор хоҳад гашт.
- Нақшаҳои ояндаатон чӣ гуна аст?
- Мехоҳам то ҳадди имкон дар рақобатҳои берун аз кишвар иштирок карда, парчамбардори кишвар дар арсаи ҷаҳонӣ бошам. Ҳамчунин, нақша дорам, пас аз анҷоми корномаи варзишӣ ба ҳайси мураббӣ фаъолият намуда, насли ҷавони кишварро ба масири варзиш раҳнамун созам.
Ҳошим РАҲМАТУЛЛОЕВ, "ҶТ"
- Сараввал шуморо табрик мекунем барои ноил шудан ба чунин натиҷаи назаррас.
- Ташаккури зиёд.
- Барои расидан ба унвони қаҳрамонӣ дар масофаи 1000 метр дар чанд марҳила ё давр иштирок кардед?
- То гирифтани медал ва парафшонии парчам дар чунин мусобиқаи сатҳи баланд маро зарур омад, то дар се марҳила бо ҳамтоёни худ вориди рақобат гардам. Рақобат барои ба даст овардани нишони заррини масофаи 1000 метр аз марҳилаи гурӯҳӣ оғоз ёфт. Баъд аз ғолибият дар марҳилаи гурӯҳӣ ба марҳилаи ниманиҳоӣ роҳ ёфтам. Марҳилаи ниманиҳоиро низ бомуваффақият пушти сар намуда, худро ба даври ниҳоии мусобиқа расонидам. Дар марҳилаи ниҳоӣ бо 13 ҳамтои худ аз кишварҳои гуногун барои зудтар расидан ба масофаи таъйингардида талош намудам ва хушбахтона, пеш аз ҳама хатти ниҳоиро убур кардам.
- Шумо ҳамчунин дар масофаи 200 метр ба гирифтани нишони нуқра мушарраф гаштед. Оё пеш аз сафар ба мусобиқаи мазкур нақша доштед, ки дар ин масофа ҳам ҳунарнамоӣ мекунед?
- Бале, пеш аз сафар ба Тайланд ҳамроҳи мураббиҳоям тасмим гирифта будам, ки дар ин масофа низ иштирок намоям. Аммо бештар аз ҳама омодагиҳо барои иштирок дар масофаи 1000 метр буд. Бинобар ин, аз рақобат дар масофаи 1000 метр натиҷаи беҳтар нишон додам.
- Барои шумо ҳамчун як қаиқрон рақобат дар кадом масофа душвортар буд: 200 ё 1000 метр?
- Ба ман бештар дар масофаи 200 метр рақобат намудан душвортар буд. Зеро, чуноне дар боло қайд кардам, барои рақобат дар ин масофа чандон омодагии ҷиддӣ надида будам. Бинобар ин, рақобат дар масофаи мазкур бароям мушкилтар афтод.
- Дар ин ду масофа барои ба даст овардани медал дар синну соли шумо чанд нафар иштирокчӣ буд?
- Дар рақобати масофаи 200 метр ба ғайр аз ман, ҳамчунин, 9 рақиби дигар дар ҳамин синну сол иштирокчӣ буд. Дар масофаи 1000 метр бошад, ҳамагӣ 13 рақиб доштам, ки бо гузаштан аз ҳамаи онҳо ба гирифтани нишони заррин даст ёфтам.
- Мувофиқи маълумоте шумо ҳамчунин дар ин мусобиқа дар масофаи 500 метр низ иштирок кардед.
- Бале, дар Чемпионати Осиё ба ғайр аз масофаи 200 ва 1000 метр, ҳамчунин, иштирокчии рақобат дар масофаи 500 метр низ будам. Аммо ин рақобат барои ман бенатиҷа анҷом ёфт. Зеро дар вақти рақобат аз сабаби зиёд будани суръати шамол қаиқам чаппа шуд ва ман дигар натавонистам мусобиқаро идома диҳам.
- Рақобат миёни ду - се рӯз дар чанд мусобиқаи масофаҳои гуногун бароятон душвор набуд?
- Мо ба чунин рақобатҳо омода шудаем. Ин гуна мусобиқаҳо дигар бароямон мушкилӣ ба бор оварда наметавонанд, зеро ҳангоми тамрин дар як рӯз чандин маротиба чунин масофаҳоро тай мекунем. Тамрини зиёд боис мегардад, ки дар рақобат аз рӯйи чанд масофа дар як вақт одат кунем.
- Ба даст овардани ду медал аз як мусобиқа чӣ таъсире ба ҳолати руҳии шумо дошт?
- Ин медалҳо боис мегарданд, то дарк намоям, ки ҳар заҳматеро подошест. Хушҳол аз он гаштам, ки талошҳои пайвастаам дар ҷодаи интихобнамуда беҳуда набуда, самараи он ба ин ҳама талошҳо арзанда буд.
- Шумо ҳамчунин иштирокчии Бозиҳои осиёӣ будед. Ин рақобат чӣ гуна баргузор гашт?
