Дар ин бора Хадамоти матбуоти Президенти ҷумҳурӣ хабар додааст.

Зимни суҳбати самимӣ Сарвари давлат, Президенти Кумитаи миллии олимпии Ҷумҳурии Тоҷикистон муҳтарам Эмомалӣ Раҳмон оид ба рушди футбол дар Тоҷикистон, дастгирии давлатии соҳа, оммавигардонии футбол ва фаъолияти пурсамари Федератсияи футболи Тоҷикистон андешаронӣ карданд.

Пешвои миллат муҳтарам Эмомалӣ Раҳмон ҷавононро ба ватандӯстию ватанпарварӣ ва ифтихори ватандорӣ ҳидоят карданд.

Таъкид гардид, ки ҷавонон ҳар чи бештар ба машқу тамрин машғул шаванд ва бо дастовардҳои арзанда парчами кишварро дар арсаи олам баланд бардоранд.

Дар охири суҳбат Президенти мамлакат муҳтарам Эмомалӣ Раҳмон ба футболбозони тоҷик барору комёбӣ орзу карданд.

Ёдовар мешавем, ки имрӯз дастаи мунтахаби Тоҷикистон бозии сеюм ва ҳалкунандаи худро дар марҳилаи гурӯҳии Ҷоми Осиё-2023 бо мунтахаби Лубнон анҷом медиҳад.

Мунтахаби Тоҷикистон дар сурати ғолиб омадан дар ин бозӣ ба даври минбаъда роҳ меёбад. Ин дидор дар варзишгоҳи Ҷосим бин Ҳамади Доҳа соати 20:00 ба вақти Душанбе оғоз мегардад.

Қобили зикр аст, ки дастаи мунтахаби футболи Тоҷикистон бори нахуст дар Ҷоми Осиё иштирок мекунанд. То имрӯз дастаи мунтахаби футболи Тоҷикистон, ки дар гуруҳи “А” шомил мебошад, дар доираи Ҷоми Осиё 2023 бо дастаҳои Чин ва Қатар рақобат кардааст.