ВАРЗИШ
Ҷумъа 15 Ноябр 2019 05:05
5404
4 январ дар Донишкадаи тарбияи ҷисмонии Тоҷикистон ба номи С. Раҳимов вобаста ба расонидани муҳтавои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар бо ҳайати устодону донишҷӯён мулоқоти судманд баргузор гардид.

Дар ин мулоқот муовини якуми раиси Кумитаи кор бо ҷавонон ва варзиш Назарзода Ризо, ҳайати профессорону омӯзгорон ва донишҷӯёни донишгоҳи мазкур иштирок ва суханронӣ намуданд.

Таъкид гардид, ки дар Ҷумҳурии Тоҷикистон зери сиёсати маорифпарваронаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон барои омода намудани кадрҳои баландихтисос, баланд бардоштани сифати таҳсил, мутобиқ намудан дарсҳои назарявию амалиявӣ ба сатҳи байналмилалӣ тамоми имкониятҳо фарҳам оварда шудааст. Танҳо аз ҷавонон даъват ба амал оварда мешавад, ки илм омӯзанд, донишҳои замониваро аз худ намуда, ба Ватан – модар содиқона хизмат намоянд.

Ҳамчунин зимни баргузории мулоқот зикр гардид, ки Пешвои миллат дар Паёми солонаи хеш иброз доштанд, ки “Танҳо соли 2018 дар кишвар аз ҳисоби ҳамаи сарчашмаҳо 151 муассисаи таҳсилоти умумӣ бо зиёда аз 73 000 ҷойи нишаст сохта, ба истифода дода шуд ва ин раванд дар оянда низ идома хоҳад ёфт. Мо ислоҳоти низоми ҳамаи зинаҳои таҳсилро минбаъд низ давом дода, усулҳои фаъоли таълимро ҷорӣ мекунем ва ба сатҳу сифати таълим эътибори аввалиндараҷа медиҳем.”

Дар доираи мулоқот ҳайати устодон ва донишҷӯёни фаъоли донишкада баромад намуда, иброз доштанд, ки мо аз сиёсати пешгирифтаи Роҳбари давлат муҳтарам Эмомалӣ Раҳмон пуштибонӣ намуда, баҳри ободонии Ватани азизамон талош мекунем.




Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Ноябр 2019 c.