- Бале, дар ин мусобиқаи бонуфуз низ иштирок карда будам. Дар мусобиқаи мазкур тавонистам то ба марҳилаи ниҳоӣ роҳ ёфта, дар рақобати даври ниҳоӣ ба гирифтани мақоми 7-ум даст ёбам.
- Боз дар кадом сабқатҳои хориҷ аз кишвар иштирок кардаед, ки натиҷаи он барои шумо хотирмон буд?
- Соли 2023 дар мусобиқаи IX байналмилалӣ оид ба қаиқронӣ миёни ҷавонон ба хотири Устоди хизматнишондодаи СССР Константин Костенко дар масофаи 1000 метр иштирок карда, барандаи нишони биринҷӣ гаштам. Дар мусобиқаи мазкур зиёда аз 200 варзишгар аз кишварҳои Белорус, Индонезия, Қазоқистон, Қирғизистон, Тоҷикистон, Узбекис-тон, Озарбойҷон ва Русия иштирок доштанд, ки хушбахтона аз миёни онҳо ман дар синну соли худ ба гирифтани медали биринҷӣ ва мақоми сеюм даст ёфтам. Ҳамчунин, бо Рустамов Умар сазовори ҷойи сеюм дар Чемпионати Осиё оид ба қаиқронӣ дар ҳайати даставӣ гардидем, ки соли 2023 дар шаҳри Самарқанди Узбекистон баргузор гардида буд. Ғайр аз ин, сазовори ҷойи якум дар Чемпионати Осиё оид ба қаиқронӣ байни наврасон ва ҷавонон шуда, аз ҷониби Кумитаи кор бо ҷавонон ва варзиши кишвар ба хотири ин ду мусобиқа мукофотпулӣ низ дарёфт намудам.
- Хуб, биёед суҳбатро дар мавриди замони наврасӣ ва пайвастани шумо ба варзиши қаиқронӣ идома диҳем. Аз кадом сол инҷониб ба ин навъи варзиш машғул ҳастед?
- Ба ин навъи варзиш аз 12-солагӣ ворид шудам. Пеш аз он ки қаиқрониро интихоб намоям, майлу рағбат доштам ба шиноварӣ. Бинобар ин, аз 9 то 12-солагиам варзишгар аз намуди варзиши шиноварӣ будам. Дар муддати се соле, ки ба шиноварӣ машғул будам, борҳо ба гирифтани унвони қаҳрамонӣ аз ин риштаи варзиш байни ҳамсолони худ даст ёфтам.
- Пас, сабаб дар чӣ буд, ки бо вуҷуди меҳри зиёд нисбати шиноварӣ ва муваффақ будан дар ин риштаи варзиш, тасмим гирифтед ба варзиши қаиқронӣ машғул шавед?
- Ба риштаи қаиқронӣ пайвастани ман хости падарам аст. Падарам Қудратулло Раҷабов худ қаиқрон буданд. Бинобар ин, мехостанд, дар оянда касби ӯро идома диҳам. Ман низ сухани падарро нодида гирифта натавонистам ва масири худро дар ҷодаи варзиш иваз намуда, аз шиноварӣ ба қаиқронӣ гузаштам. Падарам мехоҳанд, ки ман дар риштаи қаиқронӣ ба гирифтани медали олимпӣ мушарраф гардам.
- Айни замон ғайр аз варзишгар будан, дар ҷое таҳсил мекунед?
- Бале, айни замон донишҷӯи соли дуюми Донишкадаи тарбияи ҷисмонии Тоҷикистон ҳастам. Дар ин ҷо аз рӯи ихтисоси “Варзиши сабук” таҳсил менамоям.
- То ҷое огаҳӣ пайдо намудем, нақша доред, дар Чемпионати ҷаҳон оид ба қаиқронӣ иштирок намоед. Ин мусобиқа кай ва дар куҷо баргузор мегардад?
- Бале, чунин нақшаҳо айни замон ҳаст ва тамоми талоши худро баҳри иштирок дар ин мусобиқа ва ба даст овардани натиҷаи назаррас анҷом дода истодаам. Бо устодони худ Нурмуҳаммади Тоҳир ва Набиев Зоир ҳамаҷониба тамрин намуда истодаам, то аз ин мусобиқа низ бо натиҷаи назаррас ба кишвар баргардам. Мусобиқаи мазкур аз 17 то 21 июл дар Болгария баргузор хоҳад гашт.
- Нақшаҳои ояндаатон чӣ гуна аст?
- Мехоҳам то ҳадди имкон дар рақобатҳои берун аз кишвар иштирок карда, парчамбардори кишвар дар арсаи ҷаҳонӣ бошам. Ҳамчунин, нақша дорам, пас аз анҷоми корномаи варзишӣ ба ҳайси мураббӣ фаъолият намуда, насли ҷавони кишварро ба масири варзиш раҳнамун созам.
Ҳошим РАҲМАТУЛЛОЕВ, "ҶТ"
Хабарҳои дигар
Рӯзнома
Эзоҳи худро нависед