Шоми дирӯз бозии интихобии Ҷоми Конфедератсияи футболи Осиё (КФО) байни дастаҳои «Шоҳин Асмоӣ»-и Афғонистон ва “Ҳосилот”-и Тоҷикистон, дар варзишгоҳи марказӣ бо ҳузурӣ 10 ҳазор мухлис баргузор гардид. Дар ин рақобат “Ҳосилот”-и Фархор тавонист,дар меҳмонӣ ба тими “Шоҳини Асмоӣ” даст боло шавад.

Шогирдони Муҳаммадҷон Ҳабибуллоев дар қисми аввали бозӣ ба ҳарифи худ бисёр фишор оварда, аз имкониятҳои зиёд истифода бурда натавонистанд. Ягона голи вохӯриро нимҳимоятгари “Ҳосилот”-и Фархор Иброҳим Рабимов тдар дақиқаи 35 бозӣ ба дарвозаи Бакташ Акбарӣ ворид намояд.

Муҳаммадҷон Ҳабибуллоев сармурабии дастаи “Ҳосилот”и Фархор қувваҳои ҳарду дастаро баробар ҳисобида қайд намуд: “ Дастаи ҳариф қариб ки се сол мешавад бо як ҳайат дар чемпионати Афғонистон баромад мекунад ва умуман рақиб дастаи пурқуввати Афғонистон мебошад. Дар ин вохӯрӣ метавонистем мо голҳоро ду чанд намоем, аммо ин аввалин бозии мо аст кӯшиш мекунем, ки дар рақобатҳои оянда бозии хуб нишон диҳем”.

Дар дақиқаҳои охирӣ қисми дуюми бозӣ дарвозабони “Шоҳин Асмоӣ”-и Бакташ Акбарӣ ҷароҳат бардошта аз бозӣ барканор шуд. Боир Игамбердиев сармураббии дастаи “Шоҳини Асмоӣ” доир ба  вази мушкилии дарвозабонҳои даста чунин иброз дошт: “ Мо аз Афғонистон бо 18 нафар бозингарон омадем ва дар охирин тамрин дарвозабони асосии даста ҷароҳат бардош. Мо як дарвозабони дигарро аз Афғонистон барои бозии оянда даъват менамоем”.  
    
Бозии ҷавобии дастаҳои «Ҳосилот»-и Фархор ва «Шоҳин Асмоӣ» дар ҳамин Варзишгоҳи марказӣ 7 феврал барпо мегардад.

Ёдовар мешамем, ки дар робита ба бозиҳои нахустини интихобии Ҷоми КФО дирӯз дастаҳои «Дордой»-и Қирғизистон бо «Балкан»-и Туркманистон бо натиҷаи 1:1 ҷамъбаст шуд.

Шаҳбози АСОМИДДИН, "ҶТ"