МУАЛЛИФ: МАШҲУР ИМОМНАЗАР

Бахшида ба “Соли ҷавонон” дар ноҳияи Мурғоби ВМКБ XI-умин сабқати бозии миллии ордо баргузор гашт, ки дар он беш аз 153 нафар ҷавону наврас иштирок намуданд.

Чорабинии варзишӣ бо ибтикори Мақомоти иҷроияи маҳаллии ҳокимияти давлатии ноҳия ва Бахши ҷавонон, варзиш ва сайёҳӣ ташкил шуда, дар он 12 даста байни ҳам қувваозмоӣ карданд.

Мувофиқи натиҷаҳои ниҳоӣ дар ин сабқат ҷои аввалро дастаи “Мурғоб-1” гирифт. Мақоми дуюм насиби дастаи “Кухна Курган” гардида, ҷойи сеюмро дастаи “Мурғоб-2” ба даст овард.

Ғолибонро Ҷанбулот Қамчибеков, мудири Бахши ҷавонон, варзиш ва сайёҳии ноҳия бо ифтихорнома ва тӯҳфаҳои хотиравӣ қадрдонӣ кард.