18 декабр раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам бо Директори намояндагии Jike дар Ҷумҳурии Тоҷикистон ҷаноби  Хидеки Танабе  мулоқот намуданд.

 Дар доираи мулоқот  масъалаҳои  кор  бо ҷавонон, рушди тарбияи ҷисмонӣ ва инкишофи варзиш, табодули омӯзиши самтҳои гуногуни соҳа, мавриди баррасӣ қарор гирифта, ҷонибҳо ҷиҳати таҳкими ҳамкориҳои мутақобилан судманд  дар самтҳои афзалиятноки соҳа  ба мувофиқа расиданд.

Зикр карда шуд, ки дар доираи сиёсати хирадмандонаи Пешвои муаззами миллат, муҳтарам Эмомалӣ Раҳмон ҳамкориҳои Ҷумҳурии Тоҷикистон бо Ҷопон дар сатҳи сифатан нав  ба роҳ монда шуда, намояндагии ширкати JIKE тавонист дар ин давра барои рушди самтҳои мухталифи соҳа саҳми арзишманди хешро гузорад.

Мулоқот дар доираи  созишҳои тарафайн ба анҷом расид